କଂଗ୍ରେସ ନେତାମାନଙ୍କୁ ରାହୁଲଙ୍କ ପରାମର୍ଶ: ପଦ ପାଇଁ ଆଶାୟୀ ନ ହୋଇ ଲୋକଙ୍କ ପାଇଁ କାମ କର

ନୂଆଦିଲ୍ଲୀ: ରାଜସ୍ଥାନର ଉଦୟପୁରରେ ଚାଲିଥିବା କଂଗ୍ରେସର ଚିନ୍ତନ ଶିବିରରେ ଆଜି ରାହୁଲ ଗାନ୍ଧୀ ଉପସ୍ଥିତ ନେତାମାନଙ୍କୁ ପରାମର୍ଶ ଦେଇଛନ୍ତି | ରାହୁଲ ଗାନ୍ଧୀ କହିଛନ୍ତି ଯେ ଆମର ସମ୍ପୂର୍ଣ୍ଣ ଆଲୋଚନା ଆଭ୍ୟନ୍ତରୀଣ ପ୍ରସଙ୍ଗରେ ହୋଇଥାଏ। ଅର୍ଥାତ କେଉଁ ନେତା କେଉଁ ପଦ ପାଇଥାନ୍ତି ତାହାକୁ ନେଇ ବେଶୀ ଆଲୋଚନା ହୋଇଥାଏ | କିଏ ଇସ୍ତଫା ଦେଲା, କିଏ କେଉଁ ନୂଆ ପଦବୀ ପାଇଲା ଏହାକୁ ନେଇ ଲଗାତାର ଆଲୋଚନା ହୁଏ | ଆଜିର ସମୟରେ, ଆଭ୍ୟନ୍ତରୀଣ ଆଲୋଚନା କାମ କରିବ ନାହିଁ | ଆମକୁ ଜନସାଧାରଣଙ୍କ ନିକଟକୁ ଯିବାକୁ ପଡିବ | ଆମକୁ ଏହା ନିଜ ପାଇଁ ନୁହେଁ, ଦେଶ ପାଇଁ କରିବାକୁ ହେବ | ଲୋକଙ୍କର କେଉଁ ସବୁ ସମସ୍ୟା ରହିଛି ତାହାକୁ ବୁଝି ସ୍ୱର ଉତ୍ତୋଳନ କରିବାର ଆବଶ୍ୟକତା ରହିଛି |

ରାହୁଲ ଗାନ୍ଧୀ କହିଛନ୍ତି ଯେ ଶିବିରର ଆଲୋଚନାରେ ସେ ସମସ୍ତେ କଂଗ୍ରେସ ନେତାଙ୍କ ବିଷୟରେ ଆଲୋଚନା କରିଛନ୍ତି। ମୁଁ ସମସ୍ତଙ୍କ କଥା ଶୁଣିଲି | ମୋର ପ୍ରଶ୍ନ ହେଉଛି କଂଗ୍ରେସ ବ୍ୟତିରକେ ଦେଶର କେଉଁ ଦଳ ଖୋଲାଖୋଲି ଭାବେ ଆଲୋଚନା କରିଛନ୍ତି କି? ରାହୁଲ କହିଛନ୍ତି ଯେ ଜଣେ ବରିଷ୍ଠ ନେତା ମତେ କହିଥିଲେ ଯେ ଆରଏସଏସ ଏବଂ ବିଜେପିକୁ କିପରି ମୁକାବିଲା କରିବେ। ଏହି ସମୟରେ ରାହୁଲ କହିଛନ୍ତି ଯେ ଆମେ ହିଂସା ବିରୋଧରେ ଅଛେ । ରାହୁଲ କହିଛନ୍ତି ଯେ ଦେଶରେ ରୋଜଗାରର ବାଟକୁ ମୋଦୀ ଓ ବିଜେପି ଭାଙ୍ଗିଦେଇଛନ୍ତି।

ରାହୁଲ ଗାନ୍ଧୀ କହିଛନ୍ତି ଯେ ଆଜି ଭାରତର ଯୁବକମାନେ ଚାକିରି ପାଇପାରୁନାହାନ୍ତି | ଦୁଇ କୋଟି ଯୁବକଙ୍କୁ ରୋଜଗାର ଯୋଗାଇଦେବାକୁ ନରେନ୍ଦ୍ର ମୋଦୀ ପ୍ରତିଶୃତି ଦେଇଥିଲେ। କିନ୍ତୁ ବେରୋଜଗାର ହାର ଆଜି ଶୀର୍ଷରେ ପହଂଚିଛି | ଆଗାମୀ ସମୟରେ ମଧ୍ୟ ଦେଶର ଯୁବକମାନେ ରୋଜଗାର ପାଇବେ ନାହିଁ | ୟୁକ୍ରେନ ଯୁଦ୍ଧ ମଧ୍ୟ ଏହା ଉପରେ ପ୍ରଭାବ ପକାଇବାକୁ ଯାଉଛି। ଏଥିପାଇଁ ବିଜେପି ଦାୟୀ। ଆମେ ଆଦର୍ଶର ଯୁଦ୍ଧକୁ ଲଢ଼ିବା ଏବଂ ଲୋକଙ୍କ ସହ ଠିଆ ହେବା |