ଶ୍ରୀନଗରରେ ନିରାପତ୍ତା ବଳଙ୍କ ହାତରେ ଧରା ପଡ଼ିଲା ଲଶ୍କର-ଏ-ତୈବା ଆତଙ୍କବାଦୀ ନିସାର୍‌ ଦର୍‌

ନୂଆଦିଲ୍ଲୀ: ବିଳମ୍ବିତ ଶୁକ୍ରବାରେ ନିରାପତ୍ତା ବଳ ଶ୍ରୀନଗରରୁ ଲସ୍କର୍‌-ଏ-ତୈବାର ଆତଙ୍କବାଦୀ ନିସାର୍‌ ଅହମଦ୍‌ ଦର୍‌ଙ୍କୁ ଗିରଫ କରିଛି। ସେ ଆତ୍ମଗୋପନ କରିଥିବା ସ୍ଥାନ ବିଷୟରେ ପୂର୍ବରୁ ନିରାପତ୍ତା ବଳ ସୂଚନା ପାଇଥିଲା।

ଜଣେ ପୁଲିସ କର୍ମଚାରୀ କହିଛନ୍ତି ଶ୍ରୀ ମହାରାଜ ହରି ସିଂହ ହସ୍‌ପିଟାଲ୍‌ରୁ ଜମ୍ମୁ ଓ କଶ୍ମୀର ପୁଲିସର ସ୍ପେସାଲ୍‌ ଅପରେସନ୍‌ସ୍‌ ଗ୍ରୁପ୍‌ ତାଙ୍କୁ ଗିରଫ କରିଛି।

୨୦୧୯ ମସିହା ନଭେମ୍ବର ମାସରେ କୁଲ୍ଲନ ଗନ୍ଦେରବଲ୍‌ ଏନ୍‌କାଉଣ୍ଟର୍‌ରୁ ବର୍ତ୍ତିଯାଇଥିବା ଦର୍‌ ନିରାପତ୍ତା ବଳଙ୍କ ଉପରେ ଆଉ ଏକ ଆକ୍ରମଣ କରିବାକୁ ମସୁଧା କରୁଥିଲା।

Image Source: Dailyhunt

ସ୍ଥାନୀୟ ପୁଲିସ ସହାୟତାରେ ଶୁକ୍ରବାର ଦିନ ନିରାପତ୍ତା ବଳ ଅଭିଯାନ ଚଳାଇ ଶ୍ରୀନଗରରୁ ଆତଙ୍କବାଦୀ ଦର୍‌କୁ ଧରିଥିଲେ। ତାଙ୍କୁ ଗିରଫ କରିବା ସହ ନିରାପତ୍ତା ବଳ ବିପୁଳ ପରିମାଣର ଅସ୍ତ୍ରଶସ୍ତ୍ର ମଧ୍ୟ ଜବତ କରିଛି।

ପ୍ରାପ୍ତ ସୂଚନା ଅନୁସାରେ, ୨୩ ବର୍ଷିୟ ନିସାର୍‌ ଅହମଦ୍‌ ଦର୍‌ ଆତଙ୍କବାଦୀ ତାଲିକାଭୁକ୍ତ ହୋଇଥିଲେ ଏବଂ ତାଙ୍କ ନାମରେ ୮ଟି ଏଫ୍‌ଆଇର୍‌ ଦରଜ ହୋଇଥିଲା। ପୂର୍ବରୁ ପବ୍ଲିକ୍‌ ସେଫ୍‌ଟି ଆକ୍‌ଟ୍‌ରେ ସେ ଦୁଇ ଥର ଅଟକ ଥିଲେ।