ପାକିସ୍ତାନକୁ ଦେଖି ନିଜ ବୋଲିଂ ବିଭାଗକୁ ତିଆରି କରିଛି ଭାରତ : ରମିଜ୍ ରାଜା

ଲାହୋର : ନ୍ୟୁଜିଲ୍ୟାଣ୍ଡ ବିପକ୍ଷରେ ଟିମ ଇଣ୍ଡିଆର ବିଜୟ ପରେ ପାକିସ୍ତାନର ପୂର୍ବତନ କ୍ରିକେଟ୍ ବୋର୍ଡ ସଭାପତି ତଥା କ୍ରିକେଟର ରମିଜ ରାଜା ଭାରତର ବୋଲିଂ ଆକ୍ରମଣ ବିଷୟରେ ଏକ ବଡ଼ ବୟାନ ଦେଇଛନ୍ତି । ସେ କହିଛନ୍ତି ଯେ ପାକିସ୍ତାନକୁ ଦେଖି ଭାରତ ନିଜ ବୋଲିଂ ଆକ୍ରମଣର ଡିଜାଇନ ପ୍ରସ୍ତୁତ କରିଛି । ସେ ନିଜ ଦାବିକୁ ପ୍ରମାଣ କରିବାକୁଯାଇ  ଭାରତ ଏବଂ ପାକିସ୍ତାନର ବୋଲରଙ୍କ ମଧ୍ୟରେ ସମାନତା ବିଷୟରେ ଉଦାହରଣ ଦେଇଛନ୍ତି ।

ପାକିସ୍ତାନର ପୂର୍ବତନ ଅଧିନାୟକ ରମିଜ ରାଜା ମଧ୍ୟ ଭାରତୀୟ ବୋଲିଂ ଆକ୍ରମଣରେ ବହୁତ ଖୁସି, କିନ୍ତୁ ସେ ଏହା ଉପରେ ଏକ ବଡ଼ ଦାବି କରିଛନ୍ତି। ସେ କହିଛନ୍ତି ଯେ ଭାରତ ପାକିସ୍ତାନର ବୋଲିର ଡିଜାଇନକୁ ଦେଖି ନିଜର ବୋଲିଂ ଡିଜାଇନ ପ୍ରସ୍ତୁତ କରିଛି । "ମୁଁ ପ୍ରାୟତଃ ଅନୁଭବ କରେ ଯେ ଭାରତ ପାକିସ୍ତାନକୁ ଦେଖିଛି ଏବଂ ସମାନ ଭାବରେ ସେମାନଙ୍କର ବୋଲିଂ ଆକ୍ରମଣଡିଜାଇନ୍ କରିଛି। ହରିସ ରଉଫଙ୍କ ପରି ଉମାରନ୍ ମଲ୍ଲିକଙ୍କ ଗତି ଅଛି, ଅରଶଦୀପ ସିଂ ମଧ୍ୟ ଶାହିନ ଆଫ୍ରିଦିଙ୍କ ପରି ଏକ ବାମହାତୀ ବୋଲର  ଅଟନ୍ତି ।

ନିକଟରେ ଭାରତ ନ୍ୟୁଜିଲ୍ୟାଣ୍ଡ ବିପକ୍ଷରେ ଟି-୨୦ ଆନ୍ତର୍ଜାତୀୟ ସିରିଜ୍ ୨-୧ରେ ଜିତିଥିଲା । ତୃତୀୟ ଟି-୨୦ ମ୍ୟାଚ୍ ରେ ଟିମ ଇଣ୍ଡିଆ ନ୍ୟୁଜିଲ୍ୟାଣ୍ଡ ବିପକ୍ଷରେ ୧୬୮ ରନ୍ ର ବିପୁଳ ବ୍ୟବଧାନରେ ଜିତିଥିଲା, ଯାହାକି ଏପର୍ଯ୍ୟନ୍ତର ସବୁଠାରୁ ବଡ ବିଜୟ ।