ରତନଙ୍କ ଦେହାନ୍ତ ପରେ ଟାଟା ଟ୍ରଷ୍ଟକୁ ମିଳିଲା ନୂଆ ଅଧ୍ୟକ୍ଷ

ନୂଆଦିଲ୍ଲୀ: ଗତ ବୁଧବାର ବିଳମ୍ବିତ ରାତିରେ ୮୬ ବର୍ଷ ବୟସରେ ରତନ ଟାଟାଙ୍କର ଦେହାନ୍ତ ହୋଇଥିଲା। ଏହାପରେ ଟାଟା ଟ୍ରଷ୍ଟ୍ରର ଅଧ୍ୟକ୍ଷ କିଏ ହେବ ତାହାକୁ ନେଇ ଅନେକ କଳ୍ପନାଜଳ୍ପନା ଚାଲିଥିଲା। ଶୁକ୍ରବାର ଅକ୍ଟୋବର ୧୧ ତାରିଖରେ ଟାଟା ଟ୍ରଷ୍ଟକୁ  ନୂତନ ଅଧ୍ୟକ୍ଷ ମିଳିଯାଇଛି। ଟ୍ରଷ୍ଟ ରତନ ଟାଟାଙ୍କ ସାବତ ଭାଇ ନୋଏଲ୍ ଟାଟାଙ୍କୁ ନୂତନ ଅଧ୍ୟକ୍ଷ ଭାବରେ ନିଯୁକ୍ତ କରିଛି। 

ଟାଟା ଟ୍ରଷ୍ଟ ଶୁକ୍ରବାର ଏକ ବୈଠକ କରିଥିଲା। ଯେଉଁଥିରେ ନୋଏଲ ଟାଟାଙ୍କୁ ରତନ ଟାଟାଙ୍କ ଉତ୍ତରାଧିକାରୀ ଭାବରେ ଚୟନ କରିବାକୁ ନିଷ୍ପତ୍ତି ନିଆଯାଇଛି। ନୋଏଲ୍ ପୂର୍ବରୁ ସାର୍ ଦୋରାବଜୀ ଟାଟା ଟ୍ରଷ୍ଟ ଏବଂ ସାର୍ ରତନ ଟାଟା ଟ୍ରଷ୍ଟର ଟ୍ରଷ୍ଟି ଅଟନ୍ତି । ଏହି ଟ୍ରଷ୍ଟ କେବଳ ଟାଟା ଗ୍ରୁପ୍‌ର ଚିତ୍ତାକର୍ଷକ କାର୍ଯ୍ୟକଳାପକୁ ପରିଚାଳନା କରେ ନାହିଁ, ବରଂ ଟାଟା ଗ୍ରୁପର ପ୍ୟାରେଣ୍ଟ କମ୍ପାନି ଥିବା ଟାଟା ସନ୍ସରେ ମଧ୍ୟ ଏହାର ବହୁ ସଂଖ୍ୟା ରହିଛି। ଏହି ନିଯୁକ୍ତି ସହିତ ନୋଏଲ୍ ସାର୍ ଦୋରାବଜୀ ଟାଟା ଟ୍ରଷ୍ଟର ଏକାଦଶ ଚେୟାରମ୍ୟାନ୍ ଏବଂ ସାର୍ ରତନ ଟାଟା ଟ୍ରଷ୍ଟର ଷଷ୍ଠ ଚେୟାରମ୍ୟାନ୍ ହୋଇଯାଇଛନ୍ତି। ସେ ନାଭାଲ ଏଚ୍ ଟାଟା ଏବଂ ସିମୋନ ଏନ ଟାଟାଙ୍କ ପୁଅ ଏବଂ ରତନ ଟାଟାଙ୍କ ସାବତ ଭାଇ ।

ପାର୍ସୀ ସମ୍ପ୍ରଦାୟରେ ଟାଟା ଉପନାମକ ଜଣେ ବ୍ୟକ୍ତିଙ୍କୁ ଉତ୍ତରାଧିକାରୀ ଭାବରେ ଚୟନ କରିବାକୁ ଏକ ସହମତି ହୋଇଥିଲା। ଏଥିରେ ସମସ୍ତେ ନୋଏଲ୍ ନାମରେ ସହମତ ଦେଇଥିଲେ। ନୋଏଲଙ୍କ କାର୍ଯ୍ୟଶୈଳୀ ରତନ ଟାଟାଙ୍କ ଠାରୁ ଭିନ୍ନ ବୋଲି ବିବେଚନା କରାଯାଏ । ସେ ଲାଇମଲାଇଟ୍ ଠାରୁ ଦୂରରେ ରହି କାମ କରିବାକୁ ପସନ୍ଦ କରନ୍ତି। ୪୦ ବର୍ଷରୁ ଅଧିକ ସମୟ ଧରି ନୋଏଲ୍ ଟାଟା ଗ୍ରୁପ୍ ସହିତ ଜଡିତ ଥିବା ବେଳେ ଟାଟା ଗ୍ରୁପର ଅନେକ କମ୍ପାନିର ବୋର୍ଡରେ  ସେ ସାମିଲ ଅଛନ୍ତି। 

ଏସବୁ ବ୍ୟତୀତ ନୋଏଲ ଟାଟା ଟାଟା ଇଣ୍ଟରନ୍ୟାସନାଲ ଲିମିଟେଡ, ଭୋଲ୍ଟାସ ଏବଂ ଟାଟା ଇନଭେଷ୍ଟମେଣ୍ଟ କର୍ପୋରେସନର ଅଧ୍ୟକ୍ଷ ଏବଂ ଟାଟା ଷ୍ଟିଲ ଏବଂ ଟାଇଟନ କମ୍ପାନି ଲିମିଟେଡର ଉପାଧ୍ୟକ୍ଷ ଅଟନ୍ତି ।

ଅଧିକପଢ଼ନ୍ତୁ:https://sambad.in/leading/woman-constable-dies-in-accident-7307293