ଏହି କାରଣରୁ ଭାରତ-ପାକ ଯୁଦ୍ଧ ବିରତି ହୋଇଥିଲା

ବ୍ରସେଲ୍ସ : ଭାରତ ଓ ପାକିସ୍ତାନ ମଧ୍ୟରେ ହୋଇଥିବା ଯୁଦ୍ଧବିରତିକୁ ନେଇ ଦେଶର ବିରୋଧୀ ଦଳ ସରକାରଙ୍କୁ ପ୍ରଶ୍ନ ପଚାରିଚାଲିଛନ୍ତି। ବିଶେଷକରି ବିରୋଧୀ ଦଳ ନେତା ରାହୁଲ ଗାନ୍ଧି ପ୍ରଧାନମନ୍ତ୍ରୀ ନରେନ୍ଦ୍ର ମୋଦୀଙ୍କୁ କଡ଼ା ସମାଲୋଚନା କରୁଛନ୍ତି । ଏବେ ଏହି ପ୍ରଶ୍ନର ଉତ୍ତର ଦେଇଛନ୍ତି ବୈଦେଶିକ ମନ୍ତ୍ରୀ ଏସ. ଜୟଶଙ୍କର ।
ମେ ୧୦ ତାରିଖରେ ଯୁଦ୍ଧବିରତିର ପ୍ରକୃତ କାରଣ ବ୍ୟାଖ୍ୟା କରି ସେ କହିଛନ୍ତି, ଆମେ ପାକିସ୍ତାନର ୮ଟି ମୁଖ୍ୟ ବାୟୁସେନା ଘାଟି ଉପରେ ପ୍ରଚଣ୍ଡ ଆକ୍ରମଣ କରିଥିଲୁ ଏବଂ ଏହି କାରଣରୁ ଏହି ଯୁଦ୍ଧ ବନ୍ଦ ହୋଇଯାଇଥିଲା।

ୟୁରୋପୀୟ ସଂଘର ମୁଖ୍ୟ କୂଟନୀତିଜ୍ଞ କାଜା କଲାସଙ୍କ ସହିତ ଏକ ମିଳିତ ସାମ୍ବାଦିକ ସମ୍ମିଳନୀରେ ଜୟଶଙ୍କର କହିଛନ୍ତି ଯେ ଭାରତର ଲଢେଇ ପାକିସ୍ତାନ ରାଷ୍ଟ୍ର ସହ ନୁହେଁ, ବରଂ ଆତଙ୍କବାଦ ସହ ।

ଆମେରିକୀୟ ନ୍ୟୁଜ୍ ୱେବସାଇଟ୍ ପଲିଟିକୋ ସହିତ ଏକ ସାକ୍ଷାତକାର ସମୟରେ, ଜୟଶଙ୍କର କହିଛନ୍ତି, "୧୦ ତାରିଖରେ ଯୁଦ୍ଧ ବନ୍ଦ ହୋଇଯାଇଥିଲା, ଏହାର କେବଳ ଗୋଟିଏ କାରଣ ଥିଲା, ଆମେ ୧୦ ତାରିଖ ସକାଳେ ଏହି ୮ଟି ପାକିସ୍ତାନୀ, ମୁଖ୍ୟ ୮ଟି ପାକିସ୍ତାନୀ ବିମାନକ୍ଷେତ୍ରକୁ ଆକ୍ରମଣ କରି ସେଗୁଡ଼ିକୁ ଅକ୍ଷମ କରିଦେଇଥିଲୁ। ମୁଁ କହୁନି ଆପଣ ମୋତେ ବିଶ୍ୱାସ କରନ୍ତୁ, ଏହି ଚିତ୍ରଗୁଡ଼ିକ ଗୁଗୁଲରେ ଉପଲବ୍ଧ। ଆପଣ ଆକ୍ରମଣ ହୋଇଥିବା ରନୱେ ଏବଂ ହ୍ୟାଙ୍ଗରଗୁଡ଼ିକୁ ଦେଖିପାରିବେ।"

ସେହିପରି ୟୁରୋପୀୟ ସଂଘର ମୁଖ୍ୟ କୂଟନୀତିଜ୍ଞ କାଜା କଲାସଙ୍କ ସହିତ ଏକ ମିଳିତ ସାମ୍ବାଦିକ ସମ୍ମିଳନୀରେ ଜୟଶଙ୍କର କହିଛନ୍ତି ଯେ ଭାରତର ଲଢେଇ ପାକିସ୍ତାନ ରାଷ୍ଟ୍ର ସହ ନୁହେଁ, ବରଂ ଆତଙ୍କବାଦ ସହ ।