ଅଧିକରୁ ଅଧିକ ମୃତାହତ କରିବାକୁ ଏହା ଥିଲା ଯୋଜନାବଦ୍ଧ ଆକ୍ରମଣ

ପହଲଗାମ୍‌: ଜମ୍ମୁ ଏବଂ କାଶ୍ମୀରର ପହଲଗାମରେ ହୋଇଥିବା ଭୟଙ୍କର ଆତଙ୍କବାଦୀ ଆକ୍ରମଣର ପ୍ରାଥମିକ ତଦନ୍ତରୁ ଜଣାପଡିଛି ଯେ ଅଧିକରୁ ଅଧିକ ହିନ୍ଦୁମାନଙ୍କ ଜୀବନ ନେବାକୁ ଏହା ଏକ କୁକଳ୍ପିତ ଯୋଜନା ଥିଲା। 

ମଙ୍ଗଳବାର ଦିନ ପ୍ରାକୃତିକ ବୈସାରଣ ଘାସ ପଡ଼ିଆରେ ହୋଇଥିବା ଏହି ଆକ୍ରମଣରେ ୨୬ ଜଣଙ୍କର ମୃତ୍ୟୁ ହୋଇଥିଲା। ଯେଉଁମାନଙ୍କ ମଧ୍ୟରୁ ଅଧିକାଂଶ ପର୍ଯ୍ୟଟକ ଥିଲେ। ଉପତ୍ୟକାରେ ସାଧାରଣ ନାଗରିକଙ୍କୁ ଟାର୍ଗେଟ କରି ଘଟିଥିବା ଏହା ହେଉଛି ସବୁଠାରୁ ଖରାପ ଘଟଣା ମଧ୍ୟରୁ ଗୋଟିଏ।

ସୂତ୍ର ଅନୁଯାୟୀ ପର୍ଯ୍ୟଟକଙ୍କ ଉପରେ ଆକ୍ରମଣରେ ପାକିସ୍ତାନୀ ଏବଂ ସ୍ଥାନୀୟ କଶ୍ମୀରୀ ଆତଙ୍କବାଦୀ ଉଭୟ ସାମିଲ ଥିଲେ। ଆତଙ୍କବାଦୀମାନେ ସଂଖ୍ୟାରେ ଛଅ ଜଣ ଥିଲେ ବୋଲି ବିଶ୍ୱାସ କରାଯାଉଛି। ସେମାନଙ୍କୁ ସ୍ଥାନୀୟ ସହଯୋଗୀମାନେ ସାହାଯ୍ୟ କରିଥିଲେ, ଯେଉଁମାନେ ଆକ୍ରମଣ କରିବା ପୂର୍ବରୁ ଅଞ୍ଚଳକୁ ସମ୍ପୂର୍ଣ୍ଣ ଯାଞ୍ଚ କରିଥିଲେ।

ତଦନ୍ତକାରୀମାନେ ବିଶ୍ୱାସ କରନ୍ତି ଯେ ଆତଙ୍କବାଦୀମାନେ ବିଶେଷ ଭାବରେ ବୈସାରନକୁ ଆକ୍ରମଣ ପାଇଁ ବାଛିଥିଲେ। କାରଣ ଏହି ଅଞ୍ଚଳରେ ସୁରକ୍ଷା ବ୍ୟବସ୍ଥାର ଯଥେଷ୍ଟ ଅଭାବ ଥିଲା। ପହଲଗାମରୁ ପ୍ରାୟ ୬.୫ କିଲୋମିଟର ଦୂରରେ ଥିବା ଏହି ଦୁର୍ଗମ ସ୍ଥାନଟି କେବଳ ପାଦଚଲା କିମ୍ବା ଦୁଇ ଚକିଆ ଗାଡ଼ି ପାଇଁ ପ୍ରଜୁଜ୍ୟ ଥିଲା। 

ଯାହାର ଅର୍ଥ ହେଉଛି ଉଦ୍ଧାର କାର୍ଯ୍ୟ ବିଳମ୍ବ ହେବ, ଯାହା ଫଳରେ ମୃତାହତ ହେବାର ସମ୍ଭାବନା ଆହୁରି ଅଧିକ ରହିଛି।