ଭାରତ ପରେ ଆଫଗାନିସ୍ତାନରେ ପଶିବାକୁ ପାକର ଉଦ୍ୟମ, ସୁରକ୍ଷା ପରିଷଦକୁ ଜଣାଇଲା ଆଫଗାନିସ୍ତାନ

କାବୁଲ: ଆଫଗାନିସ୍ତାନ ସୁରକ୍ଷା ପରିଷଦକୁ ଏକ ଚିଠି ଲେଖି ପାକିସ୍ତାନୀ ସେନା ଦ୍ୱାରା ଏହାର ସୀମା ଅଞ୍ଚଳର ଉଲ୍ଲଂଘନ ବାବଦରେ ଉଲ୍ଲେଖ କରିଛି | ଆଫଗାନିସ୍ତାନ ପାକିସ୍ତାନର ଏଭଳି କାର୍ଯ୍ୟକଳାପକୁ ଦୃଢ ବିରୋଧ କରୁଛି। ଯଦି ଦ୍ୱିପାକ୍ଷିକ କଥାବାର୍ତ୍ତା ସହିତ ବିବାଦର ସମାଧାନ ନ ହୁଏ ତେବେ ୧୫ଟି ଦେଶର ଏହି ଗୋଷ୍ଠୀକୁ ଆବଶ୍ୟକ ପଦକ୍ଷେପ ନେବାକୁ ଚିଠିରେ ଉଲ୍ଲେଖ କରାଯାଇଛି ।

ମିଳିତ ଜାତିସଂଘରେ ଆଫଗାନିସ୍ତାନର ସ୍ଥାୟୀ ପ୍ରତିନିଧୀ ଆଡେଲା ରାଜ ସୁରକ୍ଷା ପରିଷଦର ଅଧ୍ୟକ୍ଷ (ଜର୍ମାନୀ)ଙ୍କୁ ଚିଠି ଲେଖି ପାକିସ୍ତାନ ନିକଟରେ ହୋଇଥିବା ସୀମା ଉଲ୍ଲଂଘନ ସମ୍ପର୍କରେ ସୂଚନା ଦେଇଛନ୍ତି। ସେ କହିଛନ୍ତି ଯେ ଏହି ପରିପ୍ରେକ୍ଷୀରେ ଆଫଗାନିସ୍ତାନ ୨୦୧୯ ଏବଂ ଫେବୃଆରୀ ମାସରେ ସୁରକ୍ଷା ପରିଷଦରେ ଉଦବେଗ ପ୍ରକାଶ କରିଥିଲା, ତଥାପି ଏହା ସତ୍ତ୍ୱେ ଦେଶର ସୀମାକୁ ପାକିସ୍ତାନ ଦ୍ୱାରା ଉଲ୍ଲଂଘନ କରାଯାଉଛି |

ଜୁଲାଇ ୧୫ରେ ପାକିସ୍ତାନର ସୈନ୍ୟମାନେ ଆଫଗାନିସ୍ତାନ ସୀମାନ୍ତ ପୋଷ୍ଟ ତଥା ଆବାସିକ ଅଞ୍ଚଳ କୁନାର ପ୍ରଦେଶର ସାରାକାନୋ ଏବଂ ଆସାଦ ଆବାଦ୍ ଜିଲ୍ଲାରେ ତୋପ ଦ୍ୱାରା ଲଗାତାର ଆକ୍ରମଣ କରାଯାଉଛି | ଏହି ଆକ୍ରମଣରେ ଚାରି ଜଣ ଆଫଗାନ ସୈନିକଙ୍କ ସମେତ ୬ ଜଣ ନାଗରିକଙ୍କର ମୃତ୍ୟୁ ହୋଇଛି | ଚିଠିରେ କୁହାଯାଇଛି ଯେ ଆଫଗାନିସ୍ତାନ, ପାକିସ୍ତାନୀ ସୈନିକଙ୍କ ଦ୍ୱାରା ସୀମା ଅଞ୍ଚଳକୁ ଉଲ୍ଲଂଘନ କରିଥିବାର ଅନେକ ଥର ଅଭିଯୋଗ କରିଛି, ଏହା ପରେ ବି ପାକିସ୍ତାନ ସୁଧୁରୁନାହିଁ |