ଉତ୍ତରପ୍ରଦେଶର କୁଖ୍ୟାତ ଗ୍ୟାଙ୍ଗଷ୍ଟର ରବି କାଣା ଥାଇଲାଣ୍ଡରୁ ଗିରଫ

ନୋଏଡା: ଉତ୍ତରପ୍ରଦେଶର ଗୌତମ ବୁଦ୍ଧ ନଗର ପୁଲିସ କମିସନରେଟକୁ ବଡ଼ ସଫଳତା ମିଳିଛି। ଥାଇଲାଣ୍ଡର ବ୍ୟାଙ୍କକରୁ ସ୍କ୍ରାପ୍ ମାଫିଆ ତଥା କୁଖ୍ୟାତ ଗ୍ୟାଙ୍ଗଷ୍ଟର ରବି କାଣାକୁ ଗିରଫ କରାଯାଇଛି । ସୂତ୍ରରୁ ମିଳିଥିବା ସୂଚନା ଅନୁଯାୟୀ, ଦୀର୍ଘ ଦିନ ଧରି ଫେରାର ଥିବା ରବିକୁ ଥାଇଲାଣ୍ଡରେ ଗିରଫ କରାଯାଇଛି ଏବଂ ଖୁବଶୀଘ୍ର ନୋଏଡା ପୁଲିସ ତାକୁ ଭାରତ ଆଣିବ ।

ସେପଟେ ଗ୍ୟାଙ୍ଗଷ୍ଟର ରବି କାଣା ବିରୋଧରେ ନୋଏଡା ପୁଲିସର ଅଭିଯାନ ଜାରି ରହିଛି। ବର୍ତ୍ତମାନ ସୁଦ୍ଧା ୧୨୦ କୋଟିରୁ ଅଧିକ ଟଙ୍କାର ସମ୍ପତ୍ତିକୁ ପୁଲିସ ଜବତ କରିସାରିଛି। ନିକଟରେ ପୁଲିସ ତା ପତ୍ନୀଙ୍କୁ ମଧ୍ୟ ଗିରଫ କରିଥିଲା। ପତ୍ନୀଙ୍କୁ ଗିରଫ କରିବା ପରେ ନୋଏଡା ପୋଲିସ ରବି କାନାତୁ ଠାବ କରିବା ଆରମ୍ଭ କରିଥିଲା । ଗତ ଦୁଇ ମାସ ମଧ୍ୟରେ ଗ୍ୟାଙ୍ଗଷ୍ଟର ରବି କାଣା ଗ୍ୟାଙ୍ଗର ପ୍ରାୟ ଏକ ଡଜନ ସଦସ୍ୟଙ୍କୁ ପୁଲିସ ଗିରଫ କରିଛି। ପୁଲିସ ସୂଚନା ଅନୁଯାୟୀ, ଏହି ଗ୍ୟାଙ୍ଗ ସ୍କ୍ରାପ୍ କାରବାର କରିବା ସହ ଅପରାଧିକ ପୃଷ୍ଠଭୂମିକୁ ବ୍ୟବହାର କରି କଣ୍ଟ୍ରାକ୍ଟ ହାସଲ କରୁଥିଲା।

ଗତ ଜାନୁଆରୀ ମାସରେ କାଣା ଓ ଅନ୍ୟ ୧୫ ଜଣଙ୍କୁ ଗ୍ୟାଙ୍ଗଷ୍ଟର ଆକ୍ଟ ଅନୁଯାୟୀ ଦୋଷୀ ସାବ୍ୟସ୍ତ କରାଯାଇଥିଲା। ଗତ ବର୍ଷ ଡିସେମ୍ବର ମାସରେ ଗାର୍ଡେନ୍ ଗାଲେରିଆ ମଲ୍ ର ପାର୍କିଂ ରେ ଜଣେ ମହିଳାଙ୍କ ସହ ମିଶି ଜଣେ ମହିଳାଙ୍କୁ ଗଣଦୁଷ୍କର୍ମ କରାଯାଇଥିବା ଅଭିଯୋଗ ହୋଇଥିଲା।