ପହଲଗାମ ଆକ୍ରମଣକୁ ନିନ୍ଦା କଲା କ୍ବାଡ୍

ଓ୍ବାସିଂଟନ : ଆମେରିକାରେ ଅନୁଷ୍ଠିତ କ୍ବାଡ୍ ବୈଦେଶିକ ମନ୍ତ୍ରୀ ସମ୍ମିଳନୀରେ ଭାରତକୁ ଏକ ବଡ଼ କୂଟନୈତିକ ସଫଳତା ମିଳିଛି । ପହଲଗାମ ଆତଙ୍କବାଦୀ ଆକ୍ରମଣକୁ ନିନ୍ଦା କରିଛି ଏହି ଚତୁର୍ଦ୍ଦେଶୀୟ ସଂଗଠନ । 

ୱାଶିଂଟନରେ ଅନୁଷ୍ଠିତ ବୈଠକ ପରେ ଜାରି ହୋଇଥିବା ଏକ ମିଳିତ ବିବୃତ୍ତିରେ, କ୍ୱାଡ୍ ଦେଶମାନେ କହିଛନ୍ତି ଯେ ଆତଙ୍କବାଦୀ ଆକ୍ରମଣର ପ୍ରାୟୋଜକ, ଆକ୍ରମଣକାରୀ ଏବଂ ଆର୍ଥିକ ସହାୟତାକାରୀଙ୍କୁ ଯଥାଶୀଘ୍ର ଆଇନର କାଠଗଡ଼ାକୁ ଅଣାଯାଉ । 

ୱାଶିଂଟନରେ ଅନୁଷ୍ଠିତ ବୈଠକ ପରେ ଜାରି ହୋଇଥିବା ଏକ ମିଳିତ ବିବୃତ୍ତିରେ, କ୍ୱାଡ୍ ଦେଶମାନେ କହିଛନ୍ତି ଯେ ଆତଙ୍କବାଦୀ ଆକ୍ରମଣର ପ୍ରାୟୋଜକ, ଆକ୍ରମଣକାରୀ ଏବଂ ଆର୍ଥିକ ସହାୟତାକାରୀଙ୍କୁ ଯଥାଶୀଘ୍ର ଆଇନର କାଠଗଡ଼ାକୁ ଅଣାଯାଉ । 

କ୍ବାଡ୍ ବୈଦେଶିକ ମନ୍ତ୍ରୀମାନେ ସୀମାପାର ଆତଙ୍କବାଦ ସମେତ ସମସ୍ତ ପ୍ରକାରର ହିଂସା ଏବଂ ଉଗ୍ରବାଦର ମଧ୍ୟ ବିରୋଧ କରିଥିଲେ। ବୈଦେଶିକ ମନ୍ତ୍ରୀମାନେ ଦୋହରାଇଥିଲେ ଯେ କ୍ୱାଡ୍ ଯେକୌଣସି ପ୍ରକାରର ଆତଙ୍କବାଦ ବିରୁଦ୍ଧରେ ଛିଡ଼ା ହୋଇଛି ଏବଂ ସମସ୍ତ ଦେଶ ବିଶ୍ୱ ଶାନ୍ତି ପାଇଁ ଏକାଠି କାମ କରିବା ଉଚିତ। ଭାରତ ଏହି ଅନ୍ତର୍ଜାତୀୟ ସମର୍ଥନକୁ ସ୍ୱାଗତ କରିଛି ଏବଂ ଏହା ଆତଙ୍କବାଦ ବିରୁଦ୍ଧରେ ଏହାର ନୀତିକୁ ସୁଦୃଢ଼ କରିବ ବୋଲି ବର୍ଣ୍ଣନା କରିଛି।

ସୂଚନାଯୋଗ୍ୟ ଯେ କ୍ବାଡ୍’ ଆମେରିକା, ଭାରତ, ଅଷ୍ଟ୍ରେଲିଆ ଓ ଜାପାନକୁ ନେଇ ଗଠିତ । ଏହାର ଉଦ୍ଦେଶ୍ୟ ହେଉଛି ଭାରତ-ପ୍ରଶାନ୍ତ-ମହାସାଗରୀୟ ଅଞ୍ଚଳରେ ଚୀନ୍ର ଆକ୍ରମଣାତ୍ମକ ଆଚରଣକୁ ଅଙ୍କୁଶ ଦେଇ ନିରାପତ୍ତା ସୁନିଶ୍ଚିତ କରିବା। ଓ୍ବାସିଂଟନରେ ଅନୁଷ୍ଠିତ ଏହି ବୈଠକରେ ଭାରତର ବୈଦେଶିକ ମନ୍ତ୍ରୀ ଏସ.ଜୟଶଙ୍କର ଯୋଗ ଦେଇଛନ୍ତି ।