କଂଗ୍ରେସ ସାଂଗଠନିକ ସ୍ତରରେ ପରିବର୍ତ୍ତନ, ସପ୍ତଗିରିଙ୍କୁ ସଂପାଦକ ଦାୟିତ୍ବ

ନୂଆଦିଲ୍ଲୀ: କଂଗ୍ରେସ ନିଜର ଜାତୀୟ ସଂଗଠନରେ ବଡ଼ ଧରଣର ପରିବର୍ତ୍ତନ କରି ଅନେକ ନୂଆ ସଚିବ ଓ ଯୁଗ୍ମ ସମ୍ପାଦକଙ୍କୁ ନିଯୁକ୍ତି ଦେଇଛି। ଏହା ସହ ଦଳ ଅନେକ ପଦାଧିକାରୀଙ୍କ ଦାୟିତ୍ୱ ନେଇ ରାଜ୍ୟରେ ମଧ୍ୟ ପରିବର୍ତ୍ତନ କରିଛି। ଦଳର ସଂଗଠନ ସାଧାରଣ ସମ୍ପାଦକ କେସି ବେଣୁଗୋପାଳଙ୍କ ପକ୍ଷରୁ ଜାରି ବିଜ୍ଞପ୍ତି ଅନୁଯାୟୀ, କଂଗ୍ରେସ ଅଧ୍ୟକ୍ଷ ମଲ୍ଲିକାର୍ଜୁନ ଖଡଗେ ଅଖିଳ ଭାରତୀୟ କଂଗ୍ରେସ କମିଟି (ଏଆଇସିସି)ର ସମ୍ପାଦକ ଓ ଯୁଗ୍ମ ସମ୍ପାଦକମାନଙ୍କୁ ବିଭିନ୍ନ ରାଜ୍ୟ ଓ କେନ୍ଦ୍ର ଶାସିତ ଅଞ୍ଚଳ ପାଇଁ ନିଯୁକ୍ତ କରିଛନ୍ତି। ଏହି କର୍ମକର୍ତ୍ତାମାନେ ସମ୍ପୃକ୍ତ ରାଜ୍ୟରେ ଦଳର ସାଧାରଣ ସମ୍ପାଦକ ଓ ପ୍ରଭାରୀଙ୍କ ସହ କାର୍ଯ୍ୟ କରିବେ। କୋରାପୁଟ ସାଂସଦ ସପ୍ତଗିରି ଉଲାକାଙ୍କୁ ସଂପାଦକ ନିଯୁକ୍ତ କରାଯାଇଛି । ସେ ମଧ୍ୟ ଝାଡ଼ଖଣ୍ଡ ଦାୟିତ୍ବରେ ରହିବେ ।

କଂଗ୍ରେସ ଅଧ୍ୟକ୍ଷ ମଲ୍ଲିକାର୍ଜୁନ ଖଡଗେ ଅଖିଳ ଭାରତୀୟ କଂଗ୍ରେସ କମିଟି (ଏଆଇସିସି)ର ସମ୍ପାଦକ ଓ ଯୁଗ୍ମ ସମ୍ପାଦକମାନଙ୍କୁ ବିଭିନ୍ନ ରାଜ୍ୟ ଓ କେନ୍ଦ୍ର ଶାସିତ ଅଞ୍ଚଳ ପାଇଁ ନିଯୁକ୍ତ କରିଛନ୍ତି। ଏହି କର୍ମକର୍ତ୍ତାମାନେ ସମ୍ପୃକ୍ତ ରାଜ୍ୟରେ ଦଳର ସାଧାରଣ ସମ୍ପାଦକ ଓ ପ୍ରଭାରୀଙ୍କ ସହ କାର୍ଯ୍ୟ କରିବେ।

କଂଗ୍ରେସ ସଭାପତିଙ୍କ କାର୍ଯ୍ୟାଳୟର ସମନ୍ୱୟ ଦାୟିତ୍ୱରେ ଥିବା ପ୍ରଣବ ଝା ଏବଂ ଗୌରବ ପାନ୍ଧୀଙ୍କୁ ଏଆଇସିସି ସମ୍ପାଦକ କରାଯାଇଛି। ଦଳର ଯୋଗାଯୋଗ ବିଭାଗ ଅଧୀନରେ ଏଆଇସିସି ସମ୍ପାଦକ ଦାୟିତ୍ବରେ ଥିବା ବିନୀତ ପୁନିଆ ଏହି ଦାୟିତ୍ବ ବଜାୟ ରଖିବେ, ଯଦିଓ ରୁଚିରା ଚତୁର୍ବେଦୀଙ୍କୁ ମଧ୍ୟ ତାଙ୍କ ସହ ଏହି ବିଭାଗର ସଚିବ ଭାବେ ନିଯୁକ୍ତ କରାଯାଇଛି। ରାଜସ୍ଥାନର ଦୁଇ ପୂର୍ବତନ ବିଧାୟକ ଦାନିଶ ଅବରାର ଏବଂ ଦିବ୍ୟା ମଡେର୍ନାଙ୍କୁ ଦିଲ୍ଲୀ ଏବଂ ଜମ୍ମୁ-କଶ୍ମୀର ଏବଂ ଲଦାଖର ସଚିବ ଭାବେ ନିଯୁକ୍ତ କରାଯାଇଛି। ଅଖିଳ ଭାରତୀୟ ମହିଳା କଂଗ୍ରେସର ପୂର୍ବତନ କାର୍ଯ୍ୟକାରୀ ଅଧ୍ୟକ୍ଷା ନେତା ଡିସୁଜା ଏବଂ ଏନଏସୟୁଆଇର ପୂର୍ବତନ ସଭାପତି ନୀରଜ କୁନ୍ଦନ ଏଆଇସିସି ସମ୍ପାଦକ ଭାବେ ଦଳର ସାଂଗଠନିକ ସାଧାରଣ ସମ୍ପାଦକ କେସି ବେଣୁଗୋପାଳଙ୍କ ସହ କାର୍ଯ୍ୟ କରିବେ।

ପ୍ରକାଶିତ ବିଜ୍ଞପ୍ତି ଅନୁଯାୟୀ ଧୀରଜ ଗୁର୍ଜର, ପ୍ରଦୀପ ନରୱାଲ, ରାଜେଶ ତିୱାରୀ ଏବଂ ତୌକିର ଆଲାମ ପୂର୍ବ ଭଳି ଉତ୍ତରପ୍ରଦେଶରେ ଏଆଇସିସି ସମ୍ପାଦକ ଭାବେ କାର୍ଯ୍ୟ ଜାରି ରଖିବେ। ପୂର୍ବତନ କେନ୍ଦ୍ରମନ୍ତ୍ରୀ ସ୍ୱର୍ଗତ ଶରଦ ଯାଦବଙ୍କ ଝିଅ ସୁଭାଶିନୀ ଯାଦବଙ୍କୁ ମଧ୍ୟ ସଚିବ ଭାବେ ନିଯୁକ୍ତି ଦିଆଯାଇଛି। ଝାଡ଼ଖଣ୍ଡ ମନ୍ତ୍ରୀ ଦୀପିକା ପାଣ୍ଡେ ସିଂହଙ୍କୁ ସଚିବ ଦାୟିତ୍ୱରୁ ମୁକ୍ତ କରାଯାଇଛି। ହିମାଚଳ ପ୍ରଦେଶର ସହ ପ୍ରଭାରୀ ତଥା ରାଜ୍ୟସଭା ସଦସ୍ୟ ରଞ୍ଜିତ ରଂଜନଙ୍କୁ ମଧ୍ୟ ଏହି ଦାୟିତ୍ୱରୁ ମୁକ୍ତ କରାଯାଇଛି। ଉତ୍ତରାଖଣ୍ଡ ବିଧାନସଭା ସଦସ୍ୟ କାଜି ନିଜାମୁଦ୍ଦିନଙ୍କୁ ରାଜସ୍ଥାନ ପରିବର୍ତ୍ତେ ମହାରାଷ୍ଟ୍ରର ସହ ପ୍ରଭାରୀ କରାଯାଇଥିଲେ ମଧ୍ୟ ସଚିବ ଭାବେ ରହିବେ।