/sambad/media/agency_attachments/2024-07-24t043029592z-sambad-original.webp)
Follow Us/sambad/media/post_attachments/wp-content/uploads/2021/06/t-43.jpg)
The Economic Times
ଭୋପାଳ: ବିମାନ ହାଇଜାକ କରିବାକୁ ଧମକ ଦେଇ ଗିରଫ ହେଲେ ଯୁବକ | ବିମାନବନ୍ଦରକୁ କଲ କରି ବିମାନ ହାଇଜାକ କରିବାର ଧମକ ଦେବା ସହ ବିମାନକୁ ପାକିସ୍ତାନ ନେଇଯିବି ବୋଲି କହିଥିଲେ | କଲ ପାଇବା ପରେ ପୁଲିସ କଲକୁ ଟ୍ରେସ କରି ଏବେ ଅଭିଯୁକ୍ତକୁ ଗିରଫ କରିବାରେ ସଫଳ ହୋଇଛି |
ସୂଚନା ମୁତାବକ, ଭୋପାଳରେ ଥିବା ରାଜ ଭୋଜ ବିମାନବନ୍ଦରର ଅଧିକାରୀମାନଙ୍କ ପାଖକୁ ମଙ୍ଗଳବାର ସନ୍ଧ୍ୟା ପ୍ରାୟ ୫ ଟା ସମୟରେ ଏକ ଫୋନ୍ କଲ୍ ଆସିଥିଲା | କଲ କରି ଅଭିଯୁକ୍ତ ଭୋପାଳ ଏବଂ ଇନ୍ଦୋର ବିମାନବନ୍ଦରରୁ ବିମାନ ହାଇଜାକ କରି ପାକିସ୍ତାନ ନେଇଯିବ ବୋଲି କହିଥିଲା | ଏହି ଧମକ ପାଇ ବିମାନବନ୍ଦର ପକ୍ଷରୁ ଭୋପାଳର ଗାନ୍ଧିନଗର ପୁଲିସ ଷ୍ଟେସନ ଦାୟିତ୍ୱରେ ଥିବା ଅରୁଣ ଶର୍ମାଙ୍କୁ ଏନେଇ ଅଭିଯୋଗ କରାଯାଇଥିଲା |
/sambad/media/post_attachments/886bc42b307eaf7cb04d2069d4f58290c8a7a6dd6b41be3a1cd7743d30e2bace.jpg)
Free Press Journalଅଭିଯୋଗ ପାଇବା ପରେ ତଦନ୍ତ କରି ମଙ୍ଗଳବାର ରାତିରେ ପୁଲିସ ଅଭିଯୁକ୍ତକୁ ସୁଜାଲପୁର ସହରରୁ ଗିରଫ କରିଥିଲା | ଏବେ ଅଭିଯୁକ୍ତକୁ ପଚରାଉଚରା କରାଯାଉଥିବା ବେଳେ ଭୋପାଳ ଏବଂ ଇନ୍ଦୋର ବିମାନବନ୍ଦରରେ ସୁରକ୍ଷା ବ୍ୟବସ୍ଥା କଡାକଡି କରାଯାଇଛି |