ଦ୍ବାର ନଖୋଲିବାରୁ ଟ୍ରେନ୍‌କୁ ପଥର ଫିଙ୍ଗିଲେ ଅ‌ପେକ୍ଷାରତ ଯାତ୍ରୀ

ହରପାଲପୁର: ଝାନ୍ସିରୁ ପ୍ରୟାଗରାଜ୍‌ ଯାଉଥିବା ଏକ ସ୍ବତନ୍ତ୍ର ଟ୍ରେନ୍‌ ଉପରକୁ ଯାତ୍ରୀମାନେ ପଥର ଫିଙ୍ଗିଛନ୍ତି। ହରପାଲପୁର ଷ୍ଟେସନରେ ଆକ୍ରମଣକାରୀମାନେ ଟ୍ରେନ ଉପରେ ପଥର ଫିଙ୍ଗି ଏହାର ଝରକା ଭାଙ୍ଗି ଦେଇଛନ୍ତି ଏବଂ ଯାତ୍ରୀମାନେ ଭୟରେ ଚିତ୍କାର କରିଛନ୍ତି। ସେ ସମୟର ଏକ ଭିଡିଓ ସୋସିଆଲ୍‌ ମିଡିଆରେ ଖୁବ୍‌ ଜୋର୍‌ରେ ଭାଇରାଲ୍‌ ହେବାରେ ଲାଗିଛି। 

ଗୋଟିଏ ଭିଡିଓରେ, ଜଣେ ଯାତ୍ରୀ କହୁଥିବା ଶୁଣାଯାଉଛି ଯେ ଗତକାଲି ରାତି ପ୍ରାୟ ୮ଟା ବେଳେ ଝାନ୍ସି ଷ୍ଟେସନରୁ ପ୍ରୟାଗରାଜ ଅଭିମୁଖେ ଟ୍ରେନ ଛାଡିଥିଲା। ଟ୍ରେନଟି ହରପାଲପୁରରେ ପହଞ୍ଚିବା ପରେ ଆକ୍ରମଣର ଶିକାର ହୋଇଥିଲା। ଆକ୍ରମଣକାରୀମାନେ ଟ୍ରେନକୁ କ୍ଷତି ପହଞ୍ଚାଇଥିଲେ ଏବଂ ଟ୍ରେନ୍‌ ଉପରକୁ ପଥର ଫିଙ୍ଗିଥିଲେ। ସେମାନେ ଯାତ୍ରୀମାନଙ୍କୁ ଆଘାତ ଦେବାକୁ ଚେଷ୍ଟା କରିଥିଲେ। ସେହି ଟ୍ରେନ୍‌ରେ ମହିଳା ଓ ଶିଶୁମାନେ ମଧ୍ୟ ଥିଲେ। 

ଏହି ସ୍ୱତନ୍ତ୍ର ଟ୍ରେନଟି ପ୍ରୟାରାଜରେ ମହାକୁମ୍ଭ ପାଇଁ ଚାଲୁଛି। ଯାହା ସାରା ଦେଶର ଦର୍ଶକଙ୍କୁ ଆକର୍ଷିତ କରୁଛି। ଟ୍ରେନରେ ଚଢ଼ୁଥିବା ଅଧିକାଂଶ ଯାତ୍ରୀ ଆଧ୍ୟାତ୍ମିକ ମହୋତ୍ସବକୁ ଯାଉଛନ୍ତି।

ରିପୋର୍ଟ ଅନୁଯାୟୀ, ଅନେକ ଲୋକ ଝାନ୍ସିରୁ ପ୍ରାୟ ଦୁଇ ଘଣ୍ଟାର ଯାତ୍ରା ପରେ କିଛି ଲୋକ ହରପାଲପୁରରେ ଟ୍ରେନରେ ଚଢ଼ିବା ପାଇଁ ଅପେକ୍ଷା କରିଥିଲେ। କିନ୍ତୁ ସେମାନେ ଟ୍ରେନରେ ଚଢ଼ିବାକୁ ଚେଷ୍ଟା କରିବା ସମୟରେ ଦ୍ୱାର ବନ୍ଦ ଥିବା ଦେଖିବାକୁ ପାଇଲେ। ଉତ୍ତ୍ୟକ୍ତ ଯାତ୍ରୀମାନେ ହିଂସାତ୍ମକ ହୋଇଗଲେ ଏବଂ ବଗି ଉପରେ ପଥର ଫିଙ୍ଗିବା ଆରମ୍ଭ କଲେ। ସେମାନେ ଟ୍ରେନ୍‌ର ଦ୍ୱାରର ଝରକା ମଧ୍ୟ ଭାଙ୍ଗି ଦେଇଥିଲେ, ଯାହା ଫଳରେ ଭିତରେ ଥିବା ଯାତ୍ରୀମାନଙ୍କ ମଧ୍ୟରେ ଆତଙ୍କ ଖେଳିଯାଇଥିଲା।