ପାକିସ୍ତାନରେ ଇମ୍ରାନ-ନୱାଜ ତୁତୁ ମେଁ ମେଁ

କରାଚୀ : ପାକିସ୍ତାନ ପ୍ରଧାନମନ୍ତ୍ରୀ ଇମ୍ରାନ ଖାନ ଏବଂ ପୂର୍ବତନ ପ୍ରଧାନମନ୍ତ୍ରୀ ନୱାଜ ସରିଫଙ୍କ ମଧ୍ୟରେ ରାଜନୈତିକ ବୟାନ ଯୁଦ୍ଧ ତୀବ୍ର ହୋଇଛି। ନୱାଜ ସରିଫ କ୍ରମାଗତ ଭାବରେ ସରକାର ଏବଂ ସୈନ୍ୟଙ୍କୁ ଟାର୍ଗେଟ କରୁଛନ୍ତି। ପୂର୍ବତନ ପ୍ରଧାନମନ୍ତ୍ରୀ ନୱାଜ କହିଛନ୍ତି ଯେ ଦେଶ ପାଇଁ ସହିଦ ହୋଇଥିବା ସୈନିକମାନଙ୍କ ପାଇଁ ମୁଁ ଗର୍ବିତ ଅନୁଭବ କରୁଛି। ସୀମାକୁ ଯାଇ ଦେଶ ପାଇଁ ବଳିଦାନ ଦେଉଥିବା ସୈନିକ କିମ୍ବା ସେନା ଅଧିକାରୀମାନଙ୍କୁ ପ୍ରଣାମ ଜଣାଉଛି । ସେ କହିଛନ୍ତି ଯେ କିଛି ଲୋକ ଦେଶକୁ ବଦନାମ କରୁଛନ୍ତି। ସରିଫ କହିଛନ୍ତି ଯେ ମୋର କାର୍ଯ୍ୟକାଳ ସମୟରେ ପ୍ରକୃତ ସେନାବାହିନୀ ଛିଡା କରାଇଥିଲି ।

ପ୍ରଧାନମନ୍ତ୍ରୀ ଭାବରେ ମୁଁ ସେନା ପାଇଁ ଅନେକ କାର୍ଯ୍ୟ କରିଥିଲି। ଦେଶରେ ଥିବା ସମସ୍ତ କ୍ଷେପଣାସ୍ତ୍ର ମଧ୍ୟରୁ ମୋ ସମୟରେ ଅଧା ପ୍ରସ୍ତୁତ ହୋଇଛି । ସେ କହିଛନ୍ତି ଯେ ମୋ କାର୍ଯ୍ୟକାଳ ମଧ୍ୟରେ ପାକିସ୍ତାନର ଟୋମାହାକ୍ କ୍ଷେପଣାସ୍ତ୍ର ମଧ୍ୟ ପ୍ରସ୍ତୁତ ହୋଇଛି। ଆମେ ଏହାକୁ ବାଲୁଚିସ୍ତାନରୁ ଆଣିଥିଲୁ | କ୍ଲିଣ୍ଟନ ଯେତେବେଳେ ଆଫଗାନିସ୍ତାନ ଉପରେ କ୍ଷେପଣାସ୍ତ୍ର ଆକ୍ରମଣ କରିଥିଲେ ଏବଂ ଏହି ସମୟ ମଧ୍ୟରେ ଆମକୁ ଗୋଟିଏ ଅଫୁଟା ମିସାଇଲ ମିଳିଥିଲା। ସେନା ଏହି କ୍ଷେପଣାସ୍ତ୍ରକୁ ଆଣି ପୁଣି ପ୍ରସ୍ତୁତ କରିଥିଲୁ |

ସୂଚନା ଥାଉ କି ଏହା ପୂର୍ବରୁ ନୱାଜ ସରିଫ ଏକ ବିବୃତିରେ କହିଥିଲେ ଯେ ପୂର୍ବତନ ସେନାମୁଖ୍ୟ ଜହିର-ଉଲ -ଇସଲାମ ତାଙ୍କୁ ୨୦୧୪ରେ ପ୍ରଧାନମନ୍ତ୍ରୀ ପଦରୁ ଇସ୍ତଫା ଦେବାକୁ କହିଥିଲେ। ଯାହାକୁ ଟାର୍ଗେଟ କରି ଇମ୍ରାନ ଖାନ କହିଥିଲେ ଯେ, ଯଦି ଏହା ଘଟେ ତେବେ ମୁଁ ସେନାମୁଖ୍ୟଙ୍କ ଇସ୍ତଫା ନେଇଥାନ୍ତି । ଇମ୍ରାନ ଖାନ କହିଛନ୍ତି ଯେ ମୁଁ ଜଣେ ଗଣତାନ୍ତ୍ରିକ ଉପାୟରେ ନିର୍ବାଚିତ ପ୍ରଧାନମନ୍ତ୍ରୀ, କିଏ ମୋତେ ଏଭଳି କହିବାକୁ ସାହସ କରିପାରିବ।