ବିନା ଅନୁମତିରେ ୬ଟି ଦେଶ ଦେଇ ଅତିକ୍ରମ କରିଥିବା ବିମାନରେ ନଥିଲେ ପାଇଲଟ, ଆରମ୍ଭ ହେଲା ତଦନ୍ତ

ନୂଆଦିଲ୍ଲୀ: ବିନା ଅନୁମତିରେ ୬ଟି ଦେଶ ଦେଇ ଅତିକ୍ରମ କଲା ବିମାନ। ବିମାନଟି ଯେତେବେଳେ ବୁଲଗେରିଆରେ ଅବତରଣ କଲା ସେତେବେଳେ ବିମାନ ଭିତରେ କେହି ବି ନଥିଲେ। ପାଇଲଟ ସହ କେହି ଯାତ୍ରୀ ମଧ୍ୟ ବିମାନରେ ନଥିବା ଦେଖି ସମସ୍ତଙ୍କ ହୋସ ଉଡି ଯାଇଥିଲା। ଏବେ ଏହାର ତଦନ୍ତ ଆରମ୍ଭ ହୋଇଥିବା ଜଣାପଡ଼ିଛି।

ବର୍ତ୍ତମାନ ଏହି 'ରହସ୍ୟମୟ ବିମାନ' ବିଷୟରେ ସୂଚନା ସଂଗ୍ରହ କରାଯାଉଛି। ଏହା କିପରି ଗୋଟିଏ କିମ୍ବା ଦୁଇଟି ନୁହେଁ ୬ଟି ଦେଶ ଅତିକ୍ରମ କରି ବୁଲଗେରିଆରେ ପହଞ୍ଚିଲା, ସେ‌ ନେଇ ଯାଞ୍ଚ କରାଯାଉଛି। ଏହି ପ୍ରସଙ୍ଗରେ ବୁଲଗେରିଆ ପ୍ରତିରକ୍ଷା ମନ୍ତ୍ରାଳୟର ଅଧିକାରୀ ଡ୍ରାଗୋମିର ଜାକୋଭ କହିଛନ୍ତି ଯେ ଏକ ଅଜଣା ବିମାନ ବୁଧବାର (ଜୁନ୍ ୮) ସନ୍ଧ୍ୟାରେ ତାଙ୍କ ଦେଶର ଆକାଶ ମାର୍ଗରେ ପ୍ରବେଶ କରିଥିଲା। ତେବେ ବିମାନଟି ବହୁତ କମ୍ ଉଚ୍ଚତାରେ ଉଡୁଥିଲେ ଏବଂ ଏହାକୁ ଅଟକାଇବା ସହଜ ଥିଲା। ବର୍ତ୍ତମାନ ଆମର ଅନୁସନ୍ଧାନ ଚାଲିଛି।

ଏୟାରଲାଇଭ୍.ନେଟ୍ ଅନୁଯାୟୀ, ଏହି 'ରହସ୍ୟମୟ ବିମାନ' ବୁଲଗେରିଆ ସୀମାରେ ପ୍ରବେଶ କରିବା ପୂର୍ବରୁ ହଙ୍ଗେରୀ ଏବଂ ରୋମାନିଆର ବାୟୁସେନା ଦ୍ୱାରା ଚିହ୍ନଟ ହୋଇଥିଲା। ଏହା ପରେ ଏହା ପୋଲାଣ୍ଡ, ସ୍ଲୋଭାକିଆ, ବୁଲଗେରିଆ ଏବଂ ଲିଥୁଆନିଆର ଆକାଶପଥକୁ ପ୍ରବେଶ କରିଥିଲା।

ରିପୋର୍ଟ ଅନୁଯାୟୀ, ଏହା ପରେ ଅଜ୍ଞାତ ବିମାନ ହଙ୍ଗେରୀର ଏକ ଛୋଟ ବିମାନବନ୍ଦରରେ ଅବତରଣ କଲା। କର୍ତ୍ତୃପକ୍ଷ ତାଙ୍କୁ ଅଟକାଇବା କିମ୍ବା ଅନୁସନ୍ଧାନ କରିବା ପୂର୍ବରୁ, ସେ ଇନ୍ଧନ ଭରିବା ପରେ ପୁଣି ଥରେ ଉଡାଣ କରିଥିଲା ଏବଂ ପରେ ସେ ପଡୋଶୀ ବୁଲଗେରିଆର ଆକାଶ ମାର୍ଗରେ ଦେଖାଦେଇଥିଲା। ବୁଲଗେରିଆରେ ଅବତରଣ କରିବା ପରେ ଯେତେବେଳେ ଏହି ଦୁଇ ସିଟ୍ ବିଶିଷ୍ଟ ବିମାନର ଯାଞ୍ଚ କରାଯାଇଥିଲା, ଭିତରେ ପାଇଲଟ୍ କିମ୍ବା ଯାତ୍ରୀ କେହି ମଧ୍ୟ ନଥିଲେ। ତେବେ ବିମାନକୁ କିଏ ଚଳାଉଥିଲା ସେ ନେଇ ଏବେ ଯାଞ୍ଚ ଆରମ୍ଭ ହୋଇଛି।