/sambad/media/agency_attachments/2024-07-24t043029592z-sambad-original.webp)
Follow Us/sambad/media/post_attachments/wp-content/uploads/2021/05/t-129.jpg)
indiatoday.in
କୋଲକାତା: ପଶ୍ଚିମବଙ୍ଗରେ କରୋନାଭାଇରସ୍ ଅବସ୍ଥା ଖରାପ ହେଉଥିବା ବେଳେ ଉଚ୍ଚ ପଦବୀରେ ଅବସ୍ଥାପିତ ଥିବା ବ୍ୟକ୍ତି ଧ୍ୟାନ ଦେଉନଥିବାରୁ ଏକ ସାମାଜିକ ସଂଗଠନ ମଙ୍ଗଳବାର କୋଲକାତାର ରାଜ ଭବନ ସମ୍ମୁଖରେ କିଛି ଛେଳିଙ୍କୁ ନେଇ ପହଞ୍ଚିଥିଲେ | ସେଠାରେ ସେ ୫-୭ମିନିଟ ରହି ରାଜ୍ୟରେ କରୋନା ରୋଗୀଙ୍କୁ ଅଣଦେଖା କରାଯାଉଥିବା ନେଇ ଆନ୍ଦୋଳନ କରିଥିଲେ | ଆଜି ଏନେଇ ରାଜ୍ୟପାଳ ନଗର ପୋଲିସ ମୁଖ୍ୟଙ୍କୁ ଚିଠି ଲେଖି ସ୍ପଷ୍ଟୀକରଣ ମାଗିଛନ୍ତି |
ରାଜ୍ୟପାଳଙ୍କ କହିବା ମୁତାବକ, ରାଜଭବନର ମୁଖ୍ୟ ପ୍ରବେଶ ଦ୍ୱାରରେ ମଧ୍ୟ ଆଇନ ଶୃଙ୍ଖଳା ସ୍ଥିତି ଚିନ୍ତାଜନକ | ପୁଲିସ ନିୟୋଜିତ ଥାଇ ମଧ୍ୟ ଲୋକେ ପ୍ରବେଶ ନିଷେଧ କରାଯାଇଥିବା ପଥକୁ ଆସି ଆନ୍ଦୋଳନ କରିପାରୁଛନ୍ତି | ଏନେଇ ଅସନ୍ତୋଷ ବ୍ୟକ୍ତ କରିବା ସହ ସେ ନଗର ପୋଲିସ ମୁଖ୍ୟଙ୍କୁ ଚିଠି ଲେଖି ସନ୍ଧ୍ୟା ୫ଟା ମଧ୍ୟରେ ସ୍ପଷ୍ଟୀକରଣ ଦେବାକୁ କହିଛନ୍ତି |
ଉଲ୍ଲେଖଯୋଗ୍ୟ, ରାଜ୍ୟରେ ଅନ୍ୟ ସବୁ ସମସ୍ୟା ଉପରେ ନଜର ରଖିବାକୁ ସମୟ ଥିଲେ ମଧ୍ୟ ରାଜ୍ୟପାଳ ଜଗଦୀପ ଧନଖରଙ୍କ ପାଖରେ କରୋନା ସ୍ଥିତି ଉପରେ ନଜର ରଖିବାକୁ ସମୟ ନାହିଁ | ରାଜ୍ୟରେ କରୋନା ରୋଗୀଙ୍କୁ ଶଯ୍ୟା ସହ ଚିକିତ୍ସା ପାଇଁ ଜରୁରୀ ଜିନିଷ ମିଳୁନଥିବା ବେଳେ ରାଜ୍ୟପାଳ ଏ ଦିଗ ପ୍ରତି ଧ୍ୟାନ ଦେଉନାହାନ୍ତି ବୋଲି ଅଭିଯୋଗ କରି ରାଜ ଭବନର ଉତ୍ତର ଦ୍ୱାରରେ ପହଞ୍ଚିଥିଲେ କୋଲକାତା ନାଗରିକ ମହାମଞ୍ଚର ମୁଖପାତ୍ର | କରୋନା ମହାମାରୀ ପାଇଁ ଲୋକଙ୍କୁ ନଆଣି ସେ ଛେଳି ନେଇ ଆନ୍ଦୋଳନ କରିବାକୁ ଆସିଥିବା କହିଥିଲେ | ଉତ୍ତର ଦ୍ୱାରରେ ସୁରକ୍ଷାକର୍ମୀ ମୁତୟନ ଥାଇ ମଧ୍ୟ ସେ ସେଠାରେ ୫-୭ମିନିଟ ରହି ଆନ୍ଦୋଳନ କରିଥିଲେ | ଏହାକୁ ଦେଖିବା ପରେ ଏବେ ସୁରକ୍ଷା ସ୍ଥିତି ଉପରେ ପ୍ରଶ୍ନ ଉଠାଇବା ସହ ସ୍ପଷ୍ଟୀକରଣ ମାଗିଛନ୍ତି ରାଜ୍ୟପାଳ |