ରାଜ କୁନ୍ଦ୍ରାଙ୍କ ଦୁଇଟି ବ୍ୟାଙ୍କ ଆକାଉଣ୍ଟ ସିଜ କଲା ମୁମ୍ବାଇ କ୍ରାଇମବ୍ରାଞ୍ଚ, ଆକାଉଣ୍ଟରେ ଥିଲା ଏତିକି ଟଙ୍କା

ମୁମ୍ବାଇ: ଅଶ୍ଳୀଳ ଫିଲ୍ମ ସୁଟିଂ ମାମଲାରେ ଗିରଫ ହୋଇଥିବା ରାଜ କୁନ୍ଦ୍ରାଙ୍କ ଉପରେ ଆଜି ମୁମ୍ବାଇ କ୍ରାଇମବ୍ରାଞ୍ଚ ଏକ ବଡ ପଦକ୍ଷେପ ନେଇଛି | ଆଜି ମୁମ୍ବାଇ କ୍ରାଇମବ୍ରାଞ୍ଚ ପକ୍ଷରୁ ରାଜ କୁନ୍ଦ୍ରାଙ୍କର ଦୁଇଟି ବ୍ୟାଙ୍କ ଆକାଉଣ୍ଟକୁ ସିଜ କରାଯାଇଛି | ମୁମ୍ବାଇ କ୍ରାଇମବ୍ରାଞ୍ଚ ରାଜ କୁନ୍ଦ୍ରାଙ୍କର ସିଟି ବ୍ୟାଙ୍କ ଏବଂ କୋଟାକ୍ ମହିନ୍ଦ୍ରା ବ୍ୟାଙ୍କର ଡେବିଟ୍ ଆକାଉଣ୍ଟକୁ ସିଜ କରିଛି। କୋଟାକ୍ ମହିନ୍ଦ୍ରା ବ୍ୟାଙ୍କର ଆକାଉଣ୍ଟରେ ୧ କୋଟି ୧୩ ଲକ୍ଷ ଟଙ୍କା ଜମା ଥିଲା |

ସେହିପରି କୁହାଯାଉଛି ଯେ ରାଜ କୁନ୍ଦ୍ରା ଆପଲ୍ କମ୍ପାନୀରୁ ୧.୬୪ କୋଟି ଟଙ୍କା ପାଇଥିବାବେଳେ ଗୁଗୁଲ ପକ୍ଷରୁ ଟଙ୍କା ମିଳିଥାନ୍ତା | ସୂଚନା ଥାଉ କି ଯେ ବିଭିନ୍ନ ଆପ୍ ଜରିଆରେ ଅଶ୍ଳୀଳ ଚଳଚ୍ଚିତ୍ର ନିର୍ମାଣ ତଥା ବିତରଣ ଅଭିଯୋଗରେ ରାଜ କୁନ୍ଦ୍ରାଙ୍କୁ ଜୁଲାଇ ୧୯ରେ ମୁମ୍ବାଇ ପୁଲିସ ଗିରଫ କରିଥିଲା।

ଏହା ପରେ ତାଙ୍କୁ ଜୁଲାଇ ୨୩ ଏବଂ ପରେ ଜୁଲାଇ ୨୭ପର୍ଯ୍ୟନ୍ତ ପୁଲିସ ହେପାଜତକୁ ପଠାଯାଇଥିଲା | ଆଜି ତାଙ୍କର ହେପାଜତର ଅବଧି ସରୁଥିବା ବେଳେ ପୁଣିଥରେ ତାଙ୍କୁ ୧୪ଦିନ ପାଇଁ ପୁଲିସ ହେପାଜତକୁ ପଠାଯାଇଛି |