ଇସ୍ରାଏଲ ନାଗରିକଙ୍କୁ ମାଳଦ୍ବୀପ ମନା, ଆଦେଶ ଜାରି କଲେ ମୁଇଜୁ

ମାଲେ : ମାଳଦ୍ୱୀପ ପାଲେଷ୍ଟାଇନ ସମର୍ଥନରେ ଇସ୍ରାଏଲ ନାଗରିକ ଏବଂ ଇସ୍ରାଏଲ ନାଗରିକଙ୍କ ପ୍ରବେଶ ଉପରେ ପ୍ରତିବନ୍ଧକ ଲଗାଇଛି । ମାଳଦ୍ୱୀପ କ୍ୟାବିନେଟ ଏ ନେଇ ନିଷ୍ପତ୍ତି ନେଇଛି । ମାଳଦ୍ୱୀପ କ୍ୟାବିନେଟ୍ ଇସ୍ରାଏଲ ପାସପୋର୍ଟଧାରୀଙ୍କୁ ମାଳଦ୍ୱୀପରେ ପ୍ରବେଶ କରିବାରୁ ରୋକିବା ପାଇଁ ଆବଶ୍ୟକ ଆଇନରେ ସଂଶୋଧନ କରିଛି। ରବିବାର ଅପରାହ୍ନରେ ରାଷ୍ଟ୍ରପତିଙ୍କ କାର୍ଯ୍ୟାଳୟରେ ଆୟୋଜିତ ଏକ ସାମ୍ବାଦିକ ସମ୍ମିଳନୀରେ ହୋମଲାଣ୍ଡ ସିକ୍ୟୁରିଟି ଆଣ୍ଡ ଟେକ୍ନୋଲୋଜି ମନ୍ତ୍ରୀ ଅଲ୍ଲୀ ଇହସାନ ଏହି ନିଷ୍ପତ୍ତି ଘୋଷଣା କରିଛନ୍ତି।

କ୍ୟାବିନେଟର ସୁପାରିସ ପରେ ରାଷ୍ଟ୍ରପତି ଡକ୍ଟର ମହମ୍ମଦ ମୁଇଜୁ ଇସ୍ରାଏଲ ପାସପୋର୍ଟ ଉପରେ ପ୍ରତିବନ୍ଧକ ଲଗାଇବାକୁ ଘୋଷଣା କରିଛନ୍ତି । ଇସ୍ରାଏଲର ପାସପୋର୍ଟ ଧାରୀମାନଙ୍କୁ ମାଳଦ୍ୱୀପରେ ପ୍ରବେଶ କରିବାରୁ ରୋକିବା ପାଇଁ ଆବଶ୍ୟକ ଆଇନରେ ସଂଶୋଧନ କରିବା ଏବଂ ଏହି ପ୍ରୟାସଉପରେ ନଜର ରଖିବା ପାଇଁ ଏକ କ୍ୟାବିନେଟ୍ ସବ୍ କମିଟି ଗଠନ କରିବା କ୍ୟାବିନେଟ୍ ନିଷ୍ପତ୍ତିରେ ଅନ୍ତର୍ଭୁକ୍ତ।

ଏହାବ୍ୟତୀତ ପାଲେଷ୍ଟାଇନ ଓ ଇସ୍ରାଏଲ କ୍ଷେତ୍ରରେ ରାଷ୍ଟ୍ରପତି ପାଲେଷ୍ଟାଇନର ଆବଶ୍ୟକତାକୁ ଆକଳନ କରିବା ପାଇଁ ଏକ ସ୍ୱତନ୍ତ୍ର ଦୂତ ନିଯୁକ୍ତ କରିବାକୁ ନିଷ୍ପତ୍ତି ନେଇଛନ୍ତି।