ପାକିସ୍ତାନରେ କ୍ଷମତା ଦଖଲ ଆଶଙ୍କା: ମୁନିର ରାଷ୍ଟ୍ରପତି,ବିଲାୱାଲ ପ୍ରଧାନମନ୍ତ୍ରୀ!

ଇସଲାମାବାଦ: ବହୁ ଦିନ ଧରି ଯାହା ଆଶା କରାଯାଉଥିଲା ତାହା ଘଟିବାକୁ ଯାଉଛି। ପୁଣି ଥରେ ପାକିସ୍ତାନରେ ଗଣତନ୍ତ୍ର ଶେଷ କରିବାକୁ ପ୍ରସ୍ତୁତି ଚାଲିଛି। ପାକିସ୍ତାନର ଲୋକମାନଙ୍କ ଉପରେ ବଡ଼ ସଙ୍କଟ ଆସିବାକୁ ଯାଉଛି। ଖୁବ୍ ଶୀଘ୍ର ରାଷ୍ଟ୍ରପତି ଆସିଫ ଅଲ୍ଲୀ ଜର୍ଦ୍ଦାରୀଙ୍କୁ ହଟାଇ ସିଧାସଳଖ ସେନା ମୁଖ୍ୟ ଫିଲ୍ଡ ମାର୍ଶାଲ ଅସୀମ ମୁନିରଙ୍କୁ ଦେଶର କ୍ଷମତା ଡୋର ହସ୍ତାନ୍ତର କରିବାର ଷଡ଼ଯନ୍ତ୍ର କରାଯାଉଛି।

ଏହା ସହିତ, ପାକିସ୍ତାନରେ ବର୍ତ୍ତମାନର ସଂସଦୀୟ ବ୍ୟବସ୍ଥାକୁ ଉଚ୍ଛେଦ କରି ସାମରିକ ବ୍ୟବସ୍ଥା ଲାଗୁ କରିବା ବିଷୟରେ ଆଲୋଚନା ହେଉଛି। ଏହି ଷଡ଼ଯନ୍ତ୍ର ସେନାର ନିର୍ଦ୍ଦେଶରେ କରାଯାଉଛି। ଗଣତନ୍ତ୍ର ନାମରେ ଆଉ ଏକ ମୃଦୁ ବିଦ୍ରୋହର ସ୍କ୍ରିପ୍ଟ ଲେଖାଯାଇଛି। ଏବେ ଏହା ବନ୍ଦ ହେବାକୁ ଯାଉଛି।

ପ୍ରକୃତରେ, ଅସୀମ ମୁନିରଙ୍କୁ ସମ୍ପ୍ରତି ଫିଲ୍ଡ ମାର୍ଶାଲ କରାଯାଇଛି। ଏହା ପରେ, ତାଙ୍କୁ ଜୀବନବ୍ୟାପୀ ସାମରିକ ସୁବିଧା ଏବଂ ଆଇନଗତ ସୁରକ୍ଷା ମିଳିଛି। ଦେଶର କ୍ଷମତା ଉପରେ ତାଙ୍କର କବଜା ଆହୁରି ମଜବୁତ ହେଉଛି। ଏବେ ସେ କେବଳ ସେନା ନୁହେଁ। ସେ ପାକିସ୍ତାନର ସମଗ୍ର ରାଜନୈତିକ କ୍ଷମତାର ମୁଖ୍ୟ ହେବାକୁ ଯାଉଛନ୍ତି। ମୁନିରଙ୍କର ଆମେରିକା, ଚୀନ୍ ଏବଂ ସାଉଦି ଆରବକୁ କରାଯାଇଥିବା କୂଟନୈତିକ ଗସ୍ତ କହୁଛି ଯେ, ଏବେ ସେ ପାକିସ୍ତାନର ପ୍ରକୃତ ଶାସକ।

ଅଧିକ ପଢ଼ନ୍ତୁ: ଧରି ସିଧା ଗୁଳି କର:ହସିନାଙ୍କ ଅଡିଓ ଟେପ୍ ଭାଇରାଲ୍

ପାକିସ୍ତାନରେ କ୍ଷମତା ଦଖଲ ପରେ ମୁନିର ରାଷ୍ଟ୍ରପତି ହେବେ ବୋଲି କୁହାଯାଉଛି। ଏହା ସହିତ ପ୍ରଧାନମନ୍ତ୍ରୀ ପଦରୁ ଶାହବାଜ ସରିଫଙ୍କୁ ହଟାଇ ଦିଆଯିବ। ବିଲାୱାଲ ଭୁଟ୍ଟୋ ତାଙ୍କ ସ୍ଥାନ ନେବେ। ଏହି ସମ୍ଭାବ୍ୟ ପରିବର୍ତ୍ତନ ଆଶଙ୍କା ପାକିସ୍ତାନ ମୁସଲିମ ଲିଗ୍-ନୱାଜ ଏବଂ ସରିଫ ପରିବାରରେ ଏକ କୋକୁଆ ଭୟ ସୃଷ୍ଟି କରିଛି। ନୱାଜ ସରିଫ ଏବଂ ବର୍ତ୍ତମାନର ପ୍ରଧାନମନ୍ତ୍ରୀ ଶାହବାଜ ସରିଫ ଭୟ କରୁଛନ୍ତି ଯେ, ଯଦି ରାଷ୍ଟ୍ରପତି ଶାସନ ଆସେ, ତେବେ କେବଳ ସରକାରଙ୍କର ପତନ ହେବ ନାହିଁ, ବରଂ ସେମାନେ ରାଜନୈତିକ ସ୍ଥିତି ମଧ୍ୟ ହରାଇବେ।

ଏହି କାରଣରୁ ସରିଫ ପରିବାର ପାକିସ୍ତାନୀ ସେନାର ଅନ୍ୟ ଗୋଷ୍ଠୀ ସହିତ ଯୋଗାଯୋଗ କରୁଛନ୍ତି। ଅନ୍ୟପକ୍ଷରେ,ବିଲାୱାଲଙ୍କ ଭୂମିକାକୁ ନେଇ ଜରଦାରୀଙ୍କ ଦଳ ମଧ୍ୟରେ ମତଭେଦ ଥିବା ରିପୋର୍ଟ ରହିଛି। ତଥାପି, ସେନା ଏବଂ ପିପିପିର ମେଣ୍ଟ ସ୍ପଷ୍ଟ ଭାବରେ ସୂଚିତ କରୁଛି ଯେ, ବିଲାୱାଲଙ୍କୁ ଆଗକୁ ଆଣିବାର ସ୍କ୍ରିପ୍ଟ ପ୍ରସ୍ତୁତ ହେଉଛି। 

ଏଭଳି ସ୍ଥିତି ଜେନେରାଲ ଜିଆ-ଉଲ-ହକଙ୍କ ୧୯୭୭ ବିଦ୍ରୋହର ବାର୍ଷିକୀରେ ଘଟୁଛି, ଯାହା ଯୋଗୁ ଏହାକୁ 'ଏକଚ୍ଛତ୍ରବାଦର ପୁନରାବୃତ୍ତି' ଭାବରେ ଦେଖାଯାଉଛି।

ସୂଚନାଯୋଗ୍ୟ, ଅତୀତରେ ଆୟୁବ ଖାନ, ଜିଆ-ଉଲ-ହକ ଏବଂ ପରଭେଜ ମୁଶାରଫଙ୍କ ପରି ସେନାମୁଖ୍ୟମାନେ କ୍ଷମତା ଦଖଲ  କରି ରାଷ୍ଟ୍ରପତି ହୋଇଥିଲେ। ଏବେକାର ପରିସ୍ଥିତି ମଧ୍ୟ ସମାନ କାହାଣୀର ପୁନରାବୃତ୍ତି କରୁଛି। 

ଅଧିକ ପଢ଼ନ୍ତୁ: ବିବାହର ୩ବର୍ଷ ପରେ ପରସ୍ପରଠାରୁ ଅଲଗା ହେବେ ପାୟଲ-ସଂଗ୍ରାମ୍

 pakistan | asim-munir