ଆମେରିକା ଆକ୍ରମଣ ପୂର୍ବରୁ ଇରାନ କରିଥିଲା ବଡ଼ ଖେଳ

ତେହେରାନ: ଗତ ସପ୍ତାହରେ ଆମେରିକାର ଇରାନର ପରମାଣୁ କେନ୍ଦ୍ର ଗୁଡ଼ିକ ଉପରେ ବଙ୍କର ବଷ୍ଟର ବୋମା ପକାଇ ସେଗୁଡ଼ିକୁ ନଷ୍ଟ କରିଦେଇଥିଲା । କିନ୍ତୁ ତାପୂର୍ବରୁ ହିଁ ଇରାନ ଏକ ବଡ଼ ଖେଳକରିଦେଇଥିଲା । ଏସବୁ ପରମାଣୁ କେନ୍ଦ୍ରରେ ଥିବା ପ୍ରାୟ ୪୦୦ ଗ୍ରାମ ୟୁରାନିୟମର ପତ୍ତା ମିଳୁନାହିଁ । ତାହାକୁ ଆକ୍ରମଣ ପୂର୍ବରୁ ଇରାନ ଏକ ସୁରକ୍ଷିତ ସ୍ଥାନକୁ ନେଇଯାଇଥିବା ମନେ କରାଯାଉଛି । 

ଏବେ କେହି ଜାଣିନାହାଁନ୍ତି ଯେ ଏହି ୪୦୦ କିଲୋଗ୍ରାମ ୟୁରାନିୟମ୍ ଭଣ୍ଡାର କେଉଁଠି ଅଛି। ଏହି ଖବର ଆମେରିକା ସମେତ ସମଗ୍ର ବିଶ୍ୱରେ ଉତ୍ତେଜନା ବୃଦ୍ଧି କରିଛି। ଏତେ ପରିମାଣର ୟୁରାନିୟମ୍ ଭଣ୍ଡାରରୁ ୧୦ଟି ପରମାଣୁ ଅସ୍ତ୍ର ତିଆରି ହୋଇପାରିବ । ଆମେରିକାର ଉପରାଷ୍ଟ୍ରପତି ଜେଡି ଭାନ୍ସ ଏବିସି ନ୍ୟୁଜ୍କୁ କହିଛନ୍ତି ଯେ ଗତ ସପ୍ତାହରେ ଆମେରିକା ଫୋର୍ଡୋ, ନାଟାଞ୍ଜ ଏବଂ ଇସଫାହାନରେ ତିନୋଟି ଇରାନ ପରମାଣୁ ସ୍ଥାନ ଉପରେ ଛଅଟି 'ବଙ୍କର୍ ବଷ୍ଟର୍' ବୋମା ପକାଇବା ପରେ ଏହି ୬୦ ପ୍ରତିଶତ ସମୃଦ୍ଧ ୟୁରାନିୟମ୍ ହଜିଯାଇଛି। ଏହି ୟୁରାନିୟମକୁ ୯୦% ପର୍ଯ୍ୟନ୍ତ ସମୃଦ୍ଧ କରି ପରମାଣୁ ଅସ୍ତ୍ର ତିଆରି କରାଯାଇପାରିବ।

ରିପୋର୍ଟ ଅନୁଯାୟୀ, ସୂତ୍ରଗୁଡ଼ିକ ବିଶ୍ୱାସ କରନ୍ତି ଯେ ଆମେରିକା ଆକ୍ରମଣ ପୂର୍ବରୁ ଇରାନ ୟୁରାନିୟମର ସେହି ଭଣ୍ଡାର ଏବଂ କିଛି ଉପକରଣକୁ ଏକ ଗୁପ୍ତ ସ୍ଥାନକୁ ସ୍ଥାନାନ୍ତର କରିଥାଇପାରେ। ଇସ୍ରାଏଲୀ ଅଧିକାରୀମାନେ ନ୍ୟୁୟର୍କ ଟାଇମ୍ସକୁ କହିଛନ୍ତି ଯେ ଆକ୍ରମଣ ପୂର୍ବରୁ ଫୋର୍ଡୋ ପରମାଣୁ ସ୍ଥାନ ବାହାରେ ୧୬ଟି ଟ୍ରକର ଏକ ଧାଡ଼ି ଦେଖାଯାଇଥିଲା। ଫୋର୍ଡୋ ପରମାଣୁ କେନ୍ଦ୍ର ଏକ ପାହାଡ଼ ତଳେ ନିର୍ମିତ ଏବଂ ଏହାକୁ କ୍ଷେପଣାସ୍ତ୍ର ଆକ୍ରମଣରୁ ସୁରକ୍ଷିତ ବୋଲି ବିବେଚନା କରାଯାଏ।