ଅବସର ନେଲା ରାଷ୍ଟ୍ରପତିଙ୍କ ଅଙ୍ଗରକ୍ଷୀ ଘୋଡ଼ା ବିରାଟ

ନୂଆଦିଲ୍ଲୀ: ରାଷ୍ଟ୍ରପତିଙ୍କ ବଡିଗାର୍ଡ କମାଣ୍ଡାଣ୍ଟଙ୍କ କଳା ଘୋଡା ବିରାଟ ବୁଧବାର ୭୩ ତମ ସାଧାରଣତନ୍ତ୍ର ଦିବସ ପରେଡ୍‌ ପରେ ନିଜର ବର୍ଷ ବର୍ଷ ଧରି ସେବାରୁ ଅବସର ନେଇଛି।
ବିରାଟ ରାଷ୍ଟ୍ରପତିଙ୍କ ବଡିଗାର୍ଡ କମାଣ୍ଡାଣ୍ଟ କର୍ଣ୍ଣେଲ ଅନୁପ ତିୱାରୀଙ୍କ ସହ ଜଡ଼ିତ ଥିଲା ଏବଂ ସାଧାରଣତନ୍ତ୍ର ଦିବସ ପରେଡରେ ୧୩ ଥର ଅଂଶଗ୍ରହଣ କରିଥିଲା।

ବୁଧବାର ପରେଡ୍‌ ପରେ ରାଷ୍ଟ୍ରପତି ରାମନାଥ କୋବିନ୍ଦ, ପ୍ରଧାନମନ୍ତ୍ରୀ ନରେନ୍ଦ୍ର ମୋଦୀ ଏବଂ ପ୍ରତିରକ୍ଷା ମନ୍ତ୍ରୀ ରାଜନାଥ ସିଂହ ଏହି ପରମ ବିଶ୍ୱସନୀୟ ଓ ଚମତ୍କାର ଘୋଡାକୁ ଥାପୁଡ଼ାଇ ବିଦାୟ ଦେଇଛନ୍ତି।

ଜାନୁଆରି ୧୫ରେ ସେନା ଦିବସ ପୂର୍ବରୁ ବିରାଟକୁ ସେନା ମୁଖ୍ୟଙ୍କ ପକ୍ଷରୁ ପ୍ରଶଂସା ପ୍ରଦାନ କରାଯାଇଥିଲା।
ବିରାଟ ହେଉଛନ୍ତି ପ୍ରଥମ ଘୋଡା ଯିଏ ନିଜର ଅସାଧାରଣ ସେବା ଏବଂ ଦକ୍ଷତା ପାଇଁ ସାଧାରଣତନ୍ତ୍ର ଦିବସ ପରେଡରେ ପ୍ରଶଂସା ଗ୍ରହଣ କରିଛି।