ପାକିସ୍ତାନ: ପଞ୍ଜାବ ପ୍ରଦେଶର ନୂଆ ମୁଖ୍ୟମନ୍ତ୍ରୀ ହେଲେ ହମଜା ଶାହାବାଜ

ଲାହୋର: ପାକିସ୍ତାନରେ ଚାଲିଥିବା ରାଜନୈତିକ ଅସ୍ଥିରତା ମଧ୍ୟରେ ବର୍ତ୍ତମାନ ପଞ୍ଜାବ ପ୍ରଦେଶକୁ ନୂଆ ମୁଖ୍ୟମନ୍ତ୍ରୀ ମିଳିଛି। ଏହି ଦୌଡ଼ରେ ଅନେକ ନାଁ ଥିବା ବେଳେ ଏବେ ହମଜା ଶାହାବାଜଙ୍କୁ ପଞ୍ଜାବ ପ୍ରଦେଶର ମୁଖ୍ୟମନ୍ତ୍ରୀ କରାଯାଇଛି। ହମଜା ହେଉଛନ୍ତି ପାକିସ୍ତାନର ପ୍ରଧାନମନ୍ତ୍ରୀ ଶାହବାଜ ଶରିଫଙ୍କ ପୁଅ।

ତେବେ ଶନିବାର ଦିନ ପାକିସ୍ତାନର ପଞ୍ଜାବ ବିଧାନସଭାରେ ଇମ୍ରାନ ଖାନଙ୍କ ଦଳ ପିଟିଆଇର ନେତାମାନେ ସୀମା ଟପିଯାଇଥିଲେ । ବିଧାନସଭାରେ ଅଧିବେଶନ ଆରମ୍ଭ ହେବା ମାତ୍ରେ ପିଟିଆଇ ନେତାମାନେ ଉପ ବାଚସ୍ପତି ମହମ୍ମଦ ମଜ୍ରିଙ୍କୁ ଚାପୁଡ଼ା ମାରିବା ଆରମ୍ଭ କରିଥିଲେ। କେବଳ ଏତିକି ନୁହେଁ, ପିଟିଆଇ ନେତାମାନେ ବାଚସ୍ପତିଙ୍କ କେଶ ଟାଣିବା ସହ ଚାପୁଡ଼ା ମାରିଥିଲେ।

ମିଳିଥିବା ସୂଚନା ମୁତାବକ ଲାହୋର ହାଇକୋର୍ଟଙ୍କ ନିର୍ଦ୍ଦେଶ ପରେ ପଞ୍ଜାବରେ ଜଣେ ନୂତନ ମୁଖ୍ୟମନ୍ତ୍ରୀ ଚୟନ ପାଇଁ ଶନିବାର ଦିନ ଅଧିବେଶନ ଡକାଯାଇଥିଲାପାକିସ୍ତାନର ପଞ୍ଜାବରେ ମୁଖ୍ୟମନ୍ତ୍ରୀ ପଦ ପାଇଁ ହମଲା ଶାହାବାଜ ଏବଂ ଚୌଧୁରୀ ପରଭେଜ ଏଲାହିଙ୍କ ମଧ୍ୟରେ ପ୍ରତିଯୋଗିତା ଲାଗିଥିଲା । ଏହି ଅଧିବେଶନରେ ଉପ ବାଚସ୍ପତି ମହମ୍ମଦ ମଜ୍ରି ଅଧ୍ୟକ୍ଷତା କରିଥିଲେ। ତେବେ ଅଧିବେଶନ ଆରମ୍ଭ ହେବା ମାତ୍ରେ ପିଟିଆଇ ନେତାମାନେ ବିଧାନସଭାରେ ହଙ୍ଗାମା କରିବା ଆରମ୍ଭ କରିଥିଲେ। ରାଷ୍ଟ୍ରୀୟ ସଭାରେ ଆତ୍ମବିଶ୍ୱାସର ଗତିବିଧି ପାଇଁ ପିଟିଆଇ ଛାଡିଥିବା ବିରୋଧୀ ଶିବିରର ନେତାମାନଙ୍କୁ ଆକ୍ରମଣ କରି ପିଟିଆଇ ନେତାମାନେ ପାଟି କରିବା ଆରମ୍ଭ କରିଥିଲେ। ଏଭଳି ନ କରିବାକୁ ଉପବାଚସ୍ପତି କହିଥିଲେ । ଏଥିରେ ରାଗିଯାଇ ପିଟିଆଇ ନେତାମାନେ ତାଙ୍କୁ ଆକ୍ରମଣ କରିଥିଲେ |