ଶାନ୍ତିରେ ରୁହ, ଖାଅ ପିଅ... ନଚେତ୍ ଗୁଳି ଖାଇବ... : ପାକିସ୍ତାନକୁ ମୋଦୀଙ୍କ ବାର୍ତ୍ତା

ଅହମ୍ମଦାବାଦ : ଗୁଜରାଟ ମାଟିରୁ, ପ୍ରଧାନମନ୍ତ୍ରୀ ମୋଦୀ ଆତଙ୍କବାଦ ଏବଂ ଆତଙ୍କବାଦକୁ ଆଶ୍ରୟ ଦେଉଥିବା ଲୋକଙ୍କୁ ସ୍ପଷ୍ଟ ଚେତାବନୀ ଦେଇଛନ୍ତି। ପ୍ରଧାନମନ୍ତ୍ରୀ ମୋଦୀ କହିଛନ୍ତି, ଭାରତ ପର୍ଯ୍ୟଟନରେ ବିଶ୍ୱାସ କରେ, ପର୍ଯ୍ୟଟନ ଲୋକଙ୍କୁ ଯୋଡେ କିନ୍ତୁ ପାକିସ୍ତାନ ଭଳି ଏକ ଦେଶ ଅଛି, ଯିଏ ଆତଙ୍କବାଦକୁ ପର୍ଯ୍ୟଟନ ଭାବରେ ବିବେଚନା କରେ ଏବଂ ଏହା ବିଶ୍ୱ ପାଇଁ ଏକ ବଡ଼ ବିପଦ। ଆମର ନୀତି ଆତଙ୍କବାଦ ବିରୁଦ୍ଧରେ ଶୂନ୍ୟ ସହନଶୀଳତା। ଅପରେସନ ସିନ୍ଦୂର ଏହି ନୀତିକୁ ଅଧିକ ସ୍ପଷ୍ଟ କରିଛି। ଯିଏ ଭାରତୀୟଙ୍କ ରକ୍ତ ବୁହାଇବାକୁ ଚେଷ୍ଟା କରିବ, ତାକୁ ତାଙ୍କ ନିଜ ଭାଷାରେ ଜବାବ ଦିଆଯିବ। ଶାନ୍ତିରେ ରୁହ, ଖାଅ ପିଅ... ନଚେତ୍ ମୋର ଗୁଳି ଖାଇବ... ଭାରତର ନୀତି ବହୁତ ସ୍ପଷ୍ଟ। ଭାରତ ବିକାଶର ପଥ ବାଛିଛି, ଶାନ୍ତି ଏବଂ ସମୃଦ୍ଧିର ପଥ ବାଛିଛି।

ପ୍ରଧାନମନ୍ତ୍ରୀ ମୋଦୀ କହିଛନ୍ତି, ଯେଉଁମାନେ ଭାରତ ଉପରେ ଆଖି ଉଠାଇବେ ସେମାନଙ୍କୁ କୌଣସି ମୂଲ୍ୟରେ ଛଡ଼ାଯିବ ନାହିଁ। ଅପରେସନ ସିନ୍ଦୂର ହେଉଛି ମାନବତାକୁ ସୁରକ୍ଷା ଦେବା ଏବଂ ଆତଙ୍କବାଦକୁ ସମାପ୍ତ କରିବା ପାଇଁ ଏକ ମିଶନ। ମଁଛ ବିହାରର ସାଧାରଣ ସଭାରେ ଗର୍ବର ସହିତ ଘୋଷଣା କରିଥିଲି ଯେ ମୁଁ ଆତଙ୍କବାଦର ଆଡ୍ଡାଗୁଡ଼ିକୁ ଧ୍ୱଂସ କରିବି। ଆମେ ପାକିସ୍ତାନ ଆତଙ୍କବାଦ ବିରୋଧରେ କିଛି କାର୍ଯ୍ୟାନୁଷ୍ଠାନ ନେବା ପାଇଁ ୧୫ ଦିନ ଅପେକ୍ଷା କରିଥିଲୁ କିନ୍ତୁ ଆତଙ୍କବାଦ ହେଉଛି ସେମାନଙ୍କର ଜୀବିକା। ଯେତେବେଳେ ସେ କିଛି କଲେ ନାହିଁ, ମୁଁ ପୁଣି ଥରେ ଦେଶର ସେନାକୁ ମୁକ୍ତ ହାତ ଦେଇଦେଲି।