ଅପରେସନ ସିନ୍ଦୂରର ନୂଆ ଭିଡିଓ; ୭୨ଟି ଆତଙ୍କବାଦୀ ଶିବିର ନଷ୍ଟ କରାଯାଇଥିବା ନେଇ କରାଯାଉଛି ଦାବି

ନୂଆଦିଲ୍ଲୀ: ପହଲଗାମ ଆତଙ୍କବାଦୀ ଆକ୍ରମଣର ଜବାବ ଦେବା ପାଇଁ ଭାରତ ପାକିସ୍ତାନରେ ଆତଙ୍କବାଦୀ ଆଡ୍ଡାଗୁଡ଼ିକୁ ଧ୍ୱଂସ କରିବା ପାଇଁ  ଅପରେସନ ସିନ୍ଦୂର ଆରମ୍ଭ କରିଥିଲା। ଏହି ଆକ୍ରମଣ ପରେ ଅପରେସନ ସିନ୍ଦୂରକୁ ନେଇ ନିରନ୍ତର ଖବର ଆସିବାରେ ଲାଗିଛି। 

ଅପରେସନ ସିନ୍ଦୂରକୁ ନେଇ ପ୍ରଥମେ ସେନା ଭିଡିଓ ଏବଂ ଫଟୋ ଜାରି କରି ପହଲଗାମ ଆତଙ୍କବାଦୀ ଆକ୍ରମଣର ଜବାବ ଦେଇଥିବା ବିଷୟରେ ସୂଚନା ଦେଇଥିଲା। ସମ୍ପ୍ରତି ସୀମା ସୁରକ୍ଷା ବଳ ଅପରେସନ ସିନ୍ଦୂରର ଏକ ନୂତନ ଭିଡିଓ ଜାରି କରିଛି। ଏହି ଭିଡିଓ ଜାରି କରିବା ସହିତ ବିଏସଏଫ ଯବାନ ପାକିସ୍ତାନର ୭୨ଟି ପୋଷ୍ଟକୁ ଧ୍ୱଂସ କରିଥିବା ଦାବି କରାଯାଉଛି।

ମଙ୍ଗଳବାର ଅପରେସନ ସିନ୍ଦୁରର ଏକ ନୂତନ ଭିଡିଓ ସାମ୍ନାକୁ ଆସିଛି। ଏହି ଭିଡିଓରେ ପାକିସ୍ତାନୀ ସୀମା ଭିତରେ ଥିବା ଆତଙ୍କବାଦୀ ଶିବିରଗୁଡ଼ିକ ଉପରେ ବିଏସଏଫ ଦ୍ୱାରା ସଠିକ ଆକ୍ରମଣର ଦୃଶ୍ୟ ଦେଖିବାକୁ ମିଳୁଛି। ଏହି ଆକ୍ରମଣ ପରେ ପାକିସ୍ତାନୀ ରେଞ୍ଜର୍ସମାନେ ନିଜ ଜୀବନ ବଞ୍ଚାଇବା ପାଇଁ ଦୌଡ଼ୁଥିବା ସହିତ ଆତଙ୍କବାଦୀ ଆଡ୍ଡାଗୁଡ଼ିକୁ ମଧ୍ୟ ଧ୍ୱଂସ କରାଯାଇଥିବା ଦେଖିବାକୁ ମିଳୁଛି। 

ବିଏସଏଫର ଜମ୍ମୁ ଫ୍ରଣ୍ଟିୟରର ଇନ୍ସପେକ୍ଟର ଶଶାଙ୍କ ଆନନ୍ଦ କହିଛନ୍ତି, ‘ବିଏସଏଫ ଅଖନୁର, ସାମ୍ବା ଏବଂ ଆରଏସ ପୁରା ସେକ୍ଟରରେ ଅନେକ ଆତଙ୍କବାଦୀ ଲଞ୍ଚ ପ୍ୟାଡ୍ ନଷ୍ଟ କରିଛି। ଯେଉଁଥିରେ ଲୋନି, ମସ୍ତପୁର ଏବଂ ଛାବରା ସମେତ ଅନେକ ଆତଙ୍କବାଦୀ ଲଞ୍ଚ ପ୍ୟାଡ୍ ସାମିଲ ରହିଛି।