ପୁଣି ଏୟାର୍‌ ଇଣ୍ଡିଅର ୩୨ ବିମାନକୁ ମିଳିଲା ବୋମା ଧମକ

ନୂଆଦିଲ୍ଲୀ: ଗତ ୧୬ ତାରିଖ ଦିନ ମଧ୍ୟରେ ୫୦୦ ରୁ ଅଧିକ ଘରୋଇ ଏବଂ ଆନ୍ତର୍ଜାତୀୟ ବିମାନ କମ୍ପାନିକୁ ବୋମା ଧମକ ମିଳିଛି। କେବଳ ମଙ୍ଗଳବାର (ଅକ୍ଟୋବର ୩୦, ୨୦୨୪) ରେ ୧୦୦ରୁ ଅଧିକ ବିମାନ ପ୍ରତି ବିପଦ ଥିବା ସୂଚନା ମିଳିଥିଲା।

ବିମାନ ସେବା ପ୍ରଦାନକାରୀ ସଂସ୍ଥା ଏୟାର ଇଣ୍ଡିଆକୁ ପୁଣି ବୋମା ଧମକ ମିଳିଛି ଓ ଏକାସାଥୀରେ ୩୨ଟି ବିମାନକୁ ଏହି ଧମକ ମିଳିଥିବା ସୂଚନା ରହିଛି। ଦେଶରେ ବିମାନ ସେବା ଯୋଗାଉଥିବା  ବିଭିନ୍ନ ସଂଗଠନ ତଥା ଅନୁଷ୍ଠାନକୁ ଲଗାତାର ବୋମା ଧମକ ମିଳୁଥିବା ବେଳେ ପୁଣି ଏକ ମାମଲା ସାମ୍ନାକୁ ଆସିଛି।

ଇଣ୍ଡିଆଗୋ (୬ ଆକ୍) ଏବଂ ଭିସ୍ତାରା (ୟୁକେ) ସମାନ ସମସ୍ୟାର ସମ୍ମୁଖୀନ ହୋଇଛନ୍ତି। ପ୍ରଥମେ ଏୟାର୍‌ ଇଣ୍ଡିଆକୁ ବୋମା ଧମକ ପରେ ମୁମ୍ବାଇ ପୁଲିସ ୧୪ଟି ଏଫଆଇଆର ପଞ୍ଜିକୃତ କରି ଅକ୍ଟୋବରରୁ ତଦନ୍ତ ଆରମ୍ଭ କରିଥିଲା।

ଦିନକ ତଳେ କୋଲକାତାରୁ ଓ କୋଲକାତାକୁ ଯାଉଥିବା ୭ଟି ବିମାନକୁ ସୋସିଆଲ ମିଡିଆରେ ବୋମା ବିସ୍ଫୋରଣର ଧମକ ମିଳିଥିଲା। ତେବେ ଯାଞ୍ଚ ପରେ ଏହା କେବଳ ଏକ ଗୁଜବ ଥିବା ଜଣାପଡ଼ିଥିଲା , ଏହାକୁ ନେଇ ତନାଘନା ଚାଲିଥିବା ବେଳେ ଏୟାର ଇଣ୍ଡିଆର ଆଉ ୩୨ଟି ବିମାନକୁ ବୋମା ବିସ୍ଫୋରଣର ଧମକ ମିଳିଛି । ଧମକ ପାଇଥିବା ବିମାନଗୁଡ଼ିକ ମଧ୍ୟରୁ କିଛି ଭାରତରେ ଥିବା ବେଳେ ଆଉ କିଛି ବିଦେଶ ଗସ୍ତରେ ଯାଇଛନ୍ତି । ଧମକ ପରେ ସତର୍କତା ପଦକ୍ଷେପ ସ୍ୱରୂପ ବିମାନଗୁଡ଼ିକୁ ଯାଞ୍ଚ କରାଯାଇଥିଲା ।

ହେଲେ ଏଯାଏ କୌଣସି ବିମାନରୁ ବିସ୍ଫୋରକ ସାମଗ୍ରୀ ମିଳିନାହିଁ। ଅନ୍ୟପକ୍ଷରେ କ୍ରମାଗତ ଭାବେ ବିମାନ ଓ ପ୍ରତିଷ୍ଠାନଗୁଡ଼ିକୁ ଧମକ ମିଳୁଥିବାରୁ ଜାତୀୟ ତଦନ୍ତକାରୀ ସଂସ୍ଥା ବା ଏନଆଇଏ ତଦନ୍ତ ଆରମ୍ଭ କରିଛି। ଗତ ୨ ସପ୍ତାହ ମଧ୍ୟରେ ୪୦୦ରୁ ଅଧିକ ବୋମା ଗୁଜବର ଧମକ ମିଳିବାରୁ ସମସ୍ତଙ୍କ ଚିନ୍ତା ବଢ଼ିଛି।