ମୋଦୀ ହେଉଛନ୍ତି ୨୪ କ୍ୟାରେଟ ସୁନା, ତାଙ୍କ ବାବଦରେ କଲେଜରେ ପାଠ୍ୟକ୍ରମ ରହିବା କଥା: ରାଜନାଥ ସିଂହ

ନୂଆଦିଲ୍ଲୀ: ପ୍ରଧାନମନ୍ତ୍ରୀ ନରେନ୍ଦ୍ର ମୋଦୀ ହେଉଛନ୍ତି ୨୪ କ୍ୟାରେଟ ସୁନା | କିଛି ଏଭଳି କହିଛନ୍ତି ପ୍ରତିରକ୍ଷା ମନ୍ତ୍ରୀ ରାଜନାଥ ସିଂହ | ମୋଦୀଙ୍କୁ ୨୪ କ୍ୟାରେଟ ସୁନା ବୋଲି କହି ପ୍ରତିରକ୍ଷା ମନ୍ତ୍ରୀ ରାଜନାଥ ସିଂହ କହିଛନ୍ତି ଯେ ତାଙ୍କର ପ୍ରଭାବଶାଳୀ ରାଜନୈତିକ ଯାତ୍ରାକୁ ମ୍ୟାନେଜମେଣ୍ଟ କଲେଜରେ "ପ୍ରଭାବଶାଳୀ ନେତୃତ୍ୱ ଏବଂ ଦକ୍ଷ ଶାସନ" ଶୀର୍ଷକରେ ଅଧ୍ୟୟନ କରାଯିବା ଉଚିତ। ରାଜନାଥ ସିଂ କହିଛନ୍ତି ଯେ ତାଙ୍କ(ମୋଦୀ) ଉପରେ ଦୁର୍ନୀତିର ଗୋଟିଏ ବି ଦାଗ ନାହିଁ। ପ୍ରଧାନମନ୍ତ୍ରୀ ନରେନ୍ଦ୍ର ମୋଦୀଙ୍କୁ ପ୍ରଶଂସା କରି ପ୍ରତିରକ୍ଷା ମନ୍ତ୍ରୀ ରାଜନାଥ ସିଂ କହିଛନ୍ତି, "ଜଣେ ପ୍ରକୃତ ନେତୃତ୍ୱର ପରିଚୟ ତାହାର ଉଦ୍ଦେଶ୍ୟ ଏବଂ ଅଖଣ୍ଡତା ଦ୍ୱାରା ହୋଇଥାଏ ଓ ଉଭୟ ମାମଲାରେ ମୋଦୀଜୀ ହେଉଛନ୍ତି ୨୪ କ୍ୟାରେଟ ସୁନା' |

୨୦ ବର୍ଷ ଧରି ଶାସନରେ ଥିଲେ ବି ତାଙ୍କ ଉପରେ ଦୁର୍ନୀତିର ଗୋଟିଏ ବି ଦାଗ ନାହିଁ। ଏକ ଜାତୀୟ ସମ୍ମିଳନୀର ସମାପ୍ତି ଅଧିବେଶନରେ ଯୋଗ ଦେଇ ରାଜନାଥ ସିଂହ କହିଛନ୍ତି, "ମୋଦୀ କେବଳ ଜଣେ ବ୍ୟକ୍ତି ନୁହଁନ୍ତି। ଯଦି ଆମେ ଗତ ଦୁଇ ଦଶନ୍ଧିର ରାଜନୈତିକ ଯାତ୍ରାକୁ ଦେଖିବା, ଆମେ ପାଇବା ଯେ ନୂତନ ଆହ୍ୱାନ ତାଙ୍କ ସାମ୍ନାରେ ସବୁବେଳେ ଆସୁଛି | କିନ୍ତୁ ସେ ସେହି ଆହ୍ୱାନର ଯେଭଳି କରିଥିଲେ, ତାହାକୁ ଛାତ୍ରଛାତ୍ରୀଙ୍କୁ ଶିକ୍ଷା ଦିଆଯିବା ଉଚିତ୍। "

ଗୁଜୁରାଟର ମୁଖ୍ୟମନ୍ତ୍ରୀ ଭାବରେ ମୋଦୀଙ୍କ କାର୍ଯ୍ୟକାଳ ବିଷୟରେ ସିଂହ କହିଛନ୍ତି ଯେ ସେ ଗୁଜରାଟକୁ ସାମଗ୍ରିକ ବିକାଶ ପଥରେ ନେଇଛନ୍ତି ଏବଂ ସମାଜର ପ୍ରତ୍ୟେକ ବିଭାଗର ଅଗ୍ରଗତି ପାଇଁ କାର୍ଯ୍ୟ କରିଛନ୍ତି। ପ୍ରତିରକ୍ଷା ମନ୍ତ୍ରୀ କହିଛନ୍ତି ଯେ ମୋଦୀ 'ସବକା ସାଥ, ସବକା ବିକାଶ'ର ମନ୍ତ୍ର ଦେଇଛନ୍ତି ଏବଂ ତା’ପରେ ପ୍ରଧାନମନ୍ତ୍ରୀ ଭାବରେ' ସବକା ବିଶ୍ୱାସ, ସବକା ପ୍ରୟାସ'କୁ ଯୋଡିଛନ୍ତି।