ପାକିସ୍ତାନ ଉପରେ କାର୍ଯ୍ୟାନୁଷ୍ଠାନ ନ ନେବାକୁ ମନମୋହନଙ୍କ ଦୁର୍ବଳତା ଦର୍ଶାଇଲେ ମନୀଷ

ନୂଆଦିଲ୍ଲୀ:ପୂର୍ବତନ ପ୍ରଧାନମନ୍ତ୍ରୀ ମନମୋହନ ସିଂହଙ୍କୁ ନେଇ ପ୍ରଶ୍ନ ଉଠାଇଛନ୍ତି କଂଗ୍ରେସ ନେତା ମନୀଷ ତିୱାରୀ | ୨୦୦୮ ମୁମ୍ବାଇରେ ଆତଙ୍କବାଦୀ ଆକ୍ରମଣ ପରେ ପାକିସ୍ତାନ ଉପରେ କାର୍ଯ୍ୟାନୁଷ୍ଠାନ ନ ନେଇଥିବାରୁ କଂଗ୍ରେସର ବରିଷ୍ଠ ନେତା ତଥା ପୂର୍ବତନ କେନ୍ଦ୍ର ମନ୍ତ୍ରୀ ମନୀଷ ତିୱାରୀ ମନମୋହନ ସିଂହଙ୍କୁ କଡା ଟାର୍ଗେଟ କରିଛନ୍ତି।

ମନୀଷ ତିୱାରୀ ତାଙ୍କ ପୁସ୍ତକରେ ପୂର୍ବ କଂଗ୍ରେସ ସରକାରଙ୍କୁ ପ୍ରଶ୍ନ କରି କହିଛନ୍ତି ଯେ ମୁମ୍ବାଇ ଆକ୍ରମଣ ପରେ ପାକିସ୍ତାନ ବିରୋଧରେ ଦୃଢ କାର୍ଯ୍ୟାନୁଷ୍ଠାନ ଗ୍ରହଣ ନକରି ଆପଣ(ମନମୋହନ) ନିଜର ଦୁର୍ବଳତା ଦେଖାଇଛନ୍ତି। ସେ ଲେଖିଛନ୍ତି ଯେ ମନମୋହନ ସିଂ ସରକାର ପାକିସ୍ତାନ ବିରୋଧରେ କଠୋର କାର୍ଯ୍ୟାନୁଷ୍ଠାନ ଗ୍ରହଣ କରିବାର ଥିଲା । ସେ ଲେଖିଛନ୍ତି ଯେ ଏପରି ଏକ ସମୟ ଆସେ ଯେତେବେଳେ କାର୍ଯ୍ୟ ଶବ୍ଦଠାରୁ ଅଧିକ କହିଥାଏ | ୨୬/୧୧ ସମୟ ଥିଲା ଯେତେବେଳେ କଠୋର କାର୍ଯ୍ୟାନୁଷ୍ଠାନ ଗ୍ରହଣ କରାଯିବା ଉଚିତ୍ ଥିଲା |

କେବଳ ଏତିକି ନୁହେଁ, ମନୀଷ ତିୱାରୀ ତାଙ୍କ ପୁସ୍ତକରେ ମୁମ୍ବାଇ ଆକ୍ରମଣକୁ ଆମେରିକାର ୯/୧୧ ସହିତ ତୁଳନା କରିଛନ୍ତି ଏବଂ କହିଛନ୍ତି ଯେ ଭାରତ ସେତେବେଳେ ଆମେରିକା ଭଳି ପ୍ରତିଶୋଧ ନେବା ଉଚିତ ଥିଲା । ପୁସ୍ତକ ବିଷୟରେ ମନୀଷ ତେୱାରୀ କହିଛନ୍ତି ଯେ ମୋର ଚତୁର୍ଥ ପୁସ୍ତକ ଶୀଘ୍ର ବଜାରକୁ ଆସିବ । ସେ କହିଛନ୍ତି ଯେ ଗତ ୨୦ବର୍ଷ ମଧ୍ୟରେ ଭାରତ ସାମ୍ନା କରିଥିବା ପ୍ରମୁଖ ଜାତୀୟ ସୁରକ୍ଷା ଆହ୍ୱାନକୁ ଏହି ପୁସ୍ତକରେ ବର୍ଣ୍ଣନା କରାଯାଇଛି। ପୂର୍ବରୁ ତିୱାରୀ କଂଗ୍ରେସ ନେତୃତ୍ୱ ଉପରେ ପ୍ରଶ୍ନ ଉଠାଇ ସାରିଛନ୍ତି। ପଞ୍ଜାବର ରାଜନୈତିକ ଅସ୍ଥିରତା ଉପରେ ମଧ୍ୟ ସେ ପ୍ରଶ୍ନ ଉଠାଇଥିଲେ |