ଲକଡାଉନ୍ ବେଳେ ଘରେ ରହିବାକୁ ଲୋକଙ୍କୁ ଲୁଡୁ ବାଣ୍ଟିଲେ ମନ୍ତ୍ରୀ

କୋଲକାତା: ମହାମାରୀ କରୋନା ଭୂତାଣୁ (କୋଭିଡ -୧୯) ପାଇଁ ଜାରି କରାଯାଇଥିବା ଲକଡାଉନ୍ ପାଇଁ ଲୋକଙ୍କୁ ଏବେ ନିଜ ଘରେ ରହିବାକୁ ପଡୁଛି | ପ୍ରଥମ ଥର ପାଇଁ ଲୋକମାନେ ଏହିପରି ଜୀବନଯାପନ କରିବାକୁ ବାଧ୍ୟ ହୋଇଛନ୍ତି। ସମସ୍ତେ ନିଜ ନିଜ ଘରେ ଘରେ ସମୟ ବିତାଉଛନ୍ତି | ଏହାକୁ ଦୃଷ୍ଟିରେ ରଖି ପଶ୍ଚିମବଙ୍ଗର ଜଣେ ମନ୍ତ୍ରୀ ଲୋକଙ୍କୁ ବୋରିଂ ନ ହେବା ପାଇଁ ଲୁଡୁ ବଣ୍ଟନ କରିଛନ୍ତି |

Photo-ANi

ପଶ୍ଚିମବଙ୍ଗର ମହିଳା ଓ ଶିଶୁବିକାଶ ମନ୍ତ୍ରୀ ଡକ୍ଟର ଶଶି ପଞ୍ଜା ନିଜ ନିର୍ବାଚନମଣ୍ଡଳୀ ଶ୍ୟାମ୍ପୁକୁରରେ ଲୋକଙ୍କ ମଧ୍ୟରେ ଖାଦ୍ୟ ଏବଂ ଖେଳ ପାଇଁ ଲୁଡୁ ବୋର୍ଡ ବଣ୍ଟନ କରିଛନ୍ତି। ଏହି ଅବସରରେ ସେ କହିଛନ୍ତି, "ଲୋକମାନେ ଦୀର୍ଘ ସମୟ ଧରି ଘରେ ରହିବା ଅତ୍ୟନ୍ତ କଷ୍ଟସାଧ୍ୟ। ଲୁଡୁ ଖେଳିବା ଦ୍ୱାରା ସେମାନେ ନିଜ ମନକୁ ଘରେ ରଖିବେ ଏବଂ ମୋବାଇଲ୍ ନିଶା ଠାରୁ ମଧ୍ୟ ମୁକ୍ତି ପାଇବେ |"

ଏଠାରେ ସୂଚନା ଥାଉ କି କରୋନା ଭୂତାଣୁକୁ ମୁକାବିଲା କରିବା ପାଇଁ ଓ ସାମାଜିକ ଦୂରତ୍ୱ ବଜାୟ ରଖିବା ପାଇଁ ପ୍ରଧାନମନ୍ତ୍ରୀ ନରେନ୍ଦ୍ର ମୋଦୀ ମଙ୍ଗଳବାର (ମାର୍ଚ୍ଚ ୨୪) ମଧ୍ୟରାତ୍ରିରୁ ଆସନ୍ତା ୨୧ ଦିନ ପର୍ଯ୍ୟନ୍ତ ସମଗ୍ର ଦେଶରେ ସମ୍ପୂର୍ଣ୍ଣ ତାଲା ପକାଇବାକୁ ଘୋଷଣା କରିଥିଲେ |