ଯିଏ ବଙ୍ଗଳା କହିଲା ସେ କ’ଣ ବାଂଲାଦେଶୀ ?

ନୂଆଦିଲ୍ଲୀ : ପଶ୍ଚିମବଙ୍ଗ ମୁଖ୍ୟମନ୍ତ୍ରୀ ମମତା ବାନାର୍ଜୀ ଗୁରୁବାର ବିଜେପି ଉପରେ କଡ଼ା ଆକ୍ରମଣ କରିଛନ୍ତି । ସେ ବିଜେପି ଉପରେ ଦିଲ୍ଲୀର ଜୟହିନ୍ଦ କଲୋନୀରେ ବଙ୍ଗାଳୀ ପ୍ରବାସୀ ଶ୍ରମିକଙ୍କୁ ଟାର୍ଗେଟ କରିବା ଏବଂ ଏହାର ବଙ୍ଗାଳୀ ବିରୋଧୀ ଏଜେଣ୍ଡା ପ୍ରସାର କରିବା ଅଭିଯୋଗ କରିଛନ୍ତି।  ସେ କହିଛନ୍ତି ଯେ ଯିଏ ବଙ୍ଗଳା କହିଲା ସେ କଣ ବାଂଲାଦେଶୀ ?

ସୋସିଆଲ ମିଡିଆ ପ୍ଲାଟଫର୍ମ ଫେସବୁକରେ ଏକ ପୋଷ୍ଟ କରି ମମତା ବାନାର୍ଜୀ କହିଛନ୍ତି ଯେ ଜାତୀୟ ରାଜଧାନୀର ବସନ୍ତ କୁଞ୍ଜ ଅଞ୍ଚଳରେ ବଙ୍ଗାଳୀ ବାସିନ୍ଦାଙ୍କୁ ନିର୍ଯାତନା ଏବଂ ବଳପୂର୍ବକ ବିତାଡ଼ିତ କରାଯିବା ଖବରରେ ସେ ଗଭୀର ଭାବରେ ମର୍ମାହତ।

ମମତା ଅଭିଯୋଗ କରିଛନ୍ତି ଯେ ଦିଲ୍ଲୀର ବିଜେପି ପ୍ରଶାସନ ବଙ୍ଗାଳୀ ବାସିନ୍ଦାଙ୍କୁ ବିସ୍ଥାପିତ କରିବାକୁ ଚେଷ୍ଟା କରି ସେମାନଙ୍କୁ ପାଣି ଏବଂ ବିଦ୍ୟୁତ୍ ଭଳି ମୌଳିକ ସୁବିଧାରୁ ବଞ୍ଚିତ କରିଛି। ସେ କହିଛନ୍ତି, "ନୂଆଦିଲ୍ଲୀର ବସନ୍ତ କୁଞ୍ଜରେ ଥିବା ଜୟ ହିନ୍ଦ କଲୋନିରୁ ନିର୍ଯାତନାର ଖବର ଶୁଣି ମୁଁ ଗଭୀର ଭାବରେ ବିଚଳିତ। ଏହି କଲୋନିରେ ମୁଖ୍ୟତଃ ବଙ୍ଗାଳୀ ଲୋକମାନେ ବାସ କରନ୍ତି ଯେଉଁମାନେ ସହରର ଅସଂଗଠିତ କର୍ମଶକ୍ତିର ଅଂଶ ଭାବରେ ଗଢ଼ି ଉଠିଛନ୍ତି।"