୪୪ ଲକ୍ଷରୁ ଅଧିକ ପିଲାଙ୍କୁ ମିଳିଲାନି ସ୍କୁଲ ପୋଷାକ: ସିନ୍ଦେ ସରକାରଙ୍କ ‘ଏକ ରାଜ୍ୟ,ଏକ ୟୁନିଫର୍ମ’ଯୋଜନା ବିଫଳ ହୋଇଥିବା ଅଭିଯୋଗ ଆଣିଲେ ବିରୋଧୀ 

ମୁମ୍ବାଇ : ପ୍ରତିବର୍ଷ ସ୍ୱାଧୀନତା ଦିବସ ପାଳନ ଅବସରରେ ମହାରାଷ୍ଟ୍ରରେ ସ୍କୁଲ ପିଲାମାନଙ୍କୁ ନୂଆ ସ୍କୁଲ ପୋଷାକ ଦିଆଯାଇଥାଏ। କିନ୍ତୁ ଚଳିତ ଥର ରାଜ୍ୟର ବିଦ୍ୟାଳୟ ଗୁଡ଼ିକରେ ଏକ ଭିନ୍ନ ପରିସ୍ଥିତି ଦେଖାଯାଇଛି।

ରାଜ୍ୟର ଅନେକ ବିଦ୍ୟାଳୟର ପିଲାମାନେ ଏପର୍ଯ୍ୟନ୍ତ ସ୍କୁଲ ୟୁନିଫର୍ମ ପାଇନାହାନ୍ତି। ଏଭଳି ପରିସ୍ଥିତିରେ, ଅଳ୍ପ କିଛି ବିଦ୍ୟାଳୟକୁ ଛାଡ଼ିଦେଲେ ରାଜ୍ୟର ପ୍ରାୟ ୬୫ ହଜାର ବିଦ୍ୟାଳୟର ୪୪ ଲକ୍ଷ ୬୦ ହଜାର ପିଲାଙ୍କୁ ପୁରୁଣା ୟୁନିଫର୍ମରେ ସ୍ୱାଧୀନତା ଦିବସ ପାଳନ କରିଛନ୍ତି।

ମହାରାଷ୍ଟ୍ରର ମୁଖ୍ୟମନ୍ତ୍ରୀ ଏକନାଥ ସିନ୍ଦେ ସରକାର ରାଜ୍ୟସ୍ତରରେ ଏକକ ୟୁନିଫର୍ମ ଲାଗୁ କରିବାକୁ ନିଷ୍ପତ୍ତି ନେଇଥିଲେ। କିନ୍ତୁ ସରକାରଙ୍କ ଏହି ନିଷ୍ପତ୍ତି କେବଳ ଏକ ପାଣିର ଗାର ହୋଇ ରହିଛି। କୁହାଯାଉଛି ଯେ ସ୍କୁଲ ୟୁନିଫର୍ମ ଏପର୍ଯ୍ୟନ୍ତ ଜାଲଗାଓଁ, ଲାଟୁର, ସୋଲାପୁର, ନାଗପୁର, ହିଙ୍ଗୋଲି, ପୁଣେ, ଅହମ୍ମଦନଗର, ନାସିକ, ରାୟଗଡ ଜିଲ୍ଲାରେ ପହଞ୍ଚି ନାହିଁ। ଏଭଳି ପରିସ୍ଥିତିରେ ବିଦ୍ୟାଳୟ ଶିକ୍ଷା ମନ୍ତ୍ରୀ ଦୀପକ କେସରକର ଆସନ୍ତା ବର୍ଷ ୟୁନିଫର୍ମ ଦେବା ବିଷୟରେ କହୁଛନ୍ତି।

ସୂଚନାନୁସାରେ, ଜିଲା ପରିଷଦ, ପୌରପାଳିକା ଏବଂ ମ୍ୟୁନିସିପାଲିଟି କର୍ପୋରେସନ୍ ବିଦ୍ୟାଳୟର ୪୮ ଲକ୍ଷ ଛାତ୍ରଛାତ୍ରୀଙ୍କୁ ଏକ ରାଜ୍ୟ, ଏକ ୟୁନିଫର୍ମ ଦେବାକୁ ରାଜ୍ୟ ସରକାର ନିଷ୍ପତ୍ତି ନେଇଥିଲେ। ଏହି ନିଷ୍ପତ୍ତିକୁ ତୁରନ୍ତ କାର୍ଯ୍ୟକାରୀ କରିବାକୁ ନିର୍ଦ୍ଦେଶ ମଧ୍ୟ ଦିଆଯାଇଥିଲା। ଏଥିପାଇଁ ମହିଲା ଅର୍ଥନୈତିକ ବିକାଶ ନିଗମ ମାଧ୍ୟମରେ ସ୍କୁଲ ୟୁନିଫର୍ମ ସିଲେଇ କରାଯାଉଥିଲା। କିନ୍ତୁ ୟୁନିଫର୍ମ ଏପର୍ଯ୍ୟନ୍ତ ବିଦ୍ୟାଳୟରେ ପହଞ୍ଚି ନାହିଁ। ମହିଳା ସ୍ବୟଂ ସହାୟକ ଗୋଷ୍ଠୀ ପାଇଁ ୟୁନିଫର୍ମ ପିଛା ୧୦୦ ଟଙ୍କା ଏବଂ ଆକସ୍ମିକ ଖର୍ଚ୍ଚ ଭାବରେ ୧୦ ଟଙ୍କା ସରକାର ସ୍ଥିର କରିଥିଲେ। ଏହାର ଦାୟିତ୍ୱ ବିଦ୍ୟାଳୟ ପରିଚାଳନା କମିଟିକୁ ଦିଆଯାଇଥିଲା |

ବିଦ୍ୟାଳୟ ଶିକ୍ଷା ମନ୍ତ୍ରୀ ଦୀପକ କେସରକର ଆସନ୍ତା ବର୍ଷ ୟୁନିଫର୍ମ ଦେବା ବିଷୟରେ କହୁଛନ୍ତି। ସେ କହିଛନ୍ତି ଯେ ଏହା ପ୍ରଥମ ବର୍ଷ ଏବଂ ସ୍କାଉଟ୍ ଗାଇଡ୍ ଆମକୁ କହିଥିଲେ ଯେ ସ୍କୁଲ ୟୁନିଫର୍ମ ଆକାଶୀ ନୀଳ ହେବ। କିଛି ଦିନ ପରେ, ସେମାନେ କହିଥିଲେ ଯେ ତାଙ୍କ ପୋଷାକ ଇସ୍ପାତ ଧୂସର ରଙ୍ଗର ହେବ। ଏହି କାରଣରୁ, ସ୍କୁଲ ପୋଷାକ ପ୍ରସ୍ତୁତ କରିବାରେ ବାଧା ସୃଷ୍ଟି ହୋଇଥିଲା। ସେ କହିଛନ୍ତି ଏହା ଅତ୍ୟନ୍ତ ଉଚ୍ଚମାନର ପୋଷାକ। ଏହାକୁ କେନ୍ଦ୍ର ସରକାରଙ୍କ ଏକ କମିଟି ଯାଞ୍ଚ କରିଛି। ଏହି କାରଣରୁ ୟୁନିଫର୍ମ ପ୍ରସ୍ତୁତ କରିବାରେ ବିଳମ୍ବ ହେଉଛି ।

‌‌ତେବେ ଏହାକୁ ନେଇ ରାଜନୀତି ଆରମ୍ଭ ହୋଇଛି। ସିନ୍ଦେ ସରକାରଙ୍କ ‘ଏକ ରାଜ୍ୟ, ଏକ ୟୁନିଫର୍ମ’ଯୋଜନା ବିଫଳ ହୋଇଛି ବୋଲି ବିରୋଧୀ ଅଭିଯୋଗ କରିଛନ୍ତି।