କେରଳରେ ପ୍ରଥମ କିନ୍ନର ଆଇନଜୀବୀ ହେଲେ ପଦ୍ମାଲକ୍ଷ୍ମୀ; ଆଇନ୍ ମନ୍ତ୍ରୀ ଜଣାଇଲେ ଅଭିନନ୍ଦନ

ଥିରୁଅନନ୍ତପୁରମ୍: କେରଳରେ ପ୍ରଥମ କରି ଜଣେ କିନ୍ନର ଆଇନଜୀବୀ ହୋଇଛନ୍ତି। ସେ ପଦ୍ମାଲକ୍ଷ୍ମୀ ନାମରେ ପରିଚିତ। ତାଙ୍କର ଏହି ସଫଳତାକୁ ନେଇ କେରଳର ଆଇନ୍ ମନ୍ତ୍ରୀ ପି ରାଜୀବ ବ୍ୟକ୍ତିଗତ ଭାବେ ପଦ୍ମାଙ୍କୁ ଅଭିନନ୍ଦନ ଜଣାଇଛନ୍ତି। ସେ ତାଙ୍କର ଇନଷ୍ଟାଗ୍ରାମ ଆକାଉଣ୍ଟରେ ପଦ୍ମାଙ୍କ ଫଟୋ ସେୟାର କରି ତାଙ୍କୁ ଅଭିନନ୍ଦନ ଜଣାଇଛନ୍ତି।
ମନ୍ତ୍ରୀ ରାଜୀବଙ୍କ ସୂଚନା ଅନୁଯାୟୀ, ୧୫ ଶହରୁ ଅଧିକ ଆଇନ ପାଠ୍ୟକ୍ରମରେ ଗ୍ରାଜୁଏଟ ଡିଗ୍ରି ହାସଲ କରିଥିବା ବ୍ୟକ୍ତିବିଶେଷ ବାର କାଉନସିଲରେ ପଞ୍ଜୀକରଣ କରିବା ପରେ

ସେମାନଙ୍କୁ ପ୍ରମାଣପତ୍ର ବାର କାଉନସିଲ ଅଫ ଇଣ୍ଡିଆ ଦ୍ୱାରା ଆୟୋଜିତ ଏକ କାର୍ଯ୍ୟକ୍ରମରେ ପ୍ରଦାନ କରାଯାଇଥିଲା। ଏର୍ନାକୁଲମ ସରକାରୀ ଆଇନ କଲେଜରୁ ଡିଗ୍ରି ହାସଲ କରିଛନ୍ତି ପଦ୍ମାଲକ୍ଷ୍ମୀ। ସେ ତାଙ୍କ ଜୀବନର ଅନେକ ବାଧାବିଘ୍ନକୁ ଅତିକ୍ରମ କରି ଆଜି କେରଳର ପ୍ରଥମ କିନ୍ନର ଆଇନଜୀବୀ ହୋଇପାରିଛନ୍ତି। ମନ୍ତ୍ରୀ ଲକ୍ଷ୍ମୀଙ୍କ ସହ ସମସ୍ତ ଯୁବ ଆଇନଜୀବୀଙ୍କ ଉଦ୍ୟମକୁ ପ୍ରଶଂସା କରିଛନ୍ତି।

ଏହି ସଫଳତା ପାଇଁ ଲକ୍ଷ୍ମୀ ଅନେକ ସଂଘର୍ଷର ସମ୍ମୁଖୀନ ହୋଇଥିବା କଥା ଆଇନ ମନ୍ତ୍ରୀ କହିଛନ୍ତି। ଦୀର୍ଘ ଦିନ ଧରି ନ୍ୟାୟ ପାଇବାକୁ ବାରଣ କରାଯାଉଥିବା କିନ୍ନର ସମ୍ପ୍ରଦାୟର ସ୍ୱର ହୋଇଥିବାରୁ ସେ ତାଙ୍କ ଦୃଷ୍ଟିକୁ ପ୍ରଶଂସା କରିଛନ୍ତି। ସେ ଆଶା କରିଛନ୍ତି ଯେ ଲକ୍ଷ୍ମୀଙ୍କ କାହାଣୀ କିନ୍ନର ସମ୍ପ୍ରଦାୟର ଅନ୍ୟମାନଙ୍କ ପାଇଁ ପ୍ରେରଣାର ଉତ୍ସ ହେବ। ସେ ଲକ୍ଷ୍ମୀଙ୍କୁ ତାଙ୍କ କ୍ୟାରିୟରରେ ସଫଳତା କାମନା କରିଛନ୍ତି।