୫ ବର୍ଷରେ ୪୦୦ କୋଟି ଟିକସ ଦେଇଛି ରାମ ମନ୍ଦିର ଟ୍ରଷ୍ଟ

ଅଯୋଧ୍ୟା : ଅଯୋଧ୍ୟା: ଭଗବାନ ରାମଙ୍କ ଜନ୍ମସ୍ଥାନ ଅଯୋଧ୍ୟାରେ ରାମ ମନ୍ଦିର ନିର୍ମାଣ ଯୋଗୁଁ ଏଠାରେ ତୀର୍ଥଯାତ୍ରୀଙ୍କ ସଂଖ୍ୟା ଯଥେଷ୍ଟ ବୃଦ୍ଧି ପାଇବାରେ ଲାଗିଛି। ସେହିପରି ଶ୍ରୀରାମ ଜନ୍ମଭୂମି ତୀର୍ଥ କ୍ଷେତ୍ର ଟ୍ରଷ୍ଟକୁ ମିଳୁଥିବା ଦାନ ମଧ୍ୟ ବଢ଼ିବାରେ ଲାଗିଛି। ଟ୍ରଷ୍ଟର ସମ୍ପାଦକ ଚମ୍ପତ ରାୟ ରବିବାର କହିଛନ୍ତି ଯେ ଧାର୍ମିକ ପର୍ଯ୍ୟଟନ ବୃଦ୍ଧି ପାଉଥିବା ବେଳେ ଗତ ପାଞ୍ଚ ବର୍ଷ ମଧ୍ୟରେ ଟ୍ରଷ୍ଟ ସରକାରଙ୍କୁ ପ୍ରାୟ ୪୦୦ କୋଟି ଟଙ୍କାର ଟିକସ ପ୍ରଦାନ କରିଛି।

ଟ୍ରଷ୍ଟ ଗଠନ ତାରିଖ ୨୦୨୦ ଫେବ୍ରୁଆରି ୫ରୁ ୨୦୨୫ ଫେବ୍ରୁଆରି ୫ ମଧ୍ୟରେ ଏହି ଟିକସ ପ୍ରଦାନ କରାଯାଇଥିଲା। ସେଥିମଧ୍ୟରୁ ୨୭୦ କୋଟି ଜିଏସଟି ଆକାରରେ ଦିଆଯାଇଥିବା ବେଳେ ବାକି ୧୩୦ କୋଟି ଅନ୍ୟାନ୍ୟ ଟିକସ ବର୍ଗରେ ପ୍ରଦାନ କରାଯାଇଛି।

ଟ୍ରଷ୍ଟ ଗଠନ ତାରିଖ ୨୦୨୦ ଫେବ୍ରୁଆରି ୫ରୁ ୨୦୨୫ ଫେବ୍ରୁଆରି ୫ ମଧ୍ୟରେ ଏହି ଟିକସ ପ୍ରଦାନ କରାଯାଇଥିଲା। ସେଥିମଧ୍ୟରୁ ୨୭୦ କୋଟି ଜିଏସଟି ଆକାରରେ ଦିଆଯାଇଥିବା ବେଳେ ବାକି ୧୩୦ କୋଟି ଅନ୍ୟାନ୍ୟ ଟିକସ ବର୍ଗରେ ପ୍ରଦାନ କରାଯାଇଛି। ଅଯୋଧ୍ୟାରେ ଭକ୍ତ ଓ ପର୍ଯ୍ୟଟକଙ୍କ ସଂଖ୍ୟା ଦଶ ଗୁଣ ବୃଦ୍ଧି ପାଇ ଏହା ଏକ ପ୍ରମୁଖ ଧାର୍ମିକ ପର୍ଯ୍ୟଟନ କେନ୍ଦ୍ରରେ ପରିଣତ ହୋଇଛି ଏବଂ ସ୍ଥାନୀୟ ଲୋକଙ୍କ ପାଇଁ ନିଯୁକ୍ତି ସୁଯୋଗ ସୃଷ୍ଟି କରିଛି ବୋଲି ସେ ଉଲ୍ଲେଖ କରିଛନ୍ତି।

ସେ କହିଛନ୍ତି ଯେ ମହାକୁମ୍ଭ ସମୟରେ ୧.୨୬ କୋଟି ଶ୍ରଦ୍ଧାଳୁ ଅଯୋଧ୍ୟା ଆସିଥିଲେ। ଟ୍ରଷ୍ଟର ଆର୍ଥିକ ରେକର୍ଡକୁ ଦେଶର କଣ୍ଟ୍ରୋଲର ଏବଂ ଅଡିଟର ଜେନେରାଲ (ସିଏଜି)ର ଅଧିକାରୀମାନେ ନିୟମିତ ଭାବେ ଅଡିଟ୍ କରନ୍ତି ବୋଲି ସେ କହିଛନ୍ତି।