ଜଳପ୍ରପାତରେ ଗାଧୋଉଥିବା ଲୋକଙ୍କ ପୋଷାକ ନେଇ ପୁଲିସ୍ ପଳାଇଲେ, ଘଟଣା କ’ଣ ଜାଣନ୍ତୁ...

ବେଙ୍ଗାଲୁରୁ:  କର୍ଣ୍ଣାଟକର ଏକ ଜଳପ୍ରପାତରେ ଗାଧୋଉଥିବା ଲୋକଙ୍କ ପୋଷାକ ନେଇ ପୁଲିସ୍ ପଳାଇଛି। ପୁଲିସ୍ ପୋଷାକ ନେଇ ନିଜ କାରରେ ରଖିଥିଲା। ଲୋକମାନେ ପୋଷାକ ପାଇଁ ପୁଲିସ୍ ପଛରେ ଦୌଡିଥିଲେ। ଏହାର ଭିଡ଼ିଓ ଏଐବେ ସୋସିଆଲ ମିଡ଼ିଆରେ ଭାଇରାଲ ହେବାରେ ଲାଗିଛି।

ଏହି ମାମଲା କର୍ଣ୍ଣାଟକର ଚିକମାଗାଲୁର ଆଲେଖାନ ଜଳପ୍ରପାତ ଚାରମାଡିରେ ଘଟିଛି। ବହୁ ସଂଖ୍ୟାରେ ପର୍ଯ୍ୟଟକ ଚିକମାଗାଲୁରରେ ପହଞ୍ଚିଥାନ୍ତି। ଏଠାରେ ଥିବା ଜଳପ୍ରପାତ ଅନେକ ଲୋକଙ୍କୁ ଆକର୍ଷିତ କରିଥାଏ। ମୁଦିଗେରେ ଅଞ୍ଚଳରେ କୋଟିଜେ ହାରା ଠାରୁ ଚାରମାଡି ଘାଟ ରୋଡ ମଧ୍ୟରେ ଅନେକ ସୁନ୍ଦର ଜଳପ୍ରପାତ ଅଛି, ଯାହା ପର୍ଯ୍ୟଟକଙ୍କୁ ଆକର୍ଷିତ କରିଥାଏ । ପୁଲିସ୍‌ ପକ୍ଷରୁ ଜଳପ୍ରପାତ ନିକଟକୁ ଯିବାକୁ ବାରଣ କରାଯାଇଥିଲା।

ଏହା ପରେ ମଧ୍ୟ ଅନେକ ପର୍ଯ୍ୟଟକ ସେଠାରେ ପହଁରି ଗାଧୋଇବା ଆରମ୍ଭ କରିଥିଲେ। ସୂଚନା ପାଇବା ମାତ୍ରେ ପୋଲିସ ସେଠାରେ ପହଞ୍ଚି ଗାଧୋଉଥିବା ଲୋକଙ୍କ ପୋଷାକ ନେଇ ପଳାଇଥିଲା। ‌ଗାଧୋଉଥିବା ଲୋକେ ପୋଷାକ ପାଇଁ ପୁଲିସ୍ ପଛରେ ଦୌଡ଼ିଥିଲେ। ପୁଲିସ୍ ପାଖରେ ସେମାନେ କାକୁତିମିନତି କରିଥିଲେ। ଶେଷରେ ‌ପୁଲିସ୍ ସେମାନଙ୍କ ପୋଷାକ ଫେରାଇବା ସହିତ ତାଗିଦ୍ କରି ଛାଡି ଦେଇଥିଲା।

ଭବିଷ୍ୟତରେ ସେମାନେ ଚେତାବନୀକୁ ଅଣଦେଖା କରିବେ ନାହିଁ ବୋଲି ପୁଲିସ୍ କହିଛି। ବର୍ତ୍ତମାନ ଏହି ଭିଡିଓ ସୋସିଆଲ ମିଡିଆରେ ଭାଇରାଲ ହେବାରେ ଲାଗିଛି ଏବଂ ୟୁଜରଙ୍କ ଠାରୁ ବିଭିନ୍ନ ପ୍ରକାରର ମନ୍ତବ୍ୟ ଆସୁଛି।

ଜଣେ ସୋସିଆଲ ମିଡିଆ ୟୁଜର ଲେଖିଛନ୍ତି ଯେ ଜରିମାନା ଲାଗୁ କରିବା ଅପେକ୍ଷା ଏହି ଶିକ୍ଷା ଦେବାର ଉପାୟ ଭଲ। ଅନ୍ୟ ଜଣେ ଲେଖିଛନ୍ତି ପିଟିବା ଅପେକ୍ଷା କାହାକୁ ଲଜ୍ଜିତ କରିବା ଭଲ। ଏହା ସମ୍ଭବ ଯେ ଏହା ସେମାନଙ୍କ ମଧ୍ୟରେ ଉନ୍ନତି ଆଣିପାରେ । ଅନ୍ୟ ଜଣେ ଲେଖିଛନ୍ତି ଏଭଳି ଘଟଣା ଘଟିଥିଲେ ମଧ୍ୟ ଲୋକମାନେ ଏହାକୁ ଗ୍ରହଣ କରିବାକୁ କାହିଁକି ପ୍ରସ୍ତୁତ ନୁହଁନ୍ତି? ଗାଧୋଇବା ପାଇଁ ତୁମେ କାହିଁକି ନିଜ ଜୀବନକୁ ବିପଦରେ ପକାଉଛ?

ବର୍ଷା ସମୟରେ ଅନେକ ଜଳପ୍ରପାତ ବିପଜ୍ଜନକ ହୋଇଯାଉଛି। ‌ତେଣୁ ସେଠାକୁ ପ୍ରବେଶକୁ ପ୍ରଶାସନ ନିଷେଧ କରିଥିଲା।  ପର୍ବତରୁ ପଡୁଥିବା ଜଳ ହଠାତ୍ ମାଡ଼ି ଆସେ। ଏହା ଏତେ ଶୀଘ୍ର ଘଟେ ଯେ ଜଳପ୍ରପାତରେ ସ୍ନାନ କରୁଥିବା ଲୋକମାନେ କିଛି ଜାଣିବା ପୂର୍ବରୁ ଭାସି ଯାଆନ୍ତି। ଏହିପରି ଅନେକ ଲୋକ ପ୍ରାଣ ହରାଇଛନ୍ତି। ଏଭଳି ପରିସ୍ଥିତିରେ ପ୍ରଶାସନ ବିପଜ୍ଜନକ ଜଳପ୍ରପାତ ଚିହ୍ନଟ କରି ଲୋକଙ୍କୁ ସେଠାକୁ ଯିବାକୁ ବାରଣ କରିଥାଏ, କିନ୍ତୁ କିଛି ଲୋକ ନିୟମ ଭାଙ୍ଗି ସେଠାକୁ ଯାଆନ୍ତି। କର୍ଣ୍ଣାଟକ ପୋଲିସ ଏଭଳି ଲୋକଙ୍କୁ ଉଚିତ୍ ଶିକ୍ଷା ଦେଇଛି।