ମୋଦି ସରକାରଙ୍କୁ ବଡ଼ ଧକ୍କା ! ରିଜର୍ଭ ବ୍ୟାଙ୍କ ଗଭର୍ଣ୍ଣର ଉର୍ଜିତ ପଟେଲଙ୍କ ଇସ୍ତଫା

ମୁମ୍ବାଇ : ରିଜର୍ଭ ବ୍ୟାଙ୍କ ଗଭର୍ଣ୍ଣର ଉର୍ଜିତ ପଟେଲ ଆଜି ନିଜ ପଦରୁ ଇସ୍ତଫା ଦେଇଛନ୍ତି । ସରକାର ଓ ରିଜର୍ଭ ବ୍ୟାଙ୍କ ମଧ୍ୟରେ ଗତ କିଛିଦିନ ହେଲା ବିଭିନ୍ନ ବିଷୟକୁ ନେଇ ମତଭେଦ ରହିଆସିଥିଲା । ତେବେ ଗତ ମାସରେ ସେ ଇସ୍ତଫା ଖବରକୁ ଅସ୍ୱୀକାର କରିଥିଲେ । କିନ୍ତୁ ଆଜି ସେ ହଠାତ ନିଜ ପଦରୁ ଇସ୍ତଫା ଘୋଷଣା କରିବା ପରେ ଏହି ବିବାଦର ଯେ ସମାଧାନ ହୋଇନାହିଁ ତାହା ସ୍ପଷ୍ଟ ହୋଇଯାଇଛି । ବ୍ୟକ୍ତିଗତ କାରଣରୁ ସେ ଇସ୍ତଫା ଦେଇଥିବା ଜଣାଇଛନ୍ତି । ଏହି ଇସ୍ତଫା ତୁରନ୍ତ କାର୍ଯ୍ୟକାରୀ ହୋଇଛି ।

ଆର୍ବିଆଇ କେତେ ମାତ୍ରରେ ସ୍ୱୟଂକ୍ରିୟତା ପାଇବା କଥା ସେ ସଂକ୍ରାନ୍ତରେ ଗତ ମାସରୁ ସରକାର ଓ ଆର୍ବିଆଇଙ୍କ ମଧ୍ୟରେ ବିବାଦ ଲାଗିଛି। ଏହାକୁ ନେଇ ଉର୍ଜିତ ଗତ ମାସରେ ହିଁ ଇସ୍ତଫା ଦେବାକୁ କହିଥିଲେ । ତେବେ ପରେ ସେ ଏହାକୁ ସ୍ଥଗିତ ରଖିଥିଲେ । ପ୍ରଧାନମନ୍ତ୍ରୀ ନରେନ୍ଦ୍ର ମୋଦିଙ୍କ ପ୍ରଶାସନ ଆର୍ବିଆଇର ସର୍ପ୍ଲସ୍ ରିଜର୍ଭର ଋଣ ଉପରୁ କଟଣା ଉଠାଇ ତାହାକୁ ଅଧିକାର କରିବାକୁ ଚାହୁଁଛି। କେନ୍ଦ୍ରୀୟ ବ୍ୟାଙ୍କ୍ର ସ୍ୱାଧୀନତା ଉପରେ ସଙ୍କୋଚନ କଲେ ପରିଣାମ ଭୟାବହ ହେବ ବୋଲି ଗତ ଅକ୍ଟୋବର ମାସରେ ରିଜର୍ଭ ବ୍ୟାଙ୍କ୍ର ଡେପୁଟି ଗଭର୍ନର୍ ଏକ ଭାଷଣରେ କହିବା ପରେ ବିବାଦ ଉଗ୍ର ରୂପ ଧରିଥିଲା।