ମହଙ୍ଗା ପିଆଜକୁ ନେଇ ଚିନ୍ତାରେ ସରକାର, ୩୫ ଟଙ୍କାରେ ପିଆଜ ବିକିବେ

ନୂଆଦିଲ୍ଲୀ: ପର୍ବପର୍ବାଣୀ ଓ ବିଧାନସଭା ନିର୍ବାଚନ ସମୟରେ ପିଆଜ ଦର ବୃଦ୍ଧି ଲୋକଙ୍କ ଆଖିରେ ଲୁହ ଆଣି ଦେଉଛି। ମହଙ୍ଗା ପିଆଜ ସରକାରଙ୍କ ପାଇଁ ମୁଣ୍ଡବିନ୍ଧାର କାରଣ ପାଲଟିଛି। ଏହାର ଜବାବରେ କେନ୍ଦ୍ର ସରକାର ଦର ନିୟନ୍ତ୍ରଣ ପାଇଁ ବଫର ଷ୍ଟକରୁ ପିଆଜ ବିକ୍ରି ଆରମ୍ଭ କରିଛନ୍ତି। ନିକଟରେ ସରକାର ପିଆଜ ରପ୍ତାନି ଉପରେ ଶୁଳ୍କ ହଟାଇଦେଇଛନ୍ତି, ଯାହା ଫଳରେ ଦର ଦ୍ରୁତ ଗତିରେ ବୃଦ୍ଧି ପାଇଛି।

ଖାଉଟି ବ୍ୟାପାର ସଚିବ ନିଧି ଖରେ ପ୍ରକାଶ କରିଛନ୍ତି ଯେ କେନ୍ଦ୍ର ସରକାର ଏହାର ବଫର ଷ୍ଟକରୁ ଦିଲ୍ଲୀ ଏବଂ ଅନ୍ୟ ପ୍ରମୁଖ ସହରର ହୋଲସେଲ ବଜାରରେ ପିଆଜ ବିକ୍ରି କରୁଛନ୍ତି। ଏହାବ୍ୟତୀତ ସାଧାରଣ ଲୋକଙ୍କୁ ମହଙ୍ଗା ପିଆଜରୁ ମୁକ୍ତି ଦେବା ପାଇଁ ସରକାର ସାରା ଦେଶର ଖୁଚୁରା ବଜାରରେ ରିହାତି ଦରର ପିଆଜ ବିକ୍ରି କରିବେ। ସାରା ଦେଶରେ ପିଆଜ କିଲୋ ପିଛା ୩୫ ଟଙ୍କା ଦରରେ ବିକ୍ରି କରିବାକୁ କେନ୍ଦ୍ର ସରକାର ଯୋଜନା କରୁଛନ୍ତି।

ବିଶେଷ କରି ଯେଉଁ ସହରରେ ଦର ଯଥେଷ୍ଟ ବୃଦ୍ଧି ପାଇଛି, ସେଠାରେ ଅଧିକ ପିଆଜ ବିକ୍ରି ହେବ। ନିଧି ଖରେଙ୍କ କହିବା ନୁଯାୟୀ, ରପ୍ତାନି ଶୁଳ୍କ ହଟିବା ପରେ ଦର ବୃଦ୍ଧି ଆଶା କରାଯାଉଥିଲା। ସରକାରଙ୍କ ୪.୭ ଲକ୍ଷ ଟନ୍ ବଫର ଷ୍ଟକ୍ ଏବଂ ଖରିଫ ଫସଲ ଚାଷ ବୃଦ୍ଧି ଯୋଗୁଁ ପିଆଜ ଦର ନିୟନ୍ତ୍ରଣରେ ରହିବ ବୋଲି ଆମେ ଆଶା କରୁଛୁ ବୋଲି ସେ ଉଲ୍ଲେଖ କରିଛନ୍ତି।