ପାକିସ୍ତାନକୁ ବିରୋଧ ଓ ଭାରତକୁ କାହିଁକି ସମର୍ଥନ କରୁଛି ତାଲିବାନ ?

ନୂଆଦିଲ୍ଲୀ : ବୈଦେଶିକ ମନ୍ତ୍ରୀ ଏସ ଜୟଶଙ୍କର ଆଫଗାନିସ୍ତାନର କାର୍ଯ୍ୟକାରୀ ବୈଦେଶିକ ମନ୍ତ୍ରୀ ମୱଲାୱି ଆମିର ଖାନ ମୁତାକିଙ୍କ ସହ ଟେଲିଫୋନରେ କଥାବାର୍ତ୍ତା କରିଛନ୍ତି ଏବଂ ଭାରତ ଏବଂ ଆଫଗାନିସ୍ତାନ ମଧ୍ୟରେ ସହଯୋଗକୁ ମଜବୁତ କରିବା ପାଇଁ ଆଲୋଚନା କରିଛନ୍ତି। ଜୟଶଙ୍କର ପହଲଗାମରେ ଆତଙ୍କବାଦୀ ଆକ୍ରମଣର ମୁତାକିଙ୍କ କଡ଼ା ନିନ୍ଦାକୁ ମଧ୍ୟ ପ୍ରଶଂସା କରିଥିଲେ। 

ମିଥ୍ୟା ଏବଂ ଭିତ୍ତିହୀନ ରିପୋର୍ଟ ମାଧ୍ୟମରେ ଭାରତ ଏବଂ ଆଫଗାନିସ୍ତାନ ମଧ୍ୟରେ ଅବିଶ୍ୱାସ ସୃଷ୍ଟି କରିବାର ସାମ୍ପ୍ରତିକ ପ୍ରୟାସକୁ ଆଫଗାନ ମନ୍ତ୍ରୀଙ୍କ ଦୃଢ଼ ପ୍ରତ୍ୟାଖ୍ୟାନକୁ ମଧ୍ୟ ସେମାନେ ସ୍ୱାଗତ କରିଛନ୍ତି। ଟ୍ୱିଟରରେ ଏକ ପୋଷ୍ଟ ସେୟାର କରି ଜୟଶଙ୍କର ଲେଖିଛନ୍ତି ଯେ ଆଜି ସନ୍ଧ୍ୟାରେ ତାଙ୍କର ଆଫଗାନିସ୍ତାନର କାର୍ଯ୍ୟକାରୀ ବୈଦେଶିକ ମନ୍ତ୍ରୀ ମୱଲାୱି ଆମିର ଖାନ ମୁତାକିଙ୍କ ସହ ଭଲ ଆଲୋଚନା ହୋଇଛି। ପହଲଗାମ ଆତଙ୍କବାଦୀ ଆକ୍ରମଣର ସେ ନିନ୍ଦା କରିଥିବାରୁ ମୁଁ ହୃଦୟର ସହିତ ପ୍ରଶଂସା କରୁଛି। 

ତାଲିବାନ ଓ ପାକିସ୍ତାନ ମଧ୍ୟରେ ଡ୍ୟୁରାଣ୍ଡ ଲାଇନକୁ ନେଇ ସୀମା ବିବାଦ ରହିଛି । ସେହିପରି ତେହେରିକ-ଏ-ତାଲିବାନ ପାକିସ୍ତାନକୁ ବି ଆଫଗାନ ତାଲିବାନ ସମର୍ଥନ କରୁଥିବା ପାକିସ୍ତାନ କହୁଛି । ଏଣୁ ଏହାକୁ ନେଇ ପାକିସ୍ତାନ ଓ ଆଫଗାନିସ୍ତାନ ମଧ୍ୟରେ ବଡ଼ ବିବାଦ ରହିଛି ।

ତେବେ ଏଠାରେ ପ୍ରଶ୍ନ ଉଠେ ଯେ ଦିନେ ପାକିସ୍ତାନର ବନ୍ଧୁ ଥିବା ତାଲିବାନ ଏବେ ଭାରତ ଆଡ଼କୁ ଢଳୁଛି କାହିଁକି ? ଏହାର କାରଣ ହେଉଛି ତାଲିବାନ ଓ ପାକିସ୍ତାନ ମଧ୍ୟରେ ଡ୍ୟୁରାଣ୍ଡ ଲାଇନକୁ ନେଇ ସୀମା ବିବାଦ ରହିଛି । ସେହିପରି ତେହେରିକ-ଏ-ତାଲିବାନ ପାକିସ୍ତାନକୁ ବି ଆଫଗାନ ତାଲିବାନ ସମର୍ଥନ କରୁଥିବା ପାକିସ୍ତାନ କହୁଛି । ଏଣୁ ଏହାକୁ ନେଇ ପାକିସ୍ତାନ ଓ ଆଫଗାନିସ୍ତାନ ମଧ୍ୟରେ ବଡ଼ ବିବାଦ ରହିଛି । ଅନ୍ୟପକ୍ଷରେ ଆର୍ଥିକ ସଂକଟରେ ପଡ଼ିଥିବା ଆଫଗାନିସ୍ତାନକୁ ଭାରତ ଅନେକ ସହାୟତା ଯୋଗାଇଦେଇଛି ଓ ସେଠାରେ ଅନେକ ବିକାଶମୂଳକ କାମ କରିଛି ।