ପେନଡ୍ରାଇଭ ମାଧ୍ୟମରେ ବିସ୍ଫୋଟକ ନିର୍ମାଣର ଭିଡିଓ ଭାରତକୁ ପଠାଉଛି ପାକିସ୍ତାନ

ଶ୍ରୀନଗର: ପାକିସ୍ତାନ ବର୍ତ୍ତମାନ କାଶ୍ମୀରରେ ଆତଙ୍କବାଦୀ କାର୍ଯ୍ୟକଳାପକୁ ଭିନ୍ନ ଢଙ୍ଗରେ ଆରମ୍ଭ କରିଛି । ସୁରକ୍ଷା ବାହିନୀର କଡା ନିରାପତ୍ତା ଯୋଗୁଁ ଅନୁପ୍ରବେଶ କରିବା ସହଜ ନଥିବାରୁ ପେନ୍ ଡ୍ରାଇଭ୍ ମାଧ୍ୟମରେ ପାକିସ୍ତାନରୁ ଆତଙ୍କବାଦୀଙ୍କୁ ତାଲିମ ନିର୍ଦ୍ଦେଶ ପଠାଯାଉଛି। ରା଼ଯୋୖରି ଜିଲ୍ଲାରେ ଏଭଳି ପ୍ରଥମ ମାମଲା ସାମ୍ନାକୁ ଆସିଛି ଯେଉଁଥିରେ ପେନ୍ ଡ୍ରାଇଭକୁ ହେରୋଇନ ଡ୍ରଗ୍ସ ସହ ପଠାଯାଇଛି।

ଯେତେବେଳେ ଏହା ପୁଲିସର ହାତରେ ପଡିଥିଲା, ଏଥିରେ ବିସ୍ଫୋରକ ଆଇଡି ପ୍ରସ୍ତୁତ କରି ବିସ୍ଫୋରଣ କରିବାର କୌଶଳ ବାବଦରେ ଶିକ୍ଷା ଦିଆଯାଉଥିବାର ଦେଖିବାକୁ ମିଳିଛି | ଏହା ବ୍ୟତୀତ ଯୁବକମାନଙ୍କୁ ଆତଙ୍କବାଦ ତାଲିମ ବିଷୟରେ ମଧ୍ୟ କୁହାଯାଇଛି।

ଜମ୍ମୁ ଆଇଜି ମୁକେଶ ସିଂ ଏହି ବିଷୟରେ ସମ୍ପୂର୍ଣ୍ଣ ସୂଚନା ଦେଇଛନ୍ତି। ଏହି ଭିଡିଓରେ ଆଇଡି ତିଆରି କରିବାର ସମ୍ପୂର୍ଣ୍ଣ ଉପାୟ ବର୍ଣ୍ଣନା କରାଯାଇଛି, ଯାହା ଦ୍ୱାରା ଜଣେ ଆଇଡି ପ୍ରସ୍ତୁତ କରିପାରିବ |ପ୍ରତିରକ୍ଷା ବିଶେଷଜ୍ଞଙ୍କ କହିବା କଥା ହେଲା ଯେ ବର୍ତ୍ତମାନ ପାକିସ୍ତାନ ଏହାର ଆତଙ୍କବାଦୀଙ୍କୁ ପଠାଇପାରୁନାହିଁ । ଏଭଳି ପରିସ୍ଥିତିରେ ପାକ୍ ଦ୍ୱାରା ଆତଙ୍କବାଦୀଙ୍କୁ ପ୍ରସ୍ତୁତ କରିବା ପାଇଁ ତାଲିମ ଭିଡିଓ ପଠାଯାଉଛି।