ରାଖୀ ବାନ୍ଧି ‌ଢୋଲ ବଜାଇଲେ ମୋଦୀ

ସିଙ୍ଗାପୁର ସିଟି: ବ୍ରୁନେଇ ପରେ ପ୍ରଧାନମନ୍ତ୍ରୀ ନରେନ୍ଦ୍ର ମୋଦୀ ସିଙ୍ଗାପୁରରେ ପହଞ୍ଚିଛନ୍ତି। ୬ ବର୍ଷ ପରେ ସେ ସିଙ୍ଗାପୁର ଗସ୍ତ କରିଛନ୍ତି। ଯେଉଁଠାରେ ସରକାର ନିକଟରେ ପରିବର୍ତ୍ତନ ହୋଇଛନ୍ତି। ଲରେନ୍ସ ୱଙ୍ଗ ପ୍ରଧାନମନ୍ତ୍ରୀ ଭାବରେ ଦାୟିତ୍ବ ଗ୍ରହଣ କରିଛନ୍ତି।

ଭାରତର ଆକ୍ଟ ଇଷ୍ଟ ନୀତି ପାଇଁ ପିଏମ ମୋଦୀଙ୍କ ସିଙ୍ଗାପୁର ଗସ୍ତ ଗୁରୁତ୍ୱପୂର୍ଣ୍ଣ ବୋଲି କୁହାଯାଉଛି। ଏହାପୂର୍ବରୁ ସେ ବ୍ରୁନେଇର ପ୍ରଧାନମନ୍ତ୍ରୀ ତଥା ସୁଲତାନ ହାଜି ହାସନଲ ବୋଲକିଆଙ୍କୁ ଭେଟିଥିଲେ।

ପ୍ରଧାନମନ୍ତ୍ରୀ ମୋଦୀ ସିଙ୍ଗାପୁରରେ ଥିବା ହୋଟେଲରେ ପହଞ୍ଚିବା ମାତ୍ରେ। ସେଠାରେ ଉପସ୍ଥିତ ଥିବା ଭାରତୀୟ ସମ୍ପ୍ରଦାୟର ଲୋକମାନେ ତାଙ୍କୁ ସ୍ୱାଗତ କରିଥିଲେ। ପ୍ରଧାନମନ୍ତ୍ରୀ ମଧ୍ୟ ଲୋକଙ୍କୁ ଅଟୋଗ୍ରାଫ୍ ଦେଇଥିଲେ। ଭାରତୀୟ ମୂଳ ମହିଳାମାନେ  ପ୍ରଧାନମନ୍ତ୍ରୀ ମୋଦୀଙ୍କ ହାତରେ ରାଖୀ ବାନ୍ଧିଥିଲେ। ଲୋକଙ୍କ ମଧ୍ୟରେ ଉତ୍ସାହ ଦେଖିବାକୁ ମିଳିଥିଲା ​।

ଭାରତୀୟ ସମ୍ପ୍ରଦାୟର ଲୋକଙ୍କ ଉତ୍ସାହ ଦେଖି ପ୍ରଧାନମନ୍ତ୍ରୀ ମୋଦୀ ନିଜେ ଢୋଲ ବଜାଇଥିଲେ। ଲୋକେ 'ଗଣପତି ବାପ୍ପା ମୋରିଆ' ସ୍ଲୋଗାନ ଦେଇଥିଲେ। 

ଏସିଆନ(ଏଏସଇଏଏନ)ଦେଶ ମଧ୍ୟରେ ସିଙ୍ଗାପୁର ହେଉଛି ଭାରତର ସବୁଠାରୁ ବଡ ବାଣିଜ୍ୟ ଭାଗିଦାରୀ। ଏହି ଗସ୍ତ ସମୟରେ ପିଏମ ମୋଦୀ ବ୍ୟବସାୟିକ ନେତା ତଥା ବହୁ ବଡ କମ୍ପାନୀର ସିଇଓଙ୍କୁ ଭେଟିବେ। ଏହି କାରଣରୁ ଦକ୍ଷିଣ ଚୀନ୍ ସାଗର ଏବଂ ମିଆଁମାର ପରି ଆଞ୍ଚଳିକ ପ୍ରସଙ୍ଗ ଉପରେ ମଧ୍ୟ ଆଲୋଚନା କରାଯାଇପାରେ।

 ବାଣିଜ୍ୟ ଏବଂ ପୁଞ୍ଜି ବିନିଯୋଗ ଦୃଷ୍ଟିରୁ ପ୍ରଧାନମନ୍ତ୍ରୀଙ୍କ ସିଙ୍ଗାପୁର ଗସ୍ତ ଗୁରୁତ୍ୱପୂର୍ଣ୍ଣ ବୋଲି କୁହାଯାଉଛି। ସିଙ୍ଗାପୁର ହେଉଛି ଭାରତର ଷଷ୍ଠ ବୃହତ୍ତମ ବାଣିଜ୍ୟ ଭାଗିଦାରୀ ଏବଂ ଏହା ମଧ୍ୟ ଭାରତକୁ ଆସୁଥିବା ପ୍ରତ୍ୟକ୍ଷ ବିଦେଶୀ ପୁଞ୍ଜି ବିନିଯୋଗର ଏକ ପ୍ରମୁଖ ଉତ୍ସ ଅଟେ। ବିଶ୍ବର ସେମିକଣ୍ଡକ୍ଟର ଇକୋସିଷ୍ଟମରେ ସିଙ୍ଗାପୁରର ଏକ ପ୍ରମୁଖ ଭୂମିକା ରହିଛି।

ଅଧିକ ପଢ଼ନ୍ତୁ:ଏହି ବର୍ଷ ସୁଦ୍ଧା ଭାରତରେ ପେଟ୍ରୋଲ-ଡିଜେଲ ଯାନ ବିକ୍ରି ବନ୍ଦ

ଏହି କ୍ଷେତ୍ରରେ ସିଙ୍ଗାପୁରର ୨୦ରୁ ଅଧିକ ବର୍ଷର ଅଭିଜ୍ଞତା ରହିଛି। ଭାରତର ବିଭିନ୍ନ ଶିଳ୍ପ ସଂସ୍ଥାର ଆବଶ୍ୟକତା ପୂରଣ କ୍ଷେତ୍ରରେ ସିଙ୍ଗାପୁରର ସେମିକଣ୍ଡକ୍ଟର ବିଶେଷ ଉପଯୋଗୀ ସାବ୍ୟସ୍ତ ହୋଇଥାଏ। 

ଅଧିକ ପଢ଼ନ୍ତୁ:ଖୁସି ଖବର: ଟ୍ରାଫିକ୍ ଚାଲାଣ ଛାଡ ହେବ,୧୪ ସେପ୍ଟେମ୍ବରରେ ଜାତୀୟ ଲୋକ ଅଦାଲତ