ବୃନ୍ଦାବନରେ ୩୦୦ ଗରିବ ପିଲାଙ୍କୁ ଖାଦ୍ୟ ପରଷିଲେ ପ୍ରଧାନମନ୍ତ୍ରୀ

ପିଲାମାନଙ୍କୁ ପୁଷ୍ଟିକର ଖାଦ୍ୟ ଯୋଗାଇ ଦେବା ଉପରେ ମୋଦି ଜୋର ଦେଇଛନ୍ତି । ଖାଦ୍ୟପାନୀୟ,ଟୀକାକରଣ,ଓ ସ୍ୱଚ୍ଛତା ବାଲ୍ୟ ସୁରକ୍ଷାର ୩ଟି ସୂତ୍ର ବୋଲି ପ୍ରଧାନମନ୍ତ୍ରୀ କହିଛନ୍ତି । ଟୀକାକରଣ ଅଭିଯାନ ମିଶନ ମୋଡରେ କାମ କରୁଛି ବୋଲି ଏହି ଅବସରରେ ମୋଦି କହିଛନ୍ତି । ମିଶନ ଇନ୍ଦ୍ରଧନୂଷରେ ପାଖାପାଖି ୩ କୋଟି ୪୦ଲକ୍ଷ ଶିଶୁ ଓ ୯୦ଲକ୍ଷ ଗର୍ଭବତୀ ମହିଳାଙ୍କୁ ଟୀକାକରଣ କରାଯାଇଛି ।

ବୃନ୍ଦାବନର ଚନ୍ଦ୍ରୋଦୟ ମନ୍ଦିରରେ ଆୟୋଜିତ କାର୍ଯ୍ୟକ୍ରମରେ ପିଲାମାନଙ୍କୁ ଭୋଜନ ବିତରଣ କରାଯାଇଛି । ଏହି କାର୍ଯ୍ୟକ୍ରମ ଉତ୍ତରପ୍ରଦେଶ ମୁଖ୍ୟମନ୍ତ୍ରୀ ଯୋଗୀ ଆଦିତ୍ୟନାଥ, କେନ୍ଦ୍ର ମାନବ ସମ୍ବଳ ମନ୍ତ୍ରୀ ପ୍ରକାଶ ଜାଭେଦକର, ଯୋଗୀ ସରକାରରେ କ୍ୟାବିନେଟ ମନ୍ତ୍ରୀ ଶ୍ରୀକାନ୍ତ ଶର୍ମା, ମଥୁରା ସାଂସଦ ହେମାମାଳିନୀ ସମେତ ସରକାରଙ୍କ କିଛି ଅନ୍ୟ ମନ୍ତ୍ରୀ ଉପସ୍ଥିତ ଥିଲେ ।