ସେମାନେ କହୁଛନ୍ତି ଭୁଲିଯାଅ, କିନ୍ତୁ ଆମେ ଡିସେମ୍ବର ୬କୁ ଭୁଲିପାରିବୁନି : ଅଓ୍ବୈସି

ହାଇଦ୍ରାବାଦ: ଅଯୋଧ୍ୟା ରାମ ମନ୍ଦିରରେ ରାମ ଲାଲାଙ୍କ ପ୍ରାଣ ପ୍ରତିଷ୍ଠାକୁ ସମଗ୍ର ଦେଶ ଆଜି ଏହି ଦିବସ ପାଳନ କରୁଛି। ତେବେ ଏ ସମ୍ପର୍କରେ ନିଜର ପ୍ରତିକ୍ରିୟା ରଖିଛନ୍ତି ଏଆଇଏମଆଇଏମ ମୁଖ୍ୟ ତଥା ହାଇଦ୍ରାବାଦ ସାଂସଦ ଅସଦୁଦ୍ଦିନ ଓୱେସୀ ।

ଓୱେସି ତାଙ୍କ ଅଫିସିଆଲ ଏକ୍ସ ହ୍ୟାଣ୍ଡେଲରେ ଏକ ଭିଡିଓ ଅପଲୋଡ କରିଛନ୍ତି, ଯେଉଁଥିରେ ସେ ପରୋକ୍ଷରେ ବାବ୍ରି ମସଜିଦ ବିଷୟରେ ଉଲ୍ଲେଖ କରି ଦୁଃଖ ପ୍ରକାଶ କରିଛନ୍ତି । ସୋମବାର (ଜାନୁଆରୀ ୨୨) ସନ୍ଧ୍ୟା ୬ଟା ୪୫ମିନିଟରେ ଓୱେସି ଏକ୍ସ ହ୍ୟାଣ୍ଡେଲରେ ଏହି ଭିଡିଓ ଅପଲୋଡ କରିଛନ୍ତି।

ଅସଦୁଦ୍ଦିନ ଓୱେସି କହିଛନ୍ତି, ଦୁଃଖର କଥା, ଡିସେମ୍ବର ୬ ବିଷୟରେ କେହି କଥା ହେଉନାହାନ୍ତି । ଯେତେବେଳେ ଆପଣ ସବୁ ରାଜନୈତିକ ଗୋଷ୍ଠୀଙ୍କୁ ପଚାରନ୍ତି ଯେ ସେମାନେ କାହିଁକି କଥା ହୁଅନ୍ତି ନାହିଁ, ସେମାନେ କହନ୍ତି- ହେ, ଭୁଲିଯାଅ ଭାଇ, ଆପଣମାନେ। ମୁଁ ଏହି ଲୋକମାନଙ୍କୁ ପଚାରୁଛି, ତୁମେ ତୁମ ବାପାଙ୍କ ମୃତ୍ୟୁକୁ ଭୁଲିପାରିବ କି? ମା'ଙ୍କ ମୃତ୍ୟୁକୁ ଭୁଲିପାରିବେ କି? ଆପଣ ଏହି ମସଜିଦକୁ ଏକ ଯୋଜନାବଦ୍ଧ ଢଙ୍ଗରେ ନେଇଗଲେ ଏବଂ ଅନେକ ସମସ୍ୟା ଉପୁଜିଲା ।

ନିକଟରେ କର୍ଣ୍ଣାଟକର କଲବୁର୍ଗିରେ ଭାଷଣ ଦେବା ବେଳେ ବି ଓୱେସି ରାମ ମନ୍ଦିର ଉପରେ ପ୍ରଶ୍ନ ଉଠାଇଥିଲେ। ସେ କହିଥିଲେ ଯେ ମୁସଲମାନମାନେ ୫୦୦ ବର୍ଷ ଧରି ନମାଜ ପାଠ କରିଥିଲେ ଏବଂ ଏକ ଯୋଜନାବଦ୍ଧ ଷଡ଼ଯନ୍ତ୍ର ଦ୍ୱାରା ବାବ୍ରି ମସଜିଦ କୁ ଛଡ଼ାଇ ନିଆଯାଇଥିଲା।