ବିଜେପି ସାଂସଦମାନେ ମୋତେ ଧକ୍କା ଦେଇଥିଲେ

ନୂଆଦିଲ୍ଲୀ: ସଂସଦରେ ଗୁରୁବାର ବିଜେପି ଓ କଂଗ୍ରେସ ସାଂସଦମାନଙ୍କ ମଧ୍ୟରେ ହୋଇଥିବା ହାତାହାତି ପ୍ରସଙ୍ଗରେ ଉଭୟ ଦଳ ପରସ୍ପରକୁ ଦୋଷଦେଇଛନ୍ତି । ଏହି ପ୍ରସଙ୍ଗରେ ଏକ ସାମ୍ବାଦିକ ସମ୍ମିଳନୀ କରି କଂଗ୍ରେସ ଅଧ୍ୟକ୍ଷ ମଲ୍ଲିକାର୍ଜୁନ ଖଡଗେ ଏବଂ ବିରୋଧୀ ଦଳ ନେତା ରାହୁଲ ଗାନ୍ଧୀ ବିଜେପି ଉପରେ ଦୋଷାରୋପ କରିଛନ୍ତି ।

ଖଡଗେ କହିଛନ୍ତି ଯେ ଆମେ ଅନେକ ପ୍ରସଙ୍ଗରେ ପ୍ରତିବାଦ କରୁଥିଲୁ। ଏହି ପ୍ରସଙ୍ଗକୁ ଜନସାଧାରଣଙ୍କ ପାଖରେ ପହଞ୍ଚାଇବା ପାଇଁ ସମସ୍ତ ସାଂସଦ ବିରୋଧ ପ୍ରଦର୍ଶନ କରୁଥିଲେ ଏବଂ ଅମିତ ଶାହା କ୍ଷମା ପ୍ରାର୍ଥନା କରିବାକୁ ଦାବି କରୁଥିଲେ। 

ମଲ୍ଲିକାର୍ଜୁନ ଖଡଗେ କହିଛନ୍ତି, ଆମେ ଚାଲି ଚାଲି ଆସୁଥିଲୁ। ଆମକୁ ଅଟକାଇବା ପାଇଁ ସେମାନେ ମକର ଦ୍ୱାରକୁ ଆସି ମହିଳା ସାଂସଦମାନଙ୍କୁ ମଧ୍ୟ ଅଟକାଇଥିଲେ। ସେମାନେ ଆମ ଉପରେ ଆକ୍ରମଣ କରିଥିଲେ। ମୋତେ ଧକ୍କା ଦିଆଯାଇଥିଲା ଏବଂ ମୁଁ ଭାରସାମ୍ୟ ସମ୍ଭାଳି ପାରିଲି ନାହିଁ ଏବଂ ଖସି ପଡ଼ିଲି | ସେମାନେ ଓଲଟି ଆମକୁ ଧକ୍କା ଦେଉଥିବା ଅଭିଯୋଗ କରୁଛନ୍ତି।

ମଲ୍ଲିକାର୍ଜୁନ ଖଡଗେ କହିଛନ୍ତି, ଆମେ ଚାଲି ଚାଲି ଆସୁଥିଲୁ। ଆମକୁ ଅଟକାଇବା ପାଇଁ ସେମାନେ ମକର ଦ୍ୱାରକୁ ଆସି ମହିଳା ସାଂସଦମାନଙ୍କୁ ମଧ୍ୟ ଅଟକାଇଥିଲେ। ସେମାନେ ଆମ ଉପରେ ଆକ୍ରମଣ କରିଥିଲେ। ମୋତେ ଧକ୍କା ଦିଆଯାଇଥିଲା ଏବଂ ମୁଁ ଭାରସାମ୍ୟ ସମ୍ଭାଳି ପାରିଲି ନାହିଁ ଏବଂ ଖସି ପଡ଼ିଲି | ସେମାନେ ଓଲଟି ଆମକୁ ଧକ୍କା ଦେଉଥିବା ଅଭିଯୋଗ କରୁଛନ୍ତି। ବିଜେପି ସୃଷ୍ଟି କରିଥିବା ବାତାବରଣକୁ ଆମେ ବରଦାସ୍ତ କରିବୁ ନାହିଁ। ସେମାନଙ୍କ ଭୁଲ ପାଇଁ ଆନ୍ଦୋଳନ ଜାରି ରହିବ।

କଂଗ୍ରେସ ସଭାପତି ଗଣମାଧ୍ୟମକୁ ଅନୁରୋଧ କରି କହିଛନ୍ତି, ମୁଁ ଅନୁରୋଧ କରୁଛି ଯେ ପ୍ରକୃତରେ ଯେଉଁ ଘଟଣା ଘଟିଛି ତାହା ଦେଖାଉ। ବିଜେପି ସାଂସଦମାନେ ଆମକୁ ଚିଡ଼ାଉଥିଲେ, ଉପହାସ କରୁଥିଲେ। ଆମେ ଏହି ବାତାବରଣକୁ ବରଦାସ୍ତ କରିବୁ ନାହିଁ। ଦେଶବ୍ୟାପୀ ଆନ୍ଦୋଳନ ହେବ। ବିଜେପି ସରକାର ଗୃହର ଶାନ୍ତି ଭଙ୍ଗ କରିବା କାମ କରିଛନ୍ତି।