‘ଆମେରିକା ପାର୍ଟି’- ମସ୍କଙ୍କ ନୂଆ ରାଜନୈତିକ ଦଳ

ୱାସିଂଟନ: ଶିଳ୍ପପତି ଏଲନ ମସ୍କ ଓ ଆମେରିକା ରାଷ୍ଟ୍ରପତି ଡୋନାଲ୍ଡ ଟ୍ରମ୍ପଙ୍କ ମଧ୍ୟର ତିକ୍ତତା ଆହୁରି ବଢିଯାଇଛି । ସଂପର୍କ ଏତେ ଖରାପ ହୋଇଯାଇଛି ଯେ ମସ୍କଙ୍କୁ ତାଙ୍କ ମୂଳ ଦେଶ ଦକ୍ଷିଣ ଆଫ୍ରିକାକୁ ପ୍ରତ୍ୟାର୍ପଣ କରିବାକୁ ଧମକ ଦେଇଛନ୍ତି ଟ୍ରମ୍ପ । ଏହାର ଜବାବରେ ଏକ ନୂଆ ରାଜନୈତିକ ଦଳ ଗଠନ କରିବାକୁ ଘୋଷଣା କରିଛନ୍ତି ମସ୍କ । ଏହାର ନାଁ ରହିବ 'ଆମେରିକା ପାର୍ଟି' । 

ମସ୍କ କହିଛନ୍ତି ଯେ ଯଦି ଡୋନାଲ୍ଡ ଟ୍ରମ୍ପଙ୍କ 'ୱାନ୍ ବିୟୁଟିଫୁଲ୍ ବିଲ୍' ଆମେରିକା ସଂସଦରେ ଗୃହୀତ ହୁଏ, ତେବେ ସେ ପରଦିନ ଏକ ନୂତନ ରାଜନୈତିକ ଦଳ ଆନୁଷ୍ଠାନିକଭାବେ ଘୋଷଣା କରିବେ।

ମସ୍କ କହିଛନ୍ତି ଯେ ଯଦି ଡୋନାଲ୍ଡ ଟ୍ରମ୍ପଙ୍କ 'ୱାନ୍ ବିୟୁଟିଫୁଲ୍ ବିଲ୍' ଆମେରିକା ସଂସଦରେ ଗୃହୀତ ହୁଏ, ତେବେ ସେ ପରଦିନ ଏକ ନୂତନ ରାଜନୈତିକ ଦଳ ଆନୁଷ୍ଠାନିକଭାବେ ଘୋଷଣା କରିବେ। ସେ ଟ୍ରମ୍ପଙ୍କ ବିଲକୁ ସମାଲୋଚନା କରିଛନ୍ତି ଏବଂ ଏହାକୁ ଋଣ ଏବଂ ଦାସତ୍ୱର ବିଲ୍ ବୋଲି କହିଛନ୍ତି। ବର୍ତ୍ତମାନ, ଡୋନାଲ୍ଡ ଟ୍ରମ୍ପଙ୍କ 'ୱାନ୍ ବିୟୁଟିଫୁଲ୍ ବିଲ୍' ଉପରେ ସିନେଟରେ ଆଲୋଚନା ହେଉଛି। 

ମସ୍କ ସୋସିଆଲ ମିଡିଆ ପ୍ଲାଟଫର୍ମ ‘ଏକ୍ସ’ରେ ଲେଖିଛନ୍ତି ଯେ ଯଦି ଏହି ବିଲ୍ ଗୃହୀତ ହୁଏ, ତେବେ ସଂସଦର ପ୍ରତ୍ୟେକ ସଦସ୍ୟ ଲଜ୍ଜିତ ହେବା ଉଚିତ, ଯେଉଁମାନେ ସରକାରୀ ଖର୍ଚ୍ଚ ହ୍ରାସ କରିବା ପାଇଁ ଅଭିଯାନ ଚଳାଇଥିଲେ ଏବଂ ତା'ପରେ ଇତିହାସର ସବୁଠାରୁ ବଡ଼ ଋଣ ବୃଦ୍ଧି ପାଇଁ ଭୋଟ ଦେଇଥିଲେ। ମୁଁ ଭାବୁଛି ଏହି ବିଲ୍ ପାସ୍ ହେବା ପରେ, ଦେଶରେ ଏକ ନୂତନ ରାଜନୈତିକ ଦଳର ଆବଶ୍ୟକତା ପଡ଼ିବ। ସେ କହିଛନ୍ତି ଯେ ବିଗ୍ ବିୟୁଟିଫୁଲ୍ ବିଲ୍ କୁ ସମର୍ଥନ କରୁଥିବା ନେତାମାନେ ଆସନ୍ତା ବର୍ଷ ପ୍ରାଥମିକ ନିର୍ବାଚନରେ ହାରିଯିବେ।