ମହନ୍ତ ଓ ମାଫିଆଙ୍କ ମଧ୍ୟରେ କୌଣସି ଫରକ୍ ନାହିଁ : ଅଖିଳେଶ

ଲକ୍ଷ୍ନୌ: ସମାଜବାଦୀ ପାର୍ଟିର ରାଷ୍ଟ୍ରୀୟ ଅଧ୍ୟକ୍ଷ ଅଖିଳେଶ ଯାଦବ ଲକ୍ଷ୍ନୌରେ ଏକ ସାମ୍ବାଦିକ ସମ୍ମିଳନୀରେ ବିଜେପି ଓ ବିଏସପିକୁ କଡ଼ା ସମାଲୋଚନା କରିଛନ୍ତି। ଉତ୍ତରପ୍ରଦେଶ ମୁଖ୍ୟମନ୍ତ୍ରୀ ଯୋଗୀ ଆଦିତ୍ୟନାଥଙ୍କୁ ପରୋକ୍ଷରେ ଟାର୍ଗେଟ କରି ଅଖିଳେଶ ଯାଦବ କହିଛନ୍ତି ଯେ ଏକ ମଠର ମହନ୍ତ ଏକ ମାଫିଆ ମଧ୍ୟରେ ବିଶେଷ ପାର୍ଥକ୍ୟ ନାହିଁ। ଯାହାର ଚିନ୍ତାଧାରା ନକାରାତ୍ମକ ଓ ହୃଦୟ ଓ ମନ ନକାରାତ୍ମକ ଥାଏ, ସେ କେବଳ ନଷ୍ଟ କରିପାରିବ, ବିକାଶ କରିପାରିବ ନାହିଁ ବୋଲି ସେ କହିଛନ୍ତି। ଏଥିସହିତ ଏହି ନକଲି ଏନକାଉଣ୍ଟରକୁ ନେଇ ସେ ବିଜେପି ସରକାରଙ୍କୁ ମଧ୍ୟ ପ୍ରଶ୍ନ କରିଛନ୍ତି।

ସେ କହିଛନ୍ତି, ବିଜେପି ଏତେ ଜାଲ୍ ଏନକାଉଣ୍ଟର କରିଛି ଯେ ଉତ୍ତରପ୍ରଦେଶକୁ ନକଲି ଏନକାଉଣ୍ଟରର ରାଜଧାନୀରେ ପରିଣତ କରିଛି । ଏପରି କେହି ଲୋକ ନାହିଁ ଯିଏକି ଜାଣିନି ଯେ ଭାରତୀୟ ଜନତା ପାର୍ଟି ସରକାରରେ ମିଥ୍ୟା ଏନକାଉଣ୍ଟର ହେଉଛି ।ସେ କହିଛନ୍ତି, ବିଜେପି ଏତେ ଜାଲ୍ ଏନକାଉଣ୍ଟର କରିଛି ଯେ ଉତ୍ତରପ୍ରଦେଶକୁ ନକଲି ଏନକାଉଣ୍ଟରର ରାଜଧାନୀରେ ପରିଣତ କରିଛି । ଏପରି କେହି ଲୋକ ନାହିଁ ଯିଏକି ଜାଣିନି ଯେ ଭାରତୀୟ ଜନତା ପାର୍ଟି ସରକାରରେ ମିଥ୍ୟା ଏନକାଉଣ୍ଟର ହେଉଛି । ଏହା ସହ ଅଖିଳେଶ ସୁଲତାନପୁର ଏନକାଉଣ୍ଟରକୁ ନେଇ ପୁଣି ଥରେ ପ୍ରଶ୍ନ ଉଠାଇଛନ୍ତି । ସୁଲତାନପୁରରେ ଘଟିଥିବା ପରି ଘଟଣା ପୂର୍ବରୁ ମଧ୍ୟ ଘଟିଛି, ଏହା ପୂର୍ବରୁ ମଧ୍ୟ ସେଠାରେ ତାଙ୍କ ନେତାଙ୍କ ଦ୍ବାରା ହତ୍ୟା କରାଯାଇଛି । ଏହା ପ୍ରଥମ ମିଥ୍ୟା ଏନକାଉଣ୍ଟର ନୁହେଁ, ଏହା ପୂର୍ବରୁ ମଧ୍ୟ ଅନେକ ମିଥ୍ୟା ଏନକାଉଣ୍ଟର ହୋଇଛି ।