ଦେଶରେ କମୁଛି ଆକ୍ରାନ୍ତଙ୍କ ସଂଖ୍ୟା, ବଢୁଛି ସୁସ୍ଥଙ୍କ ସଂଖ୍ୟା

ନୂଆଦିଲ୍ଲୀ: ଦେଶରେ କରୋନା ଭାଇରସର ତୃତୀୟ ତରଙ୍ଗ ବର୍ତ୍ତମାନ ତଳକୁ ଖସି ଆସୁଥିବା ଜଣାପଡିଛି | ମଙ୍ଗଳବାର ଦିନ ମୋଟ ୨.୫୫ ଲକ୍ଷ ନୂଆ କରୋନା ମାମଲା ସାମ୍ନାକୁ ଆସିଥିବାବେଳେ ସୁସ୍ଥ ହେଉଥିବା ରୋଗୀଙ୍କ ସଂଖ୍ୟା ନୂଆ ମାମଲା ଅପେକ୍ଷା ଅଧିକ ରହିଛି | ଗତ ୨୪ ଘଣ୍ଟା ମଧ୍ୟରେ ମୋଟ ୨,୫୫,୮୭୪ଟି ନୂଆ ମାମଲା ଦେଖିବାକୁ ମିଳିଥିବାବେଳେ ଅନ୍ୟପଟେ ୨,୬୭,୭୫୩ଜଣ ଲୋକ ସୁସ୍ଥ ହୋଇଛନ୍ତି | ଏହି କାରଣରୁ, କରୋନାର ମୋଟ ସକ୍ରିୟ ମାମଲା ମଧ୍ୟ ହ୍ରାସ ପାଇଛି | ଗତ ଏକ ମାସ ପରେ ଏହା ଘଟିଛି, ଯେତେବେଳେ ବୃଦ୍ଧି ପରିବର୍ତ୍ତେ ସକ୍ରିୟ ମାମଲାଗୁଡ଼ିକରେ ହ୍ରାସ ଘଟିଛି |

ଗତ ୨୪ ଘଣ୍ଟା ମଧ୍ୟରେ କରୋନା କାରଣରୁ ୬୧୪ ରୋଗୀଙ୍କର ମୃତ୍ୟୁ ହୋଇଥିବାବେଳେ କେନ୍ଦ୍ର ସ୍ୱାସ୍ଥ୍ୟ ମନ୍ତ୍ରଣାଳୟ ଦ୍ୱାରା ଦିଆଯାଇଥିବା ତଥ୍ୟ ଅନୁଯାୟୀ ଦେଶରେ କୋଭିଡ ସଂକ୍ରମଣ ହାର ୧୫.୨ ପ୍ରତିଶତ ରହିଛି। ଦେଶରେ କରୋନା ସକ୍ରିୟ ମାମଲା ୨୨ ଲକ୍ଷରୁ ଅଧିକ ରହିଛି ।

ସେହିପରି ଏପର୍ଯ୍ୟନ୍ତ ୧୬୨ କୋଟି ଡୋଜ ଦିଆଯାଇଥିବାବେଳେ ଆଜି କେନ୍ଦ୍ର ସ୍ୱାସ୍ଥ୍ୟମନ୍ତ୍ରୀ ମନସୁଖ ମାଣ୍ଡଭିଆ ୯ଟି ରାଜ୍ୟ ତଥା କେନ୍ଦ୍ରଶାସିତ ଅଞ୍ଚଳର ସ୍ୱାସ୍ଥ୍ୟମନ୍ତ୍ରୀଙ୍କ ସହ ଆଲୋଚନା କରିବେ। ଜମ୍ମୁ କଶ୍ମୀର, ହିମାଚଳ, ପଞ୍ଜାବ, ହରିୟାଣା, ଉତ୍ତରପ୍ରଦେଶ, ଦିଲ୍ଲୀ, ଲଦାଖ, ଉତ୍ତରପ୍ରଦେଶର ସ୍ୱାସ୍ଥ୍ୟମନ୍ତ୍ରୀଙ୍କ ସହ ମାଣ୍ଡଭିଆ ଏକ ଭର୍ଚୁଆଲ୍ ବୈଠକ କରିବେ।