କୁଳଭୂଷଣ ଯାଦବଙ୍କୁ ନେଇ ପାକିସ୍ତାନର ନୂଆ ଖେଳ, ଛଡ଼ାଇନେଲା ଅପିଲ କରିବାର ଅଧିକାର

ନୂଆଦିଲ୍ଲୀ: କୁଳଭୂଷଣ ଯାଦବଙ୍କୁ ନେଇ ପାକିସ୍ତାନର ନାଟକ ପୁଣି ଥରେ ସାମ୍ନାକୁ ଆସିଛି। ପାକିସ୍ତାନ ଯାଦବଙ୍କ ପରିବାରଠାରୁ ଆବେଦନ କରିବାର ଅଧିକାର ମଧ୍ୟ ଛଡ଼ାଇ ନେଇଛି। ଇସ୍ଲମାବାଦ ନିଜେ ପାକିସ୍ତାନ ସୁପ୍ରିମକୋର୍ଟରେ ଏହା ସ୍ୱୀକାର କରିଛି। ୨୦୧୯ ମସିହାରେ ଯାଦବଙ୍କ ସହ ଜଡିତ ମାମଲାର ଶୁଣାଣି ସମୟରେ ଅନ୍ତର୍ଜାତୀୟ ନ୍ୟାୟ ଅଦାଲତ (ଆଇସିଜେ) ଏହି ଅଧିକାର ଦେଇଥିଲା।

ପାକିସ୍ତାନର ପ୍ରତିରକ୍ଷା ମନ୍ତ୍ରଣାଳୟ ସୁପ୍ରିମକୋର୍ଟରେ ଯୁକ୍ତି ଦର୍ଶାଇଛି ଯେ ଅବସରପ୍ରାପ୍ତ ଭାରତୀୟ ନୌସେନା ଅଧିକାରୀ କୁଳଭୂଷଣ ଯାଦବଙ୍କୁ ଆବେଦନ କରିବାର ଅଧିକାର ଦିଆଯାଇନାହିଁ କାରଣ ୨୦୧୯ରେ ଆଇସିଜେର ନିଷ୍ପତ୍ତି କେବଳ କନସୁଲାର ଆକ୍ସେସ୍ ସୁନିଶ୍ଚିତ କରିବା ପର୍ଯ୍ୟନ୍ତ ସୀମିତ ଥିଲା।

ପାକିସ୍ତାନର ପ୍ରତିରକ୍ଷା ମନ୍ତ୍ରଣାଳୟ ସୁପ୍ରିମକୋର୍ଟରେ ଯୁକ୍ତି ଦର୍ଶାଇଛି ଯେ ଅବସରପ୍ରାପ୍ତ ଭାରତୀୟ ନୌସେନା ଅଧିକାରୀ କୁଳଭୂଷଣ ଯାଦବଙ୍କୁ ଆବେଦନ କରିବାର ଅଧିକାର ଦିଆଯାଇନାହିଁ କାରଣ ୨୦୧୯ରେ ଆଇସିଜେର ନିଷ୍ପତ୍ତି କେବଳ କନସୁଲାର ଆକ୍ସେସ୍ ସୁନିଶ୍ଚିତ କରିବା ପର୍ଯ୍ୟନ୍ତ ସୀମିତ ଥିଲା। ମନ୍ତ୍ରଣାଳୟର ଓକିଲ ଖ୍ୱାଜା ହରିସ୍ ଅହମ୍ମଦ ମିଥ୍ୟା ଦାବି କରିଥିଲେ ଯେ ଆଇସିଜେ ଆବେଦନ କରିବାର ଅଧିକାର ଉପରେ କୌଣସି ନିର୍ଦ୍ଦେଶ ଦେଇନାହିଁ। ଯାଦବଙ୍କୁ ୨୦୧୬ରେ ବେଲୁଚିସ୍ତାନରେ ଗିରଫ କରାଯାଇଥିଲା ଏବଂ ୨୦୧୭ରେ ପାକିସ୍ତାନର ଏକ ସାମରିକ ଅଦାଲତ ଗୁପ୍ତଚର ଅଭିଯୋଗରେ ତାଙ୍କୁ ମୃତ୍ୟୁଦଣ୍ଡ ଦେଇଥିଲା।

୨୦୧୯ ମସିହାରେ, ଆଇସିଜେ ପାକିସ୍ତାନକୁ ଯାଦବଙ୍କୁ କନସୁଲାର ଆକ୍ସେସ୍ ପ୍ରଦାନ କରିବା ଏବଂ ତାଙ୍କ ଦଣ୍ଡାଦେଶର ସମୀକ୍ଷା କରିବାକୁ ନିର୍ଦ୍ଦେଶ ଦେଇଥିଲେ ଏବଂ ଫାଶୀ ଉପରେ ସ୍ଥଗିତ ରଖିଥିଲେ। ଏବେ ପାକିସ୍ତାନ କହୁଛି ଯେ କୁଳଭୂଷଣ ଯାଦବଙ୍କ ମାମଲାରେ ଆବେଦନ କରିବାର ଅଧିକାର ପ୍ରଯୁଜ୍ୟ ନୁହେଁ, କାରଣ ଏହା ଏକ ସାମରିକ ଅଦାଲତର ନିଷ୍ପତ୍ତି। ଭାରତ ସରକାର ମଧ୍ୟ ଏହା ଉପରେ ପ୍ରତିକ୍ରିୟା ପ୍ରକାଶ କରିଛନ୍ତି। ଭାରତ ଏହାକୁ ଆଇସିଜେ ରାୟର ଉଲ୍ଲଂଘନ ବୋଲି କହିଛି।