ଆଇନଜୀବୀ ପିନ୍ଧିବେନି କଳା କୋଟ ଗାଉନ୍: ଗ୍ରୀଷ୍ମଋତୁରେ ଛାଡ୍ ପାଇଁ ସୁପ୍ରିମକୋର୍ଟରେ ପିଟିସନ ଦାଖଲ

ନୂଆଦିଲ୍ଲୀ: ଗ୍ରୀଷ୍ମଋତୁରେ ଆଇନଜୀବୀମାନେ କଳାକୋଟ ଏବଂ ଗାଉନ ନ ପିନ୍ଧିବା ଆବଶ୍ୟକ। ଏହି ପ୍ରଚଳିତ ନିୟମରୁ ଆଇନଜୀବୀମାନଙ୍କୁ ଆଶ୍ବସ୍ତି ଦେବା ଉଚିତ ବୋଲି ସୁପ୍ରିମକୋର୍ଟରେ ଏକ ପିଟିସନ ଦାଖଲ କରାଯାଇଛି। ଆଡଭୋକେଟ୍ ଆକ୍ଟ ୧୯୬୧ର ନିୟମରେ ପରିବର୍ତ୍ତନ ଆଣିବାକୁ ସୁପ୍ରିମକୋର୍ଟରେ ଏକ ଆବେଦନ କରାଯାଇଛି। ଆଇନଜୀବୀମାନଙ୍କର ଡ୍ରେସ୍ କୋଡ୍ ସମ୍ବନ୍ଧରେ ନିୟମ ଅଛି ଏବଂ ସେଥିପାଇଁ ସେମାନଙ୍କୁ କଳା କୋଟ ଏବଂ ଗାଉନ୍ ପିନ୍ଧିବାକୁ ପଡିଥାଏ।

ତେବେ ଗ୍ରୀଷ୍ମଋତୁରେ ଏହା ଅତ୍ୟନ୍ତ କଷ୍ଟଦାୟକ। ଏହାସହ ଏନେଇ ଏକ କମିଟି ଗଠନ କରାଯିବା ଉଚିତ ଏବଂ କମିଟିରେ ଡାକ୍ତରୀ ବିଶେଷଜ୍ଞ ରହିବା ଉଚିତ ତଥା ଗ୍ରୀଷ୍ମଋତୁରେ ଆଇନଜୀବୀମାନେ କିପରି ପୋଷାକ ପିନ୍ଧିବା ଉଚିତ ସେନେଇ ଏକ ପରୀକ୍ଷା କରାଯିବା ଉଚିତ ଯାହା ଦ୍ବ‌େରା ସେମାନଙ୍କର କାର୍ଯ୍ୟ ଏବଂ ସ୍ୱାସ୍ଥ୍ୟ ଉପରେ ପ୍ରତିକୂଳ ପ୍ରଭାବ ପଡ଼ିବ ନାହିଁ।

ଆଡଭୋକେଟ୍ ଶୈଳେନ୍ଦ୍ର ମଣି ତ୍ରିପାଠୀ ସୁପ୍ରିମକୋର୍ଟରେ କହିଛନ୍ତି ଯେ ପାରମ୍ପରିକ ପୋଷାକରୁ ଆଇନଜୀବୀଙ୍କୁ ଆଶ୍ବସ୍ତି ଦିଆଯିବା ଉଚିତ୍। ସୁପ୍ରିମକୋର୍ଟରେ ଦାଖଲ ହୋଇଥିବା ଆବେଦନରେ କୁହାଯାଇଛି ଦେଶର ବିଭିନ୍ନ ରାଜ୍ୟରେ ଅବସ୍ଥିତ ବାର୍ କାଉନସିଲକୁ ସେମାନଙ୍କ ରାଜ୍ୟରେ ଗ୍ରୀଷ୍ମ ପ୍ରବାହ କେବେ ହେଉଛି ସେନେଇ ଆବଶ୍ୟକ ସୂଚନା ପ୍ରଦାନ କରାଯିବା ଉଚିତ ଯାହା ଦ୍ବାରା ସେହି ମାସରେ କଳା କୋଟ ଏବଂ ଗାଉନ ପିନ୍ଧିବାରୁ ଆଇନଜୀବୀଙ୍କୁ ଛାଡ କରାଯାଇପାରିବ। ଆବେଦନକାରୀ କହିଛନ୍ତି କଳା ରଙ୍ଗ ଉତ୍ତାପକୁ ଶୋଷିଥାଏ ଏବଂ ଏହି ରଙ୍ଗର ପୋଷାକ ଯୋଗୁ ଆଇନଜୀବୀଙ୍କୁ ଅସୁବିଧାର ସମ୍ମୁଖୀନ ହେବାକୁ ପଡେ। ସେ କହିଛନ୍ତି ଏହା ନିରାପଦ କାର୍ଯ୍ୟ ପରିସ୍ଥିତିରେ କାମ କରିବାର ଅଧିକାରର ଉଲ୍ଲଂଘନ।

ବରିଷ୍ଠ ଆଇନଜୀବୀ କେକେ ମାନନ୍ ବ୍ୟାଖ୍ୟା କରିଛନ୍ତି ଯେ ଆଡଭୋକେଟ୍ ଆକ୍ଟ ୧୯୬୧ ମସିହାରେ ଭାରତରେ ପ୍ରଣୟନ କରାଯାଇଥିଲା। ଏହା ଅନୁଯାୟୀ ସୁପ୍ରିମକୋର୍ଟ, ହାଇକୋର୍ଟ ଏବଂ ନିମ୍ନ ଅଦାଲତ ତଥା ଟ୍ରିବ୍ୟୁନାଲରେ ଆଇନଜୀବୀମାନଙ୍କ ପାଇଁ ପୋଷାକ ସ୍ଥିର କରାଯିବ ବୋଲି ଏହି ନିଷ୍ପତ୍ତି ନିଆଯାଇଥିଲା। ଏହି ନିୟମ ଅନୁଯାୟୀ, ପୁରୁଷ ଆଇନଜୀବୀଙ୍କୁ କଳା ବଟନ୍, କଳା ଶେରୱାନି ଏବଂ ଧଳା ବ୍ୟାଣ୍ଡ ସହିତ କଳା କୋଟ ପିନ୍ଧିବାକୁ ପଡିବ। ଏହା ସହିତ କଳା କିମ୍ବା ଧଳା ପ୍ୟାଣ୍ଟ ତଥା ଧଳା ସାର୍ଟ ପିନ୍ଧିବା ବାଧ୍ୟତାମୂଳକ ହେବ। ସେହିଭଳି ମହିଳା ଆଇନଜୀବୀମାନଙ୍କୁ ଧଳା ଏବଂ କଳା ସାଢ଼ି, କଳା ପୂର୍ଣ୍ଣ କିମ୍ବା ଅଧା ସ୍ଲିଭ୍ ବ୍ଲାଉଜ୍, ଲମ୍ବା ଧଳା ଏବଂ କଳା ସ୍କର୍ଟ ପିନ୍ଧିବାକୁ ପଡିବ।

ସୂଚନାଯୋଗ୍ୟ, ଇଂଲଣ୍ଡରେ ଆଇନଜୀବୀମାନଙ୍କ ପାଇଁ ଏହି ଡ୍ରେସ୍ କୋଡ୍ ଆରମ୍ଭ ହୋଇଥିଲା ଏବଂ ସେଠାରେ ହିଁ ଆଇନଜୀବୀମାନଙ୍କର ଡ୍ରେସ୍ କୋଡ୍ ସ୍ଥିର ହୋଇଥିଲା ଯାହା ଭାରତରେ ମଧ୍ୟ ଗ୍ରହଣ କରାଯାଇଥିଲା। ୧୩୨୭ ମସିହାରେ ଏଡୱାର୍ଡ ତୃତୀୟଙ୍କ ଶାସନ କାଳରେ ଆଇନ ପେଶା ଆରମ୍ଭ ହୋଇଥିଲା ଏବଂ ସେତେବେଳେ ଏହା ସ୍ଥିର ହୋଇଥିଲା ଯେ ବିଚାରପତିମାନଙ୍କ ପୋଷାକ କ’ଣ ହେବା ଉଚିତ୍, ତା’ପରେ ରୟାଲ କୋର୍ଟରେ ବିଚାରପତିମାନଙ୍କ ପୋଷାକ ସ୍ଥିର ହୋଇଥିଲା। ୱିଗ୍ ଏବଂ ଗାଉନ୍ ପିନ୍ଧିବାର ପରମ୍ପରା ଇଂଲଣ୍ଡରେ ପ୍ରାୟ ୧୬୫୦ ମସିହାରୁ ଆରମ୍ଭ ହୋଇଥିଲା । ଏହା ପରେ ବ୍ରିଟିଶ ରାଜ ପରିବାର ୧୮୬୫ ମସିହାରେ କଳା କୋଟ ପିନ୍ଧିବାକୁ ଆଦେଶ ଦେଲେ ଏବଂ ପରେ ହୋଇଥିଲା ।