୧୮୦ରେ ଅଟକିଲା ମୁମ୍ବାଇ: ଦିଲ୍ଲୀ ପାଇଁ ବିଜୟ ଲକ୍ଷ୍ୟ ୧୮୧ ରନ୍

ମୁମ୍ବାଇ: ଆଇପିଏଲ ୨୦୨୫ର ୬୩ତମ ମ୍ୟାଚ୍ ଆଜି ବୁଧବାର, ୨୧ ମେ’ରେ ମୁମ୍ବାଇ ଇଣ୍ଡିଆନ୍ସ(ଏମଆଇ) ଏବଂ ଦିଲ୍ଲୀ କ୍ୟାପିଟାଲ୍ସ(ଡିସି) ମଧ୍ୟରେ ଖେଳାଯାଉଛି। ମୁମ୍ବାଇ ଏବଂ ଦିଲ୍ଲୀ ମଧ୍ୟରେ ଖେଳାଯିବାକୁ ଥିବା ମ୍ୟାଚ୍ କୌଣସି ସେମିଫାଇନାଲ ମ୍ୟାଚ୍ ଠାରୁ କମ୍ ନୁହେଁ, କାରଣ ଯେଉଁ ଦଳ ଏହି ମ୍ୟାଚ୍ ଜିତିବ, ସେ ପ୍ଲେଅଫ୍‌ରେ ପହଞ୍ଚିଯିବ।

ମୁମ୍ବାଇର ୱାଙ୍ଖେଡେ ଷ୍ଟାଡିୟମରେ ଖେଳାଯାଉଥିବା ଏହି ମ୍ୟାଚରେ ଦିଲ୍ଲୀ ଟସ୍ ଜିତି ବୋଲିଂ କରିବାକୁ ନିଷ୍ପତ୍ତି ନେଇଥିଲା। 

ମୁମ୍ବାଇ ଦଳ ବ୍ୟାଟିଂ କରିବାକୁ ପଡ଼ିଆକୁ ଓହ୍ଲାଇ ଧାର୍ଯ୍ୟ ୨୦ ଓଭରରେ ୱିକେଟ ହରାଇ ୧୮୦ ରନ୍ କରିଛି। ଫଳରେ ଦିଲ୍ଲୀ ପାଇଁ ବିଜୟ ଲକ୍ଷ୍ୟ ୧୮୧ ରନ୍ ରହିଛି।

ମୁମ୍ବାଇ ପକ୍ଷରୁ ରିୟାନ ରିକେଲଟନ ୨୫ ରନ୍ କରିଥିବା ବେଳେ ରୋହିତ ଶର୍ମା ୫ ରନ୍ କରିଥିଲେ। ସେହିପରି ୱିଲ୍ ଜ୍ୟାକ୍ସ ୨୧ ରନ୍, ସୂର୍ଯ୍ୟକୁମାର ଯାଦବ ୭୩ ରନ୍, ତିଲକ ବର୍ମା ୨୭ ରନ୍, ହାର୍ଦ୍ଦିକ ପାଣ୍ଡ୍ୟା ୩ ରନ୍, ନମନ ଧୀର ୨୪ ରନ୍ କରିଥିଲେ।

ଅଧିକ ପଢ଼ନ୍ତୁ: ଅପରେସନ୍ ସିନ୍ଦୁର ପରେ ବି ଅନଲାଇନ୍‌ରେ ବିକ୍ରି ହେଉଛି ପାକିସ୍ତାନୀ ବିୟୁଟି ପ୍ରଡକ୍ଟ

ଆଇପିଏଲ ପଏଣ୍ଟ ଟେବୁଲରେ ମୁମ୍ବାଇ ଇଣ୍ଡିଆନ୍ସ ୧୪ ପଏଣ୍ଟ ସହିତ ଚତୁର୍ଥ ସ୍ଥାନରେ ଥିବା ବେଳେ, ଦିଲ୍ଲୀ କ୍ୟାପିଟାଲ୍ସ ୧୩ ପଏଣ୍ଟ ସହିତ ପଞ୍ଚମ ସ୍ଥାନରେ ଅଛି। ମୁମ୍ବାଇ ଏପର୍ଯ୍ୟନ୍ତ ୧୨ଟି ମ୍ୟାଚ୍ ଖେଳିଛି, ଯେଉଁଥିରେ ଦଳ ୭ଟି ମ୍ୟାଚ୍ ଜିତିଛି ଏବଂ ୫ଟି ମ୍ୟାଚ୍ ହାରିଛି।

ଦିଲ୍ଲୀ ୧୨ଟି ମ୍ୟାଚ୍‌ରୁ ୬ଟିରେ ଜିତିଛି ଏବଂ ୫ଟିରେ ହାରିଛି, ଯେତେବେଳେ ଗୋଟିଏ ମ୍ୟାଚ୍ ଡ୍ର ମଧ୍ୟ ହୋଇଛି। ଯଦି ମୁମ୍ବାଇ ଏହି ମ୍ୟାଚ୍ ଜିତିଯାଏ, ତେବେ ଏହା ୧୬ ପଏଣ୍ଟ ସହିତ ପ୍ଲେଅଫ୍ ପାଇଁ ଯୋଗ୍ୟତା ଅର୍ଜନ କରିବ। ଯଦି ଦିଲ୍ଲୀ ଜିତିଯାଏ, ତେବେ ଉଭୟ ଦଳ ପାଇଁ ପ୍ଲେଅଫ୍ ପାଇଁ ପଥ ଖୋଲା ରହିବ।

ଅଧିକ ପଢ଼ନ୍ତୁ: ଅପରେସନ ସିନ୍ଦୂର ଏକ ଝଲକ ଥିଲା, ମେହେନ୍ଦି-ହଲଦୀ ଏଯାଏଁ ଦେଖିନାହଁ: ଧିରେନ୍ଦ୍ର ଶାସ୍ତ୍ରୀ

IPL | MI vs DC