ଆପଣଙ୍କ ଛୁଆ ଖାଉଥିବା 'ଲେଜ'କୁ ନେଇ ଆସିଲା ବଡ଼ ଖବର: ମନମାନି କରିପାରିବନି ଏହି କମ୍ପାନୀ

ନୂଆଦିଲ୍ଲୀ: ପେପସିକୋର ଲୋକପ୍ରିୟ ଲେଜ ଚିପ୍ସ ତିଆରି ପାଇଁ ବ୍ୟବହୃତ ଏଫସି୫ କିସମ ଆଳୁ ଉପରେ ଭାରତ ପେଟେଣ୍ଟ ପ୍ରତ୍ୟାହାର କରିନେଇଛି | ଏହି ଆଳୁରେ ଆର୍ଦ୍ରତା କମ୍ ଥିବାରୁ ସେଗୁଡିକ ଚିପ୍ସ ତିଆରି ପାଇଁ ଭଲ ବିବେଚନା କରାଯାଏ | ଏଠାରେ ଉଲ୍ଲେଖଯୋଗ୍ୟ ଯେ ୨୦୧୯ ରେ ପେପସିକୋ ଗୁଜୁରାଟର କିଛି ଚାଷୀଙ୍କ ବିରୁଦ୍ଧରେ ମକଦ୍ଦମା ଦାୟର କରିଥିଲା | ​​କାରଣ ସେମାନେ ଏଫସି୫ ଆଳୁ ଚାଷ କରୁଥିଲେ। ପେପସିକୋ ପକ୍ଷରୁ କୁହାଯାଇଥିଲା ଯେ ଏହି ଆଳୁ କିସମ ଉପରେ ଏହାର ଅଧିକାର ଅଛି ଏବଂ ଅନ୍ୟ କୃଷକମାନେ ବିନା ଅନୁମତିରେ ଏହାକୁ ଚାଷ କରିପାରିବେ ନାହିଁ। ବର୍ତ୍ତମାନ ପ୍ରୋଟେକ୍ସନ୍ ଅଫ୍ ପ୍ଲାଣ୍ଟ ଭେରାଇଟି ଆଣ୍ଡ ଫାର୍ମର ରାଇଟ୍ସ ଅଥରିଟି (ପିପିଭିଏଫଆର) ଏହି ପେଟେଣ୍ଟକୁ ପ୍ରତ୍ୟାହାର କରି ନେଇଛି।

PHOTO:REUTERS

୨୦୧୯ ରେ ପେପସିକୋ ଗୁଜୁରାଟର କିଛି ଚାଷୀ ଏହି ଆଳୁ ଚାଷ କରିଥିବାରୁ ମକଦ୍ଦମା ଦାୟର କରିଥିଲା । ତେବେ କମ୍ପାନୀର ଏହି କାର୍ଯ୍ୟକୁ ତୀବ୍ର ବିରୋଧ କରାଯାଇଥିଲା, ଯାହା ପରେ ଆମେରିକୀୟ କମ୍ପାନୀ ଏହାର ମକଦ୍ଦମା ପ୍ରତ୍ୟାହାର କରିନେଇଥିଲା। ପରେ କୃଷକ ଅଧିକାର କର୍ମୀ କବିତା କୁରୁଗାନ୍ତି ପେପସିକୋ ବିରୋଧରେ ପିପିଭିଏଫଆର କର୍ତ୍ତୃପକ୍ଷଙ୍କ ନିକଟରେ ଆବେଦନ କରିଥିଲେ |

ଏଥିରେ ସେ କହିଥିଲେ କୌଣସି ବିହନ କିସମ ଉପରେ ସରକାର ପେଟେଣ୍ଟ ଦିଅନ୍ତି ନାହିଁ । ପିପିଭିଏଫଆର କର୍ତ୍ତୃପକ୍ଷ କୁରୁଗାନ୍ତିଙ୍କ ଯୁକ୍ତି ସହ ସହମତ ହୋଇଥିଲେ ଯେ ପେପସି ଏକ ବିହନ ଉପରେ ପେଟେଣ୍ଟ ଦାବି କରିପାରିବ ନାହିଁ | କର୍ତ୍ତୃପକ୍ଷ ଚେୟାରମ୍ୟାନ୍ ଭି ପ୍ରଭାସ କହିଛନ୍ତି ଯେ 'ରେଜିଷ୍ଟ୍ରେସନ୍ ସାର୍ଟିଫିକେଟ୍' ତୁରନ୍ତ ବାତିଲ ହୋଇଛି । ବର୍ତ୍ତମାନ ଯେକୌଣସି କୃଷକ ଏହି ପ୍ରକାରର ଆଳୁ ଚାଷ କରିପାରିବେ |