ଦେହଜୀବୀଙ୍କ ପାଇଁ ମାତୃତ୍ୱ ଛୁଟି,ପେନସନ୍ ଏବଂ ସ୍ବାସ୍ଥ୍ୟବୀମା: ବେଲଜିୟମରେ ଆଇନ

ବ୍ରସେଲ୍ସ: ବିଶ୍ବର ବିଭିନ୍ନ ଦେଶରେ ମହିଳାମାନଙ୍କୁ ସଶକ୍ତ କରିବା ପାଇଁ ଅନେକ ସୁବିଧା ସୁଯୋଗ ଯୋଗାଇ ଦିଆଯାଉଛି। କର୍ମଜୀବୀ ମହିଳାମାନଙ୍କ ପାଇଁ ୬ମାସର ମାତୃତ୍ୱ ଛୁଟିର ଏକ ନିୟମ କରାଯାଇଛି। ତେବେ ବେଲଜିୟମରେ ଦେହଜୀବୀଙ୍କ ପାଇଁ ମଧ୍ୟ ସମାନ ନିୟମ ଲାଗୁ କରାଯାଇଛି। ବେଲଜିୟମ ସରକାରଙ୍କ ନୂଆ ନିୟମ ଅନୁସାରେ ଏଣିକି ଦେଶର ଦେହଜୀବୀମାନେ ସ୍ୱାସ୍ଥ୍ୟ ବୀମା, ପେନସନ୍ ଏବଂ ମାତୃତ୍ୱ ଛୁଟି ପାଇବେ।

ବେଲଜିୟମ ସରକାର ଦେହଜୀବୀମାନଙ୍କ ପାଇଁ ରୋଜଗାର ଚୁକ୍ତିନାମା ଉପରେ ଏକ ଶ୍ରମ ଆଇନ ଅନୁମୋଦନ କରିଛନ୍ତି। ଏହା ସହିତ ଏଭଳି ଆଇନ ପ୍ରଣୟନ କରି ବେଲଜିୟମ ବିଶ୍ୱର ପ୍ରଥମ ଦେଶ ହୋଇପାରିଛି। ଦି ଟେଲିଗ୍ରାଫର ଏକ ରିପୋର୍ଟ ଅନୁଯାୟୀ, ଗତ ସପ୍ତାହରେ ଶୁକ୍ରବାର ଦନ ବେଲଜିୟମ ସଂସଦ ଏହି ଆଇନକୁ ଅନୁମୋଦନ କରିଥିଲା। ଏହାର ସପକ୍ଷରେ ୯୩ଟି ଭୋଟ୍ ପଡ଼ିଥିବାବେଳେ ୩୩ ଜଣ ସାଂସଦ ଭୋଟ୍ ଦେଇ ନ ଥିଲେ। ଅପର ପକ୍ଷରେ ଏହାର ବିରୋଧରେ କେହି ଭୋଟ୍ ଦେଇ ନ ଥିଲେ।

ବେଲଜିୟମର ନୂତନ ନିୟମ ଅନୁଯାୟୀ, ଦେହଜୀବୀମାନେ ମଧ୍ୟ ଏଣିକି ଚୁକ୍ତିନାମା ଅନୁଯାୟୀ କାର୍ଯ୍ୟ କରିବେ। ଯେଉଁଥିରେ ସ୍ୱାସ୍ଥ୍ୟ ବୀମା, ପେନସନ୍, ଅସୁସ୍ଥ ଛୁଟି ଏବଂ ମାତୃତ୍ୱ ଛୁଟି ଭଳି ସୁବିଧା ଅନ୍ତର୍ଭୁକ୍ତ ହେବ। ଏହାର ଅର୍ଥ ଦେହଜୀବୀଙ୍କ କାର୍ଯ୍ୟ ଏକ ଚାକିରି ଭାବରେ ସ୍ୱୀକୃତ ହେବ।  ୨୦୨୨ ମସିହାରେ ବେଲଜିୟମ ଦେହଜୀବୀଙ୍କ କାର୍ଯ୍ୟକୁ ଅପରାଧ ବର୍ଗରୁ ବାଦ ଦେଇଥିଲା। ବେଲଜିୟମ ବ୍ୟତୀତ ପେରୁ ଏବଂ ତୁର୍କୀରେ ମଧ୍ୟ ଦେହଜୀବୀଙ୍କ କାର୍ଯ୍ୟକୁ ଆଇନଗତ ବୋଲି ଘୋଷିତ କରାଯାଇଛି।

୨୦୨୨ ମସିହାରେ ବେଲଜିୟମ ୟୁରୋପରେ ପ୍ରଥମ ଦେଶ ଭାବରେ ଦେହଜୀବୀଙ୍କ କାର୍ଯ୍ୟକୁ ଅପରାଧ ବର୍ଗରୁ ବାହାର କରିଥିଲା।

ଟେଲିଗ୍ରାଫ୍ ରିପୋର୍ଟ ଅନୁଯାୟୀ, ଆଇନ ଅନୁଯାୟୀ ଦେହଜୀବୀ ଏବଂ ସେମାନଙ୍କ ନିଯୁକ୍ତିଦାତାଙ୍କ ମଧ୍ୟରେ କିଛି ସର୍ତ୍ତ ରହିବ। ଯେପରିକି ଗ୍ରାହକ କିମ୍ବା ଯୌନ କାର୍ଯ୍ୟକଳାପକୁ ପ୍ରତ୍ୟାଖ୍ୟାନ କରିବାର ଅଧିକାର ଏବଂ ଯେକୌଣସି ସମୟରେ ବହିଷ୍କାର କିମ୍ବା ଦଣ୍ଡର ବିନା ଏଭଳି କାର୍ଯ୍ୟକଳାପ ବନ୍ଦ କରିବାର ଅଧିକାର ।

ଏହି ରିପୋର୍ଟରେ କୁହାଯାଇଛି ଯେ ଆଇନ ଅନୁଯାୟୀ, ଦେହଜୀବୀମାନେ ମଧ୍ୟ ନିଜ ଇଚ୍ଛା ଅନୁଯାୟୀ ଯୌନ ସମ୍ପର୍କ ରଖିବାର ଅଧିକାର ପାଇବେ। କୌଣସି ବିଜ୍ଞପ୍ତି ବିନା ଯେକୌଣସି ସମୟରେ ସେମାନଙ୍କ ଚୁକ୍ତିନାମା ମଧ୍ୟ ବନ୍ଦ କରିପାରିବେ। ଏହାଦ୍ୱାରା ସେମାନେ ବେକାରୀ ସୁବିଧା ପାଇବା ଅଧିକାର ହରାଇବେ ନାହିଁ। ଏଥିସହ, ଦେହଜୀବୀମାନଙ୍କ ଗୁପ୍ତତଥ୍ୟ ଆଇନ ଅନୁଯାୟୀ ସୁରକ୍ଷିତ ରହିବ। ଦେହଜୀବୀମାନେ ଭେଦଭାବ ଭୟରେ ଅନ୍ୟ ଚାକିରି ପାଇଁ ମଧ୍ୟ ଆବେଦନ କରିପାରିବେ।

ନିୟମ ଅନୁଯାୟୀ, ଯଦି ଜଣେ ଦେହଜୀବୀ ଜଣେ ଛଅ ମାସ ମଧ୍ୟରେ ଦଶଥରରୁ ଅଧିକ ଗ୍ରାହକଙ୍କୁ ମନା କରନ୍ତି, ତେବେ ପିମ୍ପ ବା ଦେହଜୀବୀମାନଙ୍କ ପାଇଁ ଗ୍ରାହକ ଆଣୁଥିବା ବ୍ୟକ୍ତି ସରକାରୀ ହସ୍ତକ୍ଷେପ ଲୋଡିପାରନ୍ତି, କିନ୍ତୁ ସମ୍ପୃକ୍ତ ଦେହଜୀବୀଙ୍କୁ ଚାକିରିରୁ ବାହାର କରି ପାରିବେ ନାହିଁ।

 ରିପୋର୍ଟରେ ଉଲ୍ଲେଖ କରାଯାଉଛି କୋଠରୀରେ ଦଲାଲମାନେ ଦେହଜୀବୀଙ୍କ ପାଇଁ ଆଲାର୍ମ ବଟନ୍ ଯୋଗାଇବା ଉଚିତ୍। ସେମାନେ ଏହା ମଧ୍ୟ ସୁନିଶ୍ଚିତ କରିବା ଉଚିତ୍ ଯେ ଦେହଜୀବୀମାନଙ୍କ ସୁରକ୍ଷା ପାଇଁ କେଉଁ ବ୍ୟକ୍ତି ଉତ୍ତରଦାୟୀ ହେବେ।  କିନ୍ତୁ ଏହି ନିୟମ, ପୋନଗ୍ରାଫ୍ ଅଭିନେତା, ଷ୍ଟ୍ରିପର୍ କିମ୍ବା ୱେବକ୍ୟାମ୍ କଳାକାରଙ୍କ ପ୍ରଯୁଜ୍ୟ ହେବ ନାହିଁ।

ଅଧିକ ପଢ଼ନ୍ତୁ: ସାବତ ଝିଅ ସହିତ ଦୁଷ୍କର୍ମ କରିଥିବା ପିତାଙ୍କୁ ୧୪୧ ବର୍ଷ ଜେଲ୍ ଦଣ୍ଡାଦେଶ

ବେଲଜିୟମର ଅନେକ ଦେହଜୀବୀ ସଂଗଠନ ଏହି ଶ୍ରମ ଆଇନକୁ ସ୍ୱାଗତ କରିଛନ୍ତି। ୟୁନିଅନର ଅନ୍ୟତମ ମୁଖପାତ୍ର ୟୁଟିଏସଓପିଆଇ ବ୍ରସେଲ୍ସ ଟାଇମ୍ସ ସହ କଥାବାର୍ତ୍ତା କରି ଏହି ଆଇନକୁ ଅତ୍ୟନ୍ତ ଗୁରୁତ୍ୱପୂର୍ଣ୍ଣ ବୋଲି ବର୍ଣ୍ଣନା କରି କହିଛନ୍ତି ଯେ ବେଲଜିୟମ ଏହା ଦର୍ଶାଉଛି ଯେ ଦେହଜୀବୀଙ୍କୁ ସୁରକ୍ଷା ଦେବାର ଲକ୍ଷ୍ୟ ସରକାର ରଖିଛନ୍ତି। ସେ ଆହୁରି ମଧ୍ୟ ଆଶା ପ୍ରକଟ କରିଛନ୍ତି ଯେ ଏହି ନିୟମର କାର୍ଯ୍ୟକାରିତା ୟୁରୋପରେ ଗ୍ରାହକଙ୍କ ଅପରାଧ କରିବାର ସାମ୍ପ୍ରତିକ ଧାରାକୁ ବଦଳାଇପାରେ।

ଅଧିକ ପଢ଼ନ୍ତୁ: ୱାୟନାଡ ଭୂସ୍ଖଳନ ପୀଡିତଙ୍କ ପ୍ରତି ଭେଦଭାବ କରିଛନ୍ତି ମୋଦୀ: ରାହୁଲଙ୍କ ଅଭିଯୋଗ