ପୁଅର ପଦୋନ୍ନତି ଅଟକାଇ ଦେଇଥିଲେ ଲାଲ ବାହାଦୂର ଶାସ୍ତ୍ରୀ

ନୂଆଦିଲ୍ଲୀ: ଆଜି ଦେଶର ଦୁଇ ମହାନ ବ୍ୟକ୍ତିଙ୍କ ଜନ୍ମଦିନ। ଜାତିର ପିତା ମହାତ୍ମାଗାନ୍ଧିଜୀଙ୍କ ସମେତ ପୂର୍ବତନ ପ୍ରଧାନମନ୍ତ୍ରୀ ଲାଲ ବାହାଦୂର ଶାସ୍ତ୍ରୀ ମଧ୍ୟ ଏହି ଦିନ ଜନ୍ମ ହୋଇଥିଲେ। ଲାଲ ବାହାଦୂର ଶାସ୍ତ୍ରୀ ୧୯୦୪ ଅକ୍ଟୋବର ୨ରେ ଉତ୍ତରପ୍ରଦେଶର ମୁଗଲସରାଏରେ ଜନ୍ମଗ୍ରହଣ କରିଥିଲେ। 

ଶାସ୍ତ୍ରୀ ଜିଙ୍କର ଉଚ୍ଚ ଚିନ୍ତାଧାରା ପାଇଁ ସେ ସର୍ବଦା ସ୍ମରଣୀୟ ହୋଇ ରହିଛନ୍ତି ଓ ରହିବେ ମଧ୍ୟ। ସେ ତାଙ୍କ ଜୀବନସାରା ସାଧାରଣ ଲୋକଙ୍କ ସ୍ୱାର୍ଥକୁ ସମର୍ଥନ କରି ଆସିଥିଲେ। ଭାରତର ସ୍ୱାଧୀନତା ସଂଗ୍ରାମରେ ଶାସ୍ତ୍ରୀ ଏକ ଗୁରୁତ୍ୱପୂର୍ଣ୍ଣ ଭୂମିକା ଗ୍ରହଣ କରିଥିଲେ ଏବଂ ଜବାହରଲାଲ ନେହେରୁଙ୍କ ପରେ ଭାରତର ତୃତୀୟ ପ୍ରଧାନମନ୍ତ୍ରୀ ଭାବରେ ଲାଲବାହାଦୂର ଦାୟିତ୍ବ ଗ୍ରହଣ କରିଥିଲେ।

୧୯୬୫ରେ ଇଣ୍ଡୋ-ପାକ୍ ଯୁଦ୍ଧ ସମୟରେ ଶାସ୍ତ୍ରୀଙ୍କୁ ତାଙ୍କର ନେତୃତ୍ୱ ତଥା ତାଙ୍କର ପ୍ରତୀକାତ୍ମକ ସ୍ଲୋଗାନ୍ ଜୟ ଜୱାନ୍, ଜୟ କିସାନକୁ ଅଧିକ ସ୍ମରଣ କରାଯାଇଥାଏ । ଦୁର୍ନୀତି ବିରୋଧରେ ସର୍ବଦା  ସ୍ବର ଉତ୍ତୋଳନ କରୁଥିବା ଶାସ୍ତ୍ରୀ ଜଣେ ନମ୍ର ସ୍ୱଭାବ, ସରଳତା, ସଚ୍ଚୋଟତା ଏବଂ ଦେଶକୁ ଭଲ ପାଉଥିବା ମଣିଷଟେ ଥିଲେ।  

ଯେତେବେଳେ ଲାଲ ବାହାଦୂର ଶାସ୍ତ୍ରୀ ପ୍ରଧାନମନ୍ତ୍ରୀ ଥିଲେ, ସେତେବେଳେ ସେ ନିଜ ପୁଅର ପଦୋନ୍ନତି ବନ୍ଦ କରିଦେଇଥିଲେ। ବାସ୍ତବରେ, ସେ ସୂଚନା ପାଇଲେ ଯେ ତାଙ୍କ ପୁଅ ତାଙ୍କ ଚାକିରିରେ ଅନ୍ୟାୟ ଭାବରେ ପଦୋନ୍ନତି ପାଇଛନ୍ତି। ଏହା ତାଙ୍କୁ କ୍ରୋଧିତ କରିଥିଲା। ତେଣୁ ଶାସ୍ତ୍ରୀ ତୁରନ୍ତ ପୁଅର ପଦୋନ୍ନତି ପ୍ରତ୍ୟାହାର କରିବାକୁ ନିର୍ଦ୍ଦେଶ ଦେଇଥିଲେ। କୁହାଯାଏ ଯେ ତାଙ୍କ ପୁଅକୁ ପଦୋନ୍ନତି ଦେଇଥିବା ଅଧିକାରୀଙ୍କ ଉପରେ ସେ ବହୁତ ରାଗିଥିଲେ।