ଏତେ କୋଟିର ମାଲିକ ଥିଲେ ବାବା ସିଦ୍ଦିକି

ମୁମ୍ବାଇ: ମହାରାଷ୍ଟ୍ର ରାଜନୀତିରେ ଏକ ବଡ ନାମ ଥିବା ଏବଂ ବଲିଉଡ ସହିତ ଗଭୀର ସମ୍ପର୍କ ଥିବା ବାବା ସିଦ୍ଦିକଙ୍କୁ ମୁମ୍ବାଇର ବାନ୍ଦ୍ରାଠାରେ ଗୁଳି କରି ହତ୍ୟା କରାଯାଇଥିଲା। ମୃତ୍ୟୁ ବେଳକୁ ତାଙ୍କୁ ୬୬ବର୍ଷ ବୟସ ହୋଇଥିଲା ଏବଂ ସେ ବିଳାସପୂର୍ଣ୍ଣ ଜୀବନ ବଞ୍ଚୁଥିଲେ।  ଏହା ସହିତ ସେ ସାମାଜିକ ସେବା ସମ୍ବନ୍ଧୀୟ କାର୍ଯ୍ୟରେ ମଧ୍ୟ ସକ୍ରିୟ ଭାବେ ଅଂଶଗ୍ରହଣ କରୁଥିଲେ |

ମୃତ୍ୟୁ ପରେ ବାବା ସିଦ୍ଦିକି କୋଟି କୋଟି ଟଙ୍କାର ସମ୍ପତ୍ତି ଛାଡିଯାଇଛନ୍ତି । ୨୦୧୪ରେ ଲୋକସଭା ନିର୍ବାଚନରେ ​​ପ୍ରତିଦ୍ୱନ୍ଦ୍ୱିତା କରୁଥିବାବେଳେ ନିର୍ବାଚନ ଆୟୋଗଙ୍କ ନିକଟରେ ସେ ନିଜ ସମ୍ପତ୍ତିର ମୂଲ୍ୟ ପ୍ରକାଶ କରିଥିଲେ ଏବଂ ସେହି ସମୟରେ ସେ ତାଙ୍କର ସମ୍ପତ୍ତି ମୂଲ୍ୟ ୭୬କୋଟି ଟଙ୍କା ବୋଲି ଘୋଷଣା କରିଥିଲେ।

ଏହା ଏହି ଘୋଷଣା ପରେ କୁହାଯାଉଥିଲା ଯେ, ସିଦ୍ଦିକିଙ୍କ ପ୍ରକୃତ ସମ୍ପତ୍ତି ମୂଲ୍ୟ ଢ଼େର୍ ଅଧିକ। କାରଣ ୨୦୧୮ ମସିହାରେ, ଇଡି ତାଙ୍କ ସହ ଜଡିତ ସିଦ୍ଦିକି ଆଣ୍ଡ ପିରାମିଡ୍ ଡେଭଲପର୍ସର ୩୩ଟି ବିଳାସପୂର୍ଣ୍ଣ ଫ୍ଲାଟ ଜବତ କରିଥିଲା, ଯାହାର ଆନୁମାନିକ ମୂଲ୍ୟ ପ୍ରାୟ ୪୬୨କୋଟି ଟଙ୍କା ବୋଲି କୁହାଯାଇଥିଲା। ଯଦି ଆମେ ତାଙ୍କ କାର୍ କଥା କହିବା ତେବେ ତାଙ୍କ ପାଖରେ ୨ଟି ବିଳାସପୂର୍ଣ୍ଣ ମର୍ସେଡିଜ୍ ବେଞ୍ଜ କାର୍ ଥିଲା, ଯାହାର ମୂଲ୍ୟ ହେବ ୧.୧୫କୋଟି। ଏସବୁ ବ୍ୟତୀତ ମୁମ୍ବାଇର ବାନ୍ଦ୍ରା ୱେଷ୍ଟରେ ବାବା ସିଦ୍ଦିକିଙ୍କ ନାମରେ ଏକ ବ୍ୟବସାୟିକ କୋଠା ଅଛି ଯାହାର ମୂଲ୍ୟ ପ୍ରାୟ ୪କୋଟି ଟଙ୍କା। ଦୁଇଟି ଘର ମଧ୍ୟ ତାଙ୍କ ନାମରେ ଅଛି, ଯାହାର ମୋଟ ମୂଲ୍ୟ ୧୮କୋଟିରୁ ଅଧିକ ବୋଲି କୁହାଯାଉଛି। ଏହା ସହ ୧.୯୧ କୋଟି ଟଙ୍କା ମୂଲ୍ୟର ଏକ ବ୍ୟବସାୟିକ କୋଠା ଏବଂ ୧୩.୭୩ କୋଟି ଟଙ୍କା ମୂଲ୍ୟର ଆବାସିକ ସମ୍ପତ୍ତି ତାଙ୍କ ପତ୍ନୀଙ୍କ ନାମରେ ପଞ୍ଜିକୃତ ଥିବା ଜଣାଯାଇଛି।